ខេត្តបន្ទាយមានជ័យ ៖ នគរបាលបានស្រុកថ្មពួកបានឲ្យដឹងថា សត្វគោចំនួន០៥ក្បាល បានងា.ប់ក្រោយរន្ទះមកបាញ់ កើតឡើងនៅវេលាម៉ោង០៣និង៤០នាទីរសៀលថ្ងៃទី៣១ ខែឧសភា ស្ថិតនៅភូមិកាប់ចោរ ឃុំភូមិថ្មី ស្រុកថ្មពួក ខេត្តបន្ទាយមានជ័យ ។
នគរបាលបានបញ្ជាក់ថា កាលពីវេលាម៉ោង០៣និង៤០នាទីរសៀលស្ថិតនៅភូមិសាស្ត្រ ស្រុកថ្មពួក មានភ្លៀងធ្លាក់មួយមេយ៉ាងធំលាយឡំជាមួយខ្យល់ ផ្គរ និងរន្ទះយ៉ាងខ្លាំង នៅឃុំចំនួន០៤ មាន៖ឃុំគំរូ ,ឃុំថ្មពួក,ឃុំភូមិថ្មី និងឃុំគោកកឋិន បានបាញ់សត្វគោទាំង០៥ក្បាលងា.ប់តែម្តង។
នគរបាលបានបញ្ជាក់ទៀត ម្ចាស់គោទី០១-ឈ្មោះ គត់ សេងគី ភេទប្រុស អាយុ៣៧ឆ្នាំ សត្វគោងាប់ចំនួន០៤ក្បាល (មេ២) ។ ទី២-ម្ចាស់ឈ្មោះគុន កន ភេទប្រុស អាយុ៤០ឆ្នាំ សត្វគោងាប់ ចំនួន០១ក្បាល(ញី) ។
តាមការបំភ្លឺពីម្ចាស់គោទាំង០២នាក់បានរៀបរាប់ថា នៅមុនពេលកើតហេតុ គាត់បានយកវគោទៅចងឲ្យស៊ីស្មៅនៅខាងលិចភូមិ នៅពេលឃើញមេក្តៅខ្លាំងក៏យកគោទៅចងនៅក្រោមដើមឈើ ក្រោយមកក៏មានភ្លៀងធ្លាក់យ៉ាងខ្លាំង លាយឡំជាមួយខ្យល់ និងផ្គររន្ទះ បានបាញ់គោទាំង០៥ក្បាលនោះងា.ប់តែម្តង ចំពោះមនុស្សពុំមានគ្រោះថ្នាក់អ្វីនោះទេ ។
ទាក់ទិននឹងបាតុភូមិដ៏អាក្រក់នេះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអំពាវនាវដល់ប្រជាពលរដ្ឋទាំងអស់ឲ្យមានការប្រុងប្រយ័ត្នខ្ពស់ នេះជារដូវវស្សា បើទៅធ្វើស្រែចម្ការ ឃើញមេឃរកកលនឹងភ្លៀង ត្រូវរត់រកទីកន្លែងដែលមានសុវត្ថិភាព ព្រោះមានភ្លៀងភាគច្រើន គឺលាយឡំជាមួយខ្យល់ និងផ្គររន្ទះ ។
ចែករំលែកព័តមាននេះ