មិនដឹងថាមានរឿងអ្វី? បុរសថៃម្នាក់របួសធ្ងន់ ក្រោយផ្ទុះអាវុធក្នុងសណ្ឋាគារមួយកន្លែង
- បន្ទាយមានជ័យ
បុរសជនជាតិថៃម្នាក់បានរងរបួសធ្ងន់ ហើយត្រូវបានគេបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ជប៉ុនមង្គលបូរី
បុរសជនជាតិថៃម្នាក់បានរងរបួសធ្ងន់ ហើយត្រូវបានគេបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ជប៉ុនមង្គលបូរី
ខេត្តបន្ទាយមានជ័យ ៖ បុរសជនជាតិថៃម្នាក់បានរងរបួសធ្ងន់ ហើយត្រូវបានគេបញ្ជូនទៅសង្គ្រោះនៅមន្ទីរពេទ្យមិត្តភាពកម្ពុជា-ជប៉ុនមង្គលបូរី កាលពីវេលារំលងអធ្រាត្រឈានចូលព្រឹកថ្ងៃទី២៧ ខែឧសភា ឆ្នាំ២០២២ ក្រោយពីផ្ទុះអាវុធ បណ្តាលឱ្យរងរបួសម្នាក់នៅក្នុងសណ្ឋាគារមួយកន្លែង ស្ថិតក្នុងភូមិសាមគ្គីមានជ័យ សង្កាត់និងក្រុងប៉ោយប៉ែត។
ជនរងគ្រោះខាងលើមិនត្រូវបានគេទម្លាយឲ្យដឹងពីអត្តសញ្ញាណនៅឡើយទេ ប៉ុន្តែក្នុងករណីសង្ស័យផ្ទុះអាវុធនេះ បើតាមប្រភពព័ត៌មានថា សមត្ថកិច្ចនៃអង្គភាពមួយនៅក្រុងប៉ោយប៉ែតបានចុះទៅដល់កន្លែងកើតហេតុ និងធ្វើការឃាត់ខ្លួនជនសង្ស័យស្រីៗជាជនជាតិថៃចំនួន៣នាក់ រួមជាមួយនឹងថ្នាំញៀ.នមួយចំនួនទៀតផង។
ប្រភពដដែលថា ជនជាតិថៃចំនួន៣នាក់ខាងលើនេះ ដែលមានម្នាក់បានរងរបួសដែរ នោះសង្ស័យពាក់ព័ន្ធរឿងរ៉ាវខាងលើ ដែលបានរត់គេចខ្លួនបាត់ភ្លាមៗ ក្រោយពេលកើតហេតុ។
ទោះជាយ៉ាងណា ករណីខាងលើនេះ កោះសន្តិភាពមិនអាចសុំរកកាបំភ្លឺលម្អិតពីអង្គភាពពាក់ព័ន្ធបានទេ នៅរសៀលថ្ងៃដដែលនេះ ព្រោះការសាកសួរទៅអង្គភាពនេះ ឆ្លើយដាក់អង្គភាពនោះ៕
ចែករំលែកព័តមាននេះ