ក្រសួងកសិកម្មប្រកាសព័ត៌មានពីដំណើរការពិសោធរកអង្ករប្លាស្ទិក ជាលទ្ធផលរកមិនឃើញទេ
រាជធានីភ្នំពេញ ៖ មុននេះអ្នកនាំពាក្យ ក្រសួងពាណិជ្ចកម្មបានប្រកាសចាត់វិធានការតាមផ្លូវច្បាប់ ប្រឆាំងជនណាដែលអះអាងដោយគ្មានមូលដ្ឋានច្បាស់លាស់ថា
រាជធានីភ្នំពេញ ៖ មុននេះអ្នកនាំពាក្យ ក្រសួងពាណិជ្ចកម្មបានប្រកាសចាត់វិធានការតាមផ្លូវច្បាប់ ប្រឆាំងជនណាដែលអះអាងដោយគ្មានមូលដ្ឋានច្បាស់លាស់ថា
រាជធានីភ្នំពេញ ៖ មុននេះអ្នកនាំពាក្យ ក្រសួងពាណិជ្ចកម្មបានប្រកាសចាត់វិធានការតាមផ្លូវច្បាប់ ប្រឆាំងជនណាដែលអះអាងដោយគ្មានមូលដ្ឋានច្បាស់លាស់ថា មានអង្ករប្លាស្ទិកចរាចរណ៍លើទីផ្សារកម្ពុជា ។ វិធានការនេះប្រឆាំងរាល់ការពិសោធន៍ណាមួយដូចជា ដុត ឬលីងអង្ករ ដោយគ្មានការចូលរួមពីមន្ត្រីជំនាញក្នុងការពិសោធន៍ និងការបង្ហោះជាវីដេអូរូបភាព ឬសកម្មភាពទាក់ទងនឹងអង្ករប្លាស្ទិកនៅក្នុងបណ្តាញសង្គម ដែលធ្វើឲ្យប៉ះពាល់ដល់កេរិ៍្តឈ្មោះ និងទីផ្សារអង្ករកម្ពុជា។ ការប្រកាសបែបនេះ បន្ទាប់ពីការធ្វើតេស្តជាបន្តបន្ទាប់ទៅលើគុណភាពអង្ករដែលមានការភ្ញាក់ផ្អើល និងបង្ហាញថា គ្មានវត្តមានអង្ករប្លាស្ទិកនៅកម្ពុជាទេ មកទល់នឹងពេលនេះ ។
ចំណែកសេចក្តីប្រកាសព័ត៌មានរបស់ក្រសួងកសិកម្មរុក្ខាប្រមាញ់ និងនេសាទ ថ្ងៃទី៣ ខែវិច្ឆិកា បានចាប់អារម្មណ៍ពីការបង្ហាញវត្តមានអង្ករប្លាស្ទិក នៅក្នុងសង្គមហ្វេសប៊ុក ដែលកំពុងធ្វើឱ្យប៉ះពាល់តម្លៃអង្ករកម្ពុជា ទាំងលើទីផ្សារជាតិ និងអន្តរជាតិ ។
ជាការពិត អង្ករប្លាស្ទិកឃើញមានតែនៅក្នុងវីដេអូឃ្លីប ដែលចែកចាយលើបណ្តាញសង្គមប៉ុណ្ណោះ តែធាតុជាក់ស្តែងគ្មានឡើយអង្ករប្លាស្ទិក ។ ក្រុមមន្ត្រីបានចោទថា ប្រសិនបើមានមែន ហេតុអ្វីអ្នកដែលបានបង្ហោះវីដេអូទាំងនោះ មិនផ្តល់ដំណឹងមកកាន់មន្ទីរពាណិជ្ជកម្ម ឬកាំកុងត្រូលតាមខេត្តក្រុងរបស់ខ្លួនឱ្យមកពិនិត្យ ។ ពាក្យចចាមអារ៉ាមដែលថា មានវត្តមានអង្ករប្លាស្ទិកនៅកម្ពុជា មិនត្រឹមតែបង្ខូចឈ្មោះអង្ករកម្ពុជានោះទេ ប៉ុន្តែវាប៉ះពាល់ដល់វិស័យស្រូវអង្ករកម្ពុជាទៀតផង ។
ដូច្នេះ ប្រសិនជាមានការបង្ហោះវីដេអូ ឬការធ្វើតេស្ដដូចជាការដុត ឬលីងអង្ករ ដោយគ្មានការចូលរួមពិនិត្យពីមន្ត្រីកាំកុងត្រូល ឬអ្នកជំនាញដោយបង្ហោះសកម្មភាពនោះហើយអះអាងថា ជាអង្ករប្លាស្ទិកនៅលើបណ្តាញសង្គមដោយគ្មានមូលដ្ឋានច្បាស់លាស់ ក្រសួងនឹងចាត់វិធានការតាមនីតិវិធីច្បាប់ប្រឆាំងជនទាំងអស់នោះ ។
លោកឧកញ៉ា សុង សារ៉ន អគ្គនាយកក្រុមហ៊ុន អេមរុ រាយស៍ ត្រូវបានវិទ្យុបារាំងអន្តរជាតិដកស្រង់សម្តីថា ពាក្យចចាមអារ៉ាមពីអង្ករប្លាសិ្ទកនេះ ជាកង្វល់របស់ប្រជាពលរដ្ឋខ្លួនឯងប៉ុណ្ណោះ ខណៈការសិក្សាស្រាវជ្រាវរបស់រដ្ឋាភិបាលគ្រប់ប្រទេសគឺមិនបានរកឃើញថា មានអង្ករប្លាស្ទិកទេ ។
លោកឧកញ៉ាសបញ្ជាក់ថា សូមប្រជាពលរដ្ឋ ធ្វើការវិភាគឱ្យបានសមហេតុសមផល ។ ជ័រមានតម្លៃថ្លៃជាងអង្ករឆ្ងាយណាស់ ជ័រកៅស៊ូ១តោនមានតម្លៃជិត២ពាន់ដុល្លារ វាមិនអាចទៅរួចទេខណៈអង្ករវៀតណាមបច្ចុប្បន្នមានតម្លៃតែជាង ៣០០ដុល្លារក្នុងមួយតោន ។
ខាងក្រោមនេះជាសេចក្តីប្រកាសព័ត៌មានរបស់ក្រសួង ៖
ចែករំលែកព័តមាននេះ