នាឡិកាឆ្លាតវៃរបស់ក្រុមហ៊ុនសាំសុងដែលមានឈ្មោះថា Gear S3 នឹងត្រូវដាក់បង្ហាញនៅទីផ្សារអាមេរិកនៅពីរសប្តាហ៍ទៀត គឺនៅថ្ងៃទី១៨ តុលា នេះឯង ហើយសម្រាប់អ្នកចាប់អារម្មណ៍អាចចាប់ផ្តើមបញ្ជាទិញនាឡិកាម៉ូដែល
នាឡិកាឆ្លាតវៃរបស់ក្រុមហ៊ុនសាំសុងដែលមានឈ្មោះថា Gear S3 នឹងត្រូវដាក់បង្ហាញនៅទីផ្សារអាមេរិកនៅពីរសប្តាហ៍ទៀត គឺនៅថ្ងៃទី១៨ តុលា នេះឯង ហើយសម្រាប់អ្នកចាប់អារម្មណ៍អាចចាប់ផ្តើមបញ្ជាទិញនាឡិកាម៉ូដែលថ្មីនោះនៅថ្ងៃទី៦ តុលា នេះតទៅ ។ នាឡិកាGear S3 មានពីរម៉ូដែល គឺម៉ូដែលGear S3 classic និងម៉ូដែលGear S3 frontier ។
អតិថិជនរបស់សាំស៊ុងអាចបញ្ជាទិញតាមគេហទំព័ររបស់សាំស៊ុង ក៏ដូចជាបញ្ជាទិញពីដៃគូពាណិជ្ជកម្មរបស់ក្រុមហ៊ុនសាំស៊ុងដូចជាក្រុមហ៊ុនAmazon ក្រុមហ៊ុនMacy’s. AT&T ក្រុមហ៊ុនBest Buy ក្រុមហ៊ុនVerizon និងក្រុមហ៊ុនT-Mobile ចំណែកតម្លៃរបស់វាប្រហែល៣៥០ដុល្លារអាមេរិក តែយើងនៅមិនទាន់ដឹងច្បាស់នៅឡើយទេ ។ ប្រសិនបើអ្នកទិញបង់សល់ជាមួយក្រុមហ៊ុនAT&T អ្នកត្រូវបង់ប្រាក់ចំនួន១៧,៥ដុល្លារអាមេរិកក្នុងមួយខែ សម្រាប់រយៈពេល២០ខែ ។
Gear S3 ជាប្រភេទនាឡិកាដែលមានផ្ទៃមុខធំជាងម៉ូដែល ផ្សេងៗរបស់ក្រុមហ៊ុន សាំសុង វាមានភ្ជាប់ប្រព័ន្ធGPS ។ អេក្រង់របស់វាមានទំហំ១,៣អីុង មានរ៉េម៧៦៨MB មានអង្គចងចាំ៤G មានwifi មានBluetooth មានប្រព័ន្ធវាស់សម្ពាធបេះដូង និងមានកម្លាំងថ្ម៣៨០mAh ៕
ចែករំលែកព័តមាននេះ