យកកាំបិតភ្ជង់គំរា.មបើមិនអោយកា.ប់ទាំងយប់ លុះព្រឹកឡើងអស់លក្ខណ៍ម្នាក់
- កណ្តាល
ជនសង្ស័យម្នាក់ក្នុងចំណោម២នាក់ ត្រូវបាននគរបាលប៉ុស្តិ៍ស្អាងភ្នំ សហការជាមួយកម្លាំងនគរបាលស្រុកស្អាង ធ្វើការឃាត់ខ្លួនបាន បន្ទាប់ពី
ជនសង្ស័យម្នាក់ក្នុងចំណោម២នាក់ ត្រូវបាននគរបាលប៉ុស្តិ៍ស្អាងភ្នំ សហការជាមួយកម្លាំងនគរបាលស្រុកស្អាង ធ្វើការឃាត់ខ្លួនបាន បន្ទាប់ពី
ខេត្តកណ្តាល ៖ ជនសង្ស័យម្នាក់ក្នុងចំណោម២នាក់ ត្រូវបាននគរបាលប៉ុស្តិ៍ស្អាងភ្នំ សហការជាមួយកម្លាំងនគរបាលស្រុកស្អាង ធ្វើការឃាត់ខ្លួនបាន បន្ទាប់ពីយកកាំបិតភ្ជង់ប្លន់ពលរដ្ឋយកទូរស័ព្ទបានសម្រេច ។ ហេតុការណ៍នេះ បានកើតឡើងនៅថ្ងៃទី៣០ ខែឧសភា ឆ្នាំ២០២២ វេលាម៉ោង២០និង៥០នាទីយប់ ចំណុចភូមិតានូ ក្នុងឃុំស្អាងភ្នំ ស្រុកស្អាង ខេត្តកណ្ដាល ។
នគរបាលស្រុកស្អាង បានអោយដឹងថា ជនរងគ្រោះទាំង០២នាក់ ទី១- ឈ្មោះ គ្រុយ សៀកហេង ភេទស្រី អាយុ១៧ឆ្នាំ ជនជាតិខ្មែរ មុខរបរកសិករ មានទីលំនៅភូមិតានូ ឃុំស្អាងភ្នំ ស្រុកស្អាង ខេត្តកណ្ដាល និងទី២-ឈ្មោះ ផល លីនដា ភេទស្រី អាយុ១៨ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិតានូ ឃុំស្អាងភ្នំ ស្រុកស្អាង ខេត្តកណ្ដាល។ ចំណែកជនសង្ស័យម្នាក់ក្នុងចំណោម០២នាក់វិញ ១- ឈ្មោះ ពយ ផានិត ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិគោកអណ្ដែត ឃុំស្អាងភ្នំ ស្រុកស្អាង ខេត្តកណ្ដាល ត្រូវឃាត់ខ្លួនបាន (ធ្លាប់ជាប់ពន្ធនាគារខេត្តកណ្ដាលចំនួន០១លើក ពីបទ «រក្សាទុកដោយខុសច្បាប់នូវសារធាតុញៀ.នម៉ាទឹកកកយៈពេល១២ខែ) និង២- ឈ្មោះ តឹង បញ្ញា ភេទប្រុស រត់គេចខ្លួនបាត់។
បើតាមរបាយការណ៍របស់សមត្ថកិច្ចបានអោយដឹងថា នៅថ្ងៃទី២៩ ខែឧសភា ឆ្នាំ២០២០ វេលាម៉ោង២០និង៥០នាទីយប់ ជនរងគ្រោះបានជិះម៉ូតូចេញពីកម្មវិធីបុណ្យនៅភូមិព្រែករុន ឃុំព្រែកគយវិញ លុះពេលជិះម៉ូតូមកដល់ចំណុចភូមិតានូ ឃុំស្អាងភ្នំ ស្រាប់តែមានជនសង្ស័យឈ្មោះ ពយ ផានិត និងឈ្មោះ តឹង បញ្ញា បានជិះម៉ូតូម៉ាក C125 តាមមកឈប់ពីមុខម៉ូតូរបស់ជនរងគ្រោះ ដោយឈ្មោះតឹង បញ្ញា កាន់កាំបិតបុ័ងតោភ្ជង់ជនរងគ្រោះ រួចស្រែកគំរា.មកា.ប់ បើមិនឱ្យទូរស័ព្ទ និងកាបូបលុយទេនោះ ។
ប្រភពដដែលបន្តថា ដោយមានការភ័យខ្លាច ជនរងគ្រោះបានឲ្យទូរសព្ទដៃចំនួន០២គ្រឿង និងកាបូបលុយឱ្យទៅជនសង្ស័យ លុះពេលយកបានហើយ ជនសង្ស័យក៏បានជិះម៉ូតូរត់គេចខ្លួនបាត់ទៅ។
ប្រភពដដែលបន្តទៀតថា លុះព្រឹកឡើងថ្ងៃទី៣០ ខែឧសភា ឆ្នាំ២០២២ វេលាម៉ោង០៨និង៣០នាទីព្រឹក ជនរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលស្អាងភ្នំ ក្រោយពីទទួលបានពាក្យបណ្ដឹងខាងលើនេះភ្លាម កម្លាំងប៉ុស្តិ៍នគរបាលស្អាងភ្នំ បានសហការជាមួយកម្លាំងព្រហ្មទណ្ឌស្រុក ធ្វើការស្រាវជ្រាវកំណត់មុខសញ្ញា រួចបានធ្វើការឃាត់ខ្លួនឈ្មោះ ពយផានិត មកប៉ុស្តិ៍ដើម្បីធ្វើការសាកសួរ ចំណែកម្នាក់ទៀតរត់គេចខ្លួនបាត់ស្រមោល។
បច្ចុប្បន្នជនសង្ស័យត្រូវបានឃាត់ខ្លួនបញ្ជូនអធិការដ្ឋាននគរបាលស្រុកស្អាង ដើម្បីកសាងសំណុំរឿងនិងចាត់ការតាមនីតិវិធីច្បាប់។
ចែករំលែកព័តមាននេះ