ចោទប្រកាន់លោក សម រង្ស៊ី ២បទល្មើស និងបញ្ជូនសំណុំរឿងទៅជំនុំជម្រះ
រាជធានីភ្នំពេញ ៖ សាលាដំបូងរាជធានីភ្នំពេញ បានសម្រេចចោទប្រកាន់លោក សម រង្ស៊ី ប្រធានគណបក្សសង្គ្រោះជាតិ
រាជធានីភ្នំពេញ ៖ សាលាដំបូងរាជធានីភ្នំពេញ បានសម្រេចចោទប្រកាន់លោក សម រង្ស៊ី ប្រធានគណបក្សសង្គ្រោះជាតិ ដែលកំពុងនិរទេសខ្លួននៅក្រៅប្រទេសចំនួន២បទល្មើសបន្ថែមទៀត និងបានបញ្ជូនសំណុំរឿងនេះទៅបើកសវនាការជំនុំជម្រះ ក្នុងពេលខាងមុខ ។
មេធាវីតំណាងដោយអាណត្តិរបស់សម្តេចតេជោនាយករដ្ឋមន្ត្រី បានប្តឹងលោក សម រង្ស៊ី ពាក់ព័ន្ធនឹងករណីដែលលោក សម រង្ស៊ី បានចោទប្រកាន់រដ្ឋអំណាច ដែលសំដៅលើរាជរដ្ឋាភិបាលកម្ពុជាដឹកនាំដោយសម្តេចតេជោ ថាជាអ្នកនៅពីក្រោយខ្នងនៃអំពើឃាតកម្មលើលោកបណ្ឌិត កែម ឡី ។
លោក លី សុផាណា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ដែលកាន់សំណុំរឿងនេះ បានបញ្ជាក់កាលពីព្រលប់ថ្ងៃទី៣ ខែវិច្ឆិកា ថា លោកបានសម្រេចចោទប្រកាន់លោក សម រង្ស៊ី ចំនួន២បទល្មើស គឺ ១-បទបរិហារកេរ្តិ៍ជាសាធារណៈ និង២-បទញុះញង់ឲ្យប្រព្រឹត្តបទឧក្រិដ្ឋជាអាទិ៍ បង្កភាពវឹកវរធ្ងន់ធ្ងរដល់សន្តិសុខសង្គម យោងតាមមាត្រា៣០៥ មាត្រា៤៩៤ និងមាត្រា៤៩៥នៃក្រមព្រហ្មទណ្ឌ ។
លោក លី សុផាណា បញ្ជាក់ថា សំណុំរឿងនេះត្រូវបានចាត់បញ្ជូនទៅបើកសវនាការជំនុំជម្រះក្នុងពេលខាងមុខ ប៉ុន្តែមិនបានកំណត់ថ្ងៃជាក់លាក់នៃសវនាការនោះនៅឡើយទេ ៕
ចែករំលែកព័តមាននេះ