ខេត្តកណ្តាល ៖ ជនសង្ស័យម្នាក់បានត្រូវសមត្ថកិច្ចឃាត់ខ្លួន បន្ទាប់ពីយកដុំឥដ្ឋគប់លើជនរងគ្រោះបែកក្បាល ដោយសារគំនុំចាស់ ដែលហេតុការណ៍នេះបានកើតឡើង នៅថ្ងៃទី២៨ ខែឧសភា ឆ្នាំ២០២២ វេលាម៉ោង១៨និង០០នាទី…
ខេត្តកណ្តាល ៖ ជនសង្ស័យម្នាក់បានត្រូវសមត្ថកិច្ចឃាត់ខ្លួន បន្ទាប់ពីយកដុំឥដ្ឋគប់លើជនរងគ្រោះបែកក្បាល ដោយសារគំនុំចាស់ ដែលហេតុការណ៍នេះបានកើតឡើង នៅថ្ងៃទី២៨ ខែឧសភា ឆ្នាំ២០២២ វេលាម៉ោង១៨និង០០នាទី នៅចំណុចតាមផ្លូវមុខផ្ទះជនសង្ស័យភូមិក្បាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល ។
នគរបាលក្រុងតាខ្មៅបានអោយដឹងថា ជនរងគ្រោះឈ្មោះផូន សុខុម ភេទប្រុស អាយុ៣២ឆ្នាំ មានទីលំនៅភូមិកណ្តាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល មុខរបរកសិករ (រងរបួសក្បាលនិងថ្ងាស)។
ជនសង្ស័យឈ្មោះ សឿន វុត្ថថា ភេទប្រុស អាយុ៣៥ឆ្នាំ ជនជាតិខ្មែរ មានទីលំនៅភូមិក្បាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល មុខរបរមិនពិតប្រាកដ ។
នគរបាលបញ្ជាក់ថា មុនពេលកើតហេតុ ជនរងគ្រោះ និងជនសង្ស័យធ្លាប់មានទំនាស់ជាមួយគ្នា ។ លុះដល់ថ្ងៃកើតហេតុខាងលើ ពេលជនសង្ស័យជិះកង់ត្រឡប់មកពីលេងបាល់វិញបានជួបជនរងគ្រោះនៅលើទូកដរ ហើយបានឌឺដងដាក់គ្នា បន្ទាបមកជនសង្ស័យបានជិះកង់មកផ្ទះ ។
ភ្លាមនោះជនរងគ្រោះក៏ជិះម៉ូតូតាមពីក្រោយ លុះជិះដល់ចំណុចកើតហេតុខាងលើ ស្រាប់តែជនសង្ស័យបានយកដុំឥដ្ឋប្រហោងគប់ទៅលើជនរងគ្រោះ បណ្តាលអោយរងរបួសរយះក្បាល និងថ្ងាស រួចជនសង្ស័យបានរត់គេចខ្លួនបាត់ទៅ ។
រហូតដលថ្ងៃទី២៩ ខែឆ្នាំដដែល ជនរងគ្រោះបានប្តឹងសមត្ថកិច្ចប៉ុស្តិ៍កោះអន្លង់ចិនចុះធ្វើការស្រាវជ្រាវឃាត់ខ្លួនជនសង្ស័យបានរួមទាំងវត្ថុតាងយកទៅសាកសួរនៅប៉ុស្តិ៍ រួចបញ្ជូនបន្តមកកាន់អធិការដ្ឋាននគរបាលក្រុងតាខ្មៅដើម្បីចាត់ការតាមនីតិវិធី ៕
ចែករំលែកព័តមាននេះ