ថាម៉េច ? សមត្ថកិច្ចចរាចរណ៍ក្រុងកែបដល់ថ្នាក់ហ្នឹង !
ខេត្តកែប ៖ នារីវ័យក្មេងជាជាងអ៊ុតសក់២នាក់ ខណៈជិះម៉ូតូឌុបគ្នាចេញពីកន្លែងធ្វើការកាលពីវេលាម៉ោង១០ និង៣៥នាទីព្រឹក ថ្ងៃទី៥ ខែវិច្ឆិកា ឆ្នាំ២០១៦ ស្រាប់តែ …
ខេត្តកែប ៖ នារីវ័យក្មេងជាជាងអ៊ុតសក់២នាក់ ខណៈជិះម៉ូតូឌុបគ្នាចេញពីកន្លែងធ្វើការកាលពីវេលាម៉ោង១០ និង៣៥នាទីព្រឹក ថ្ងៃទី៥ ខែវិច្ឆិកា ឆ្នាំ២០១៦ ស្រាប់តែ …
ខេត្តកែប ៖ នារីវ័យក្មេងជាជាងអ៊ុតសក់២នាក់ ខណៈជិះម៉ូតូឌុបគ្នាចេញពីកន្លែងធ្វើការកាលពីវេលាម៉ោង១០ និង៣៥នាទីព្រឹក ថ្ងៃទី៥ ខែវិច្ឆិកា ឆ្នាំ២០១៦ ស្រាប់តែត្រូវរថយន្តមិនស្គាល់ម៉ាកបើកមកកៀរបណ្ដាលឲ្យដួលរងរបួសធ្ងន់ម្នាក់ស្រាលម្នាក់ ដែលហេតុការណ៍នេះកើតឡើងនៅតាមបណ្ដោយផ្លូវជាតិលេខ៣៣A ចំណុចមុខស្ថានីយប្រេងឥន្ធនៈសូគីម៉ិច អតីត(SL) ស្ថិតក្នុងភូមិកំពង់ត្រឡាច សង្កាត់ព្រៃធំ ក្រុងកែប ។
ប្រភពពីសមត្ថកិច្ចបានឲ្យដឹងថា នារីរងគ្រោះទាំង២នាក់ ឈ្មោះ វង្ស ស្រីល័ក្ខ អាយុ២៣ឆ្នាំ (ជាអ្នកបើកម៉ូតូ) មុខរបរជាងអ៊ុតសក់ រស់នៅភូមិកំពង់ត្រាចទី២ ឃុំកំពង់ត្រា បានរងរបួសធ្ងន់ ចំណែកអ្នករួមដំណើរជាមួយឈ្មោះ វង្ស ចាន់នី អាយុ២៣ឆ្នាំ មុខរបរជាងអ៊ុតសក់ដូចគ្នា រស់នៅភូមិឃុំជាមួយគ្នា បានរងរបួសស្រាល ។
បើតាមសាក្សីដែលឃើញហេតុការណ៍បានឲ្យសមត្ថកិច្ចដឹងថា មុនពេលកើតហេតុនារីរងគ្រោះទាំង២នាក់ជិះម៉ូតូ១គ្រឿងម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ កំពុង 1E-7465 ធ្វើដំណើរតាមបណ្ដោយផ្លូវជាតិលេខ៣៣A ក្នុងទិសដៅពីលិចទៅកើត លុះដល់ចំណុចកើតហេតុស្រាប់តែរថយន្តមិនស្គាល់ម៉ាក១គ្រឿងបានបើកស្របទិសគ្នា បានមកកៀរម៉ូតូនារីរងគ្រោះបណ្ដាលឲ្យដួល និងរងរបួសធ្ងន់ម្នាក់ ស្រាលម្នាក់ ហើយរថយន្តបង្កបានបើកគេចខ្លួនបាត់ស្រមោលតែម្តង ។
ក្រោយពេលកើតហេតុ នារីរងគ្រោះទាំង២នាក់ត្រូវដឹកទៅសង្គ្រោះនៅមន្ទីរពេទ្យបង្អែកខេត្ត ចំណែកម៉ូតូរបស់នារីរងគ្រោះត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងកែប រង់ចាំក្រុមគ្រួសារមកទទួលយកទៅជួសជុល ។
គួររំលឹកថា ករណីគ្រោះថ្នាក់ចរាចរណ៍នៅចំណុចខាងលើតែងតែកើតមានឡើងជាញឹកញាប់ ហើយករណីដែលកើតឡើងច្រើនតែរថយន្តបង្កជាមួយម៉ូតូ គេពុំដែលឃើញសមត្ថកិច្ចចរាចរណ៍ក្រុងកែបឃាត់រថយន្តបង្កបានម្តងណាសោះ ឃើញតែបង្កហើយបើករត់គេចខ្លួនបាត់រហូត មិនរំខានដល់សមត្ថកិច្ចឡើយ ហើយឃាត់ទុកបានតែម៉ូតូរងគ្រោះប៉ុណ្ណោះ ពេលម្ចាស់ទៅយកមកជួសជុលត្រូវបង់ថ្លៃសេវាដឹកពីកន្លែងកើតហេតុមករក្សាទុក និងបង់ថ្លៃសេវាមើលថែម៉ូតូទៀត ៕
ចែករំលែកព័តមាននេះ