សាលាឧទ្ធរណ៍តម្កល់សាលក្រមលើសំណុំរឿងលោក កឹម សុខា
រាជធានីភ្នំពេញ ៖ ចៅក្រមសភាព្រហ្មទណ្ឌសាលាឧទ្ធរណ៍ បានសម្រេចតម្កល់សាលក្រមសាលាដំបូងរាជធានីភ្នំពេញទុកជាបានការដដែល ពោលគឺផ្តន្ទាទោសលោក កឹម សុខា ប្រធានស្តីទីគណបក្សសង្គ្រោះជាតិ
រាជធានីភ្នំពេញ ៖ ចៅក្រមសភាព្រហ្មទណ្ឌសាលាឧទ្ធរណ៍ បានសម្រេចតម្កល់សាលក្រមសាលាដំបូងរាជធានីភ្នំពេញទុកជាបានការដដែល ពោលគឺផ្តន្ទាទោសលោក កឹម សុខា ប្រធានស្តីទីគណបក្សសង្គ្រោះជាតិ
រាជធានីភ្នំពេញ ៖ ចៅក្រមសភាព្រហ្មទណ្ឌសាលាឧទ្ធរណ៍ បានសម្រេចតម្កល់សាលក្រមសាលាដំបូងរាជធានីភ្នំពេញទុកជាបានការដដែល ពោលគឺផ្តន្ទាទោសលោក កឹម សុខា ប្រធានស្តីទីគណបក្សសង្គ្រោះជាតិ ដាក់ពន្ធនាគាររយៈពេល៥ខែនិងពិន័យ៨០ម៉ឺនរៀល ក្រោមការចោទ ប្រកាន់ពីបទបដិសេធក្នុងការចូលខ្លួន ដែលតុលាការចាត់ទុកថាជាបទល្មើសព្រហ្មទណ្ឌជាក់ស្តែង ។
ការសម្រេចនេះ គឺបន្ទាប់ពីសាលាឧទ្ធរណ៍ចំណាយពេលពេញមួយព្រឹកថ្ងៃទី៤ ខែវិច្ឆិកាដើម្បីជំនុំជម្រះសំណុំរឿងនេះ ដោយកំបាំងមុខជនជាប់ចោទ គឺលោក កឹម សុខា ដែលមិនបានចូលរួមសវនាការទេ ។ លោក ហែម សុជាតិ មេធាវីមួយរូបក្នុងចំណោម៥រូប បានប្រាប់ក្រុមអ្នកសារព័ត៌មានក្រោយបញ្ចប់សវនាការភ្លាមៗ ថា ការសម្រេចនេះមិនត្រឹមត្រូវទេ ហើយក្រុមមេធាវីនឹងដាក់ពាក្យបណ្ដឹងសាទុក្ខទៅតុលាការកំពូលបន្តទៀត ។
មន្ត្រីសាលាឧទ្ធរណ៍ ថ្លែងថា នៅព្រឹកថ្ងៃទី៤ ខែវិច្ឆិកា សាលាឧទ្ធរណ៍បានបើកសវនាការសំណុំរឿងលោក កឹម សុខា ប្រធានស្តីទីគណបក្សសង្គ្រោះជាតិ ក្រោមការចោទប្រកាន់ពីបទ «បដិសេធក្នុងការចូលខ្លួន» ។ កម្មវត្ថុសំខាន់នៃសវនាការនេះ គឺជំនុំជម្រះលើបណ្តឹងឧទ្ធរណ៍របស់ក្រុមមេធាវីការពារក្ដីលោក កឹម សុខា ដែលមិនសុខចិត្តនឹងសាលក្រមសាលាដំបូងរាជធានីភ្នំពេញ ដែលសម្រេចផ្តន្ទាទោសលោក កឹម សុខា ដាក់ពន្ធនាគាររយៈពេល៥ខែ និងពិន័យជាប្រាក់ចំនួន៨០ម៉ឺនរៀល ។
ស្របពេលជាមួយគ្នានេះ តុលាការកំពូលនៅព្រឹកថ្ងៃទី៤ ខែវិច្ឆិកា ក៏បានប្រកាសសាលដីកាលើសំណុំរឿងលោក កឹម សុខា ដែរ ចំពោះបណ្តឹងសុំមោឃភាពនីតិវិធីរបស់ចៅក្រមស៊ើបសួរសាលាដំបូងរាជធានីភ្នំពេញ ។
គួរបញ្ជាក់ថា លោក កឹម សុខា បានអវត្តមាន ខណៈតុលាការកំពូលបើកសវនាការលើសំណុំរឿងសុំមោឃភាពនីតិវិធីសំណុំរឿងបដិសេធក្នុងការចូលខ្លួន ។ លោក កឹម សុខា ប្រធានស្តីទីគណបក្សសង្គ្រោះជាតិ ពុំបានបង្ហាញវត្តមានឡើយ កាលពីព្រឹកថ្ងៃទី២៨ តុលាកន្លងទៅ ខណៈតុលាការកំពូលបើកសវនាការលើសំណុំរឿងបដិសេធក្នុងការចូលខ្លួន ដែលតុលាការចាត់ទុកថាជាបទល្មើសព្រហ្មទណ្ឌជាក់ស្តែង ។
ទោះបីជាយ៉ាងណា មេធាវីការពារក្ដីលោក កឹម សុខា ពីររូប គឺលោក ចាន់ ចេន និងលោក ផែង ហេង បានចូលរួមសវនាការដើម្បីតតាំងក្ដីចំពោះការស្នើសុំមោឃភាពនីតិវិធីរបស់សាលាដំបូងរាជធានីភ្នំពេញ ។ សវនាការនេះ ដឹកនាំដោយលោក ឃឹម ប៉ុណ្ណ អនុប្រធាន តុលាការកំពូល និងលោក អ៊ុក គឹមសិទ្ធិ ជា តំណាងមហាអយ្យការ ។
បន្ទាប់ពីសវនាការជាសាធារណៈកាលពីថ្ងៃទី២៨ ខែតុលា ឆ្នាំ២០១៦ នៅព្រឹកថ្ងៃទី៤ វិច្ឆិកា ចៅក្រមតុលាការកំពូលបានសម្រេចប្រកាសសាលដីកាច្រានចោលបណ្តឹងរបស់ក្រុមមេធាវីការពារក្តីលោក កឹម សុខា ដោយតម្កល់ការសម្រេចរបស់សាលាឧទ្ធរណ៍បានការដដែល ៕
ចែករំលែកព័តមាននេះ