ខេត្តបាត់ដំបង ៖ សេចក្តីរាយការណ៍ឱ្យដឹងថា នាព្រឹកថ្ងៃទី០៧ វិច្ឆិកា ២០១៦ នេះ កម្លាំងអគ្គនាយកដ្ឋានអន្តោប្រវេសន៍ សហការជាមួយកម្លាំងស្នងការខេត្ត បានបើកប្រតិបត្តិការចុះបង្ក្រាបទីតាំងសិប្បកម្មកែច្នៃឈើ
ខេត្តបាត់ដំបង ៖ សេចក្តីរាយការណ៍ឱ្យដឹងថា នាព្រឹកថ្ងៃទី០៧ វិច្ឆិកា ២០១៦ នេះ កម្លាំងអគ្គនាយកដ្ឋានអន្តោប្រវេសន៍ សហការជាមួយកម្លាំងស្នងការខេត្ត បានបើកប្រតិបត្តិការចុះបង្ក្រាបទីតាំងសិប្បកម្មកែច្នៃឈើ និងស្វែងរកជនជាតិវៀតណាម ដែលស្នាក់នៅ និងធ្វើការខុសច្បាប់ ។
ប្រភពឱ្យដឹងថា ជាគោលការណ៍របស់កម្លាំងសមត្ថកិច្ច នឹងត្រូវចុះទៅសង្កាត់ចំនួន៣ គឺមានសង្កាត់ចំការ (មាន២កន្លែង) សង្កាត់រតនៈ (មាន៤កន្លែង) និងសង្កាត់ព្រៃព្រះសម្តេច (មាន២កន្លែង) ដោយគិតមកត្រឹមម៉ោង១០ និង៣០នាទីព្រឹកថ្ងៃដដែលនេះ ឃាត់ខ្លួនជនជាតិវៀតណាមចំនួន២៩នាក់ (ស្រី៥) ដោយកំពុងធ្វើការត្រួតពិនិត្យ និងសាកសួរ ប្រសិនជាគ្មានឯកសារត្រឹមត្រូវនោះទេ នឹងត្រូវបញ្ជូនទៅរាជធានីភ្នំពេញ ដើម្បីចាត់ការបន្ត ។
បច្ចុប្បន្ន កម្លាំងកំពុងធ្វើការរុករកបន្តទៀត ។
ចែករំលែកព័តមាននេះ