បើកម៉ូតូលឿនបុកពីក្រោយរថយន្តយីឌុបឈប់អែបស្តាំ បោកផ្ទប់ក្បាលស្លា.ប់ភ្លាមៗ
ខេត្តស្វាយរៀង ៖ យុវជនម្នាក់ជិះម៉ូតូបុករថយន្តយីឌុបពីក្រោយលាន់ដូចរន្ទះស្លា.ប់ភ្លាមៗនៅនឹងកន្លែង គ្រោះថ្នាក់ចរាចរណ៍មួយនេះបានកើតឡើងកាល
ខេត្តស្វាយរៀង ៖ យុវជនម្នាក់ជិះម៉ូតូបុករថយន្តយីឌុបពីក្រោយលាន់ដូចរន្ទះស្លា.ប់ភ្លាមៗនៅនឹងកន្លែង គ្រោះថ្នាក់ចរាចរណ៍មួយនេះបានកើតឡើងកាល
ខេត្តស្វាយរៀង ៖ យុវជនម្នាក់ជិះម៉ូតូបុករថយន្តយីឌុបពីក្រោយលាន់ដូចរន្ទះស្លាប់ភ្លាមៗនៅនឹងកន្លែង គ្រោះថ្នាក់ចរាចរណ៍មួយនេះបានកើតឡើងកាលពីម៉ោង៥និង១៥នាទីទាបភ្លឺ ថ្ងៃទី៨ វិច្ឆិកា ២០១៦ នៅលើកំណាត់ផ្លូវជាតិលេខ១ ខាងមុខវិទ្យាល័យហ៊ុនសែនចេក ស្ថិតក្នុងភូមិស្វាត សង្កាត់ចេក ខេត្តស្វាយរៀង ។
បើតាមសមត្ថកិច្ចបានអោយដឹងថា មុនពេលកើតហេតុគេឃើញរថយន្តយីឌុបមួយគ្រឿង ពាក់ស្លាកលេខ ស្វាយរៀង 3A 0718 បើកមកពីទិសខាងកើតទៅលិច ពីក្រុងបាវិត បើកបរឆ្ពោះទៅកាន់រាជធានីភ្នំពេញ ហើយបានខូច(ដាច់កាឡេ) រួចក៏បានឈប់អែបស្តាំ នៅលើចិញ្ចើមផ្លូវម៉ូតូ មួយសន្ទុះក្រោយមក ក៏មានម៉ូតូមួយគ្រឿង ម៉ាកស្មាស់វី ពណ៌ខ្មៅ ពាក់ស្លាកលេខ 1CM 9086 បើកពីទិសខាងកើតទៅលិច(ស្របទិសគ្នា) លុះដល់ចំណុចកើតហេតុខាងលើ ស្រាប់តែបុកពីក្រោយរថយន្តយីឌុបពេញទំហឹង លាន់ដូចរន្ទះ បណ្តាលឲ្យជនរងគ្រោះ ហោះផ្លោងបុកក្បាលទៅគូថរថយន្តយីឌុបស្លាប់ភ្លាមៗនៅនឹងកន្លែងកើតហេតុតែម្តងគួរឲ្យសង្វេក ។
ប្រភពខាងលើបានបន្តទៀតថា ជនរងគ្រោះមានឈ្មោះ នាង ឡាវី ភេទប្រុស អាយុ២៣ឆ្នាំ មានទីលំនៅភូមិទន្លៀង ឃុំរមាំងថ្កោល ស្រុកស្វាយទាប ។ ចំណែកម្ចាស់រថយន្តនិងជាអ្នកបើកបរ មានឈ្មោះ វ៉ាន់ សុភី ភេទប្រុស អាយុ៣២ឆ្នាំ មានទីលំនៅភូមិ កណ្តៀងរាយ ឃុំកណ្តៀងរាយ ស្រុកស្វាយទាប ។
ក្រោយពីកើតហេតុសមត្ថកិច្ចចុះមកវាស់វែងយករថយន្ត និងម៉ូតូយកទៅរក្សាទុក នៅការិយាល័យនគរបាលចរាចរណ៍ ស្នងការដ្ឋាននគរបាលខេត្តស្វាយរៀង ដើម្បីដោះស្រាយតាមផ្លូវច្បាប់ ហើយសពជនរងគ្រោះត្រូវបានសមត្ថកិច្ចប្រគល់ជួនក្រុមគ្រួសារយកទៅធ្វើបុណ្យតាមប្រពៃណី ។ បើតាមការសន្និដ្ឋានរបស់សមត្ថកិច្ច មូលហេតុម្ចាស់រថយន្តចតនៅលើចិញ្ចើមផ្លូវគ្មានដាក់ស្លាកសញ្ញា ហើយអ្នកបើកម៉ូតូ ជិះលឿនខ្វះការប្រុងប្រយត្ន័ ៕
ចែករំលែកព័តមាននេះ