តារាចម្រៀងអាមេរិក នាងថៃល័រ ស្វ៊ីស បានចោទ DJ ម្នាក់លួចចាប់កំប៉េះគូទនាង ប៉ុន្ដែ Dj បដិសេធថា ការចោទនោះមិនត្រឹមត្រូវ និងធ្វើឱ្យរូបគេខូចកិត្ដិយស ។
ថៃល័រ ស្វ៊ីស បញ្ជាក់ថា «គេបានលូកដៃទៅខាងក្រោមសំពត់ ហើយក៏ចាប់គូទខ្ញុំធ្វើឱ្យ ខ្ញុំភ័យខ្លាច និងដកខ្លួនថយ» ។ លើសពីនេះ ថៃល័រ ស្វ៊ីស បញ្ជាក់ប្រាប់តុលាការក្នុងបណ្ដឹងលើDJ ដែលរស់នៅកូឡូរ៉ាដូ សហរដ្ឋអាមេរិក គឺលោកDavid Mueller ថា «ខ្ញុំស្ទើរតែមិនអាចនិយាយអ្វីបាន ហាក់ដូចជាមាននរណាម្នាក់ដាក់សម្ពាធលើរូបខ្ញុំ រហូតធ្វើឱ្យប្រែប្រួលក្នុងចិត្ដ ខណៈពេលកំពុងសំណោះសំណាលលើវេទិកា ដោយគេលូកដៃចូលសំពត់ និងចាប់កំប៉េះគូទខ្ញុំ ។ មិនមែនជាឧប្បត្ដិហេតុអ្វីទេ គឺជាការតាំងចិត្ដ ហើយខ្ញុំមិនធ្លាប់ជួួបបែបនេះពីមុនមកទេ» ។
ហេតុការណ៍នោះលើបានកើតឡើងក្នុងពេលថៃល័រ ស្វ៊ីស ថតរូប និងសំណេះសំណាលជាមួយអ្នកគាំទ្រក្រោយពេលបញ្ចប់ពិធីប្រគំតន្ដ្រី«Pepsi Center» នៅក្រុងដេនវើ កាលពីឆ្នាំ២០១៣ ។ ការសម្រេចចិត្ដប្ដឹងតាមផ្លូវច្បាប់របស់ថៃល័រ ស្វ៊ីស ព្រោះនៅពេលមុននេះ លោកDavid Mueller បានប្ដឹងនាងថៃល័រ ស្វ៊ីស ថា បានមួលបង្កាច់រូបគេមុនរហូតធ្វើឱ្យគេបាត់បង់ការងារនៅវិទ្យុ ដោយអ្នកចាប់គូទនាងជាអ្នកផ្សេង មិនមែនជារូបគេទេ ។
ពីដំបូងថៃល័រ ស្វ៊ីស មិនបានប្ដឹងទេ ព្រោះអាចធ្វើឱ្យនាងខូចកេរ្ដិ៍ឈ្មោះ ប៉ុន្ដែរឿងហេតុកើតឡើងព្រោះDJ ប្ដឹងនាងថាធ្វើឱ្យរូបគេអាប់ឱ្យនកេរ្ដិ៍ឈ្មោះ ៕
ចែករំលែកព័តមាននេះ