រាជធានីភ្នំពេញ ៖ កម្មករម្នាក់បានស្លា.ប់ ពេលបញ្ជូនទៅកាន់មន្ទីរពេទ្យ និង៣នាក់ទៀតត្រូវបានសង្គ្រោះទាន់ ខណៈកំពុងលើក
អន្ទារដែក ស្រាប់តែធ្លាក់ព្រីភ្លើងចូលទឹកឆ្លងចរន្តអគ្គិសនី ។
រាជធានីភ្នំពេញ ៖ កម្មករម្នាក់បានស្លាប់ ពេលបញ្ជូនទៅកាន់មន្ទីរពេទ្យ និង៣នាក់ទៀតត្រូវបានសង្គ្រោះទាន់ ខណៈកំពុងលើក
អន្ទារដែក ស្រាប់តែធ្លាក់ព្រីភ្លើងចូលទឹកឆ្លងចរន្តអគ្គិសនី ។
ហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង១០ និង៣០នាទីព្រឹកថ្ងៃទី០៧ វិច្ឆិកា ស្ថិតត្រង់ចំណុចការដ្ឋានសំណង់ផ្ទះជួលដ៏ធំស្កឹមស្កៃអត់ច្បាប់មួយកន្លែង ក្នុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។
ជនរងគ្រោះដែលស្លាប់ឈ្មោះកៅ វិចិត្រ ហៅចាប អាយុ២៧ឆ្នាំ ជាកម្មករសំណង់ ស្នាក់នៅក្នុងការដ្ឋានខាងលើ និងមានស្រុកកំណើតនៅភូមិរកា ឃុំអង្គតាសូរ ស្រុកស្វាយជ្រុំ ខេត្តស្វាយរៀង ។
បើតាមព័ត៌មានពីកម្មករដូចគ្នាឱ្យដឹងថា នៅមុនកើតហេតុ ជនរងគ្រោះដែលស្លាប់និងកម្មករផ្សេងទៀតមាន៤នាក់ បានលើករំកិលរន្ទារដែកនៅជាន់ទី២ ដើម្បីសំអាតបេតុង ស្រាប់តែជើងរន្ទារអូសខ្សែភ្លើងធ្លាក់ព្រីចូលទឹក បណ្តាលឱ្យឆ្លងចរន្តឆក់កម្មករទាំង៤
នាក់ ។
ភ្លាមៗ កម្មករ៣នាក់បានរត់គេចខ្លួនរួច នៅសល់តែកម្មករម្នាក់ត្រូវខ្សែភ្លើងឆក់ដូល ហើយត្រូវបានកម្មករដូចគ្នានាំគ្នា ជួយសង្គ្រោះយកកប់ដីខ្សាច់ និងបញ្ជូនទៅកាន់មន្ទីរពេទ្យព្រះកុសុមៈ តែបានដាច់ខ្យល់ស្លាប់បាត់ទៅហើយ ។ បន្ទាប់ពីគ្រោះថ្នាក់មេការសំណង់ម្នាក់ត្រូវបានសមត្ថកិច្ចឃាត់ខ្លួនសាកសួរផងដែរ ។
តាមព័ត៌មានឱ្យដឹងថា សំណង់ផ្ទះជួលនោះ បានសាងសង់រយៈពេលជិត១ឆ្នាំមកហើយ មានកម្ពស់៥ជាន់ ដែលបានសង់ជិតរួចរាល់ហើយ ។ សំណង់នេះ តាមមន្ត្រីសាលាខណ្ឌម្នាក់បានឱ្យដឹងថា សង់ឡើងអត់ច្បាប់ ដោយមានការត្រូវរ៉ូវគ្នា ជាមួយអភិបាលខណ្ឌ ។
ចែករំលែកព័តមាននេះ