រាជធានីភ្នំពេញ ៖ បើទោះបីរសាត់ខ្លួនចេញពីពិភពសិល្បៈហើយក្តី ប៉ុន្តែសំឡេងនៃការរិះគន់នៅតែបន្តចំពោះអតីតតារាសម្តែងនាង បេនី យាំុង ខណៈពេលកន្លងមកនាងរងការរិះគន់ពីទស្សនិកជនចំពោះការបង្ហាញភាពសិចស៊ីហួសហេតុ ។
កាលពីពេល ថ្មីៗកន្លងមកនេះ បេនី យាំុង រងការរិះគន់ពីនារីម្នាក់ចំពោះរូបថតរបស់នាងមួយសន្លឹក ដោយអះអាង «ស្អីក៏គីមីដែរ គ្មានអ្វីធម្មជាតិនោះទេ» ។ ពាក្យរិះគន់ខ្លី តែមានន័យជ្រៅនោះធ្វើឲ្យអតីតតារាសម្តែងដែលចូលចិត្តសម្ញែងភាពសិចស៊ីនាង បេនី យាំុង ខឹងខ្លាំង និងជះកំហឹង ភ្លាមៗទៅលើនារីម្នាក់នោះវិញ ។ បេនី យាំុង បានចាត់ទុកពាក្យសម្តីរបស់នារីម្នាក់នោះថា មិនសមរម្យ និងមិនយល់ច្បាស់ពីរូបរាងកាយរបស់នាងទេ ។ តាមរយៈសំណេរបង្ហោះតាមហ្វេសប៊ុក បេនី យាំុង បានឆ្លើយតបទៅកាន់នារីម្នាក់នោះវិញថា «ដឹងច្បាស់ម្ល៉េះនាង! នាងឯងក្នុងខ្លួនយើងមែន? ធ្លាប់នៅជិតយើង? បើចាំច្បាស់យើងមិនដែលស្គាល់នាងឯងទេ សូម្បីស្រមោលខ្មោចនាងក៏មិនដែលធ្លាប់បៀត និងឃើញដែរ… បើទំនេរណាស់រកអ្វីធ្វើមានប្រយោជន៍ជាងនេះទៅណ៎ា កុំមកប៉ះពាល់ជាមួយយើង ព្រោះយើងអត់ដែលរមាស់អីជាមួយនាងទេ ប្រយ័ត្នយើងហែកនាងស៊ី ។ ឱ្យតែអ្នកណាដែលបៀតបៀន ប៉ះឈ្មោះខ្ញុំពេលនេះតទៅ គឺមិនទុកទៀតទេ ព្រោះប្រាប់ហើយថាលាចាកពីសិល្បៈហើយ» ។
អតីតតារាសម្តែងនាងបេនី យាំុង សម្រេចដើរចេញពីពិភពសិល្បៈ បន្ទាប់ពីប្រកាសថាមានគូស្នេហ៍ដែលបានរស់នៅជាមួយគ្នាដូចប្តីប្រពន្ធ បើទោះបីជាមិនទាន់ចូលរោងការក្តី។ ជារឿយៗ បេនី យាំុង បង្ហោះរូបភាពផ្អែមល្ហែមជាមួយគូស្នេហ៍ដោយបើកចំហជាហូរហែ ។
ក្រោយពីភ្ជាប់ចំណងស្នែហ៍ជាមួយបុរសមិនស្គាល់អត្តសញ្ញាណនោះមក បេនី យាំុង បានផ្លាស់ប្តូរឥរិយាបថរបស់ខ្លួនខ្លាំង ក្នុងនោះនាងហាក់មិនសូវបង្ហាញភាពសិចស៊ី ហ៊ឺហាដូចមុនទេ ។ ទាំងនេះទំនងជា បេនី យាំុង ធ្វើដើម្បីផ្គាប់ចិត្តគូស្នេហ៍ ក្នុងពេលដែលនាងលះបង់អាជីពសិល្បៈចោលទាំងស្រុងក៏តម្រូវតាមចិត្តគូស្នេហ៍របស់នាងដែនោះ។
បេនី យាំុង ត្រូវគេចាត់ទុកថាជាតារាស្រីមួយរូបមានរាសីឡើងក្នុងពិភពសិល្បៈតែមួយ ប៉ប្រិចភ្នែក្រតាមរយៈការបង្ហាញភាពសិចស៊ី សាច់សខ្ចី រហូតលើកស្ទួយនាងឈោងយកតំណែងតួឯកកុនលើកដំបូងតាមរយៈរឿង «ក្រមុំ៣១ កំលោះ ៥២» ដែលសម្តែងជាមួយតារាប្រុសជើងចាស់លោកទេព រិនដារ៉ូ ៕
ចែករំលែកព័តមាននេះ