ចម្លែកមែនទែន ! បងប្អូនបង្កើតយកគ្នាជាប្តីប្រពន្ធ
ខេត្តបន្ទាយមានជ័យ ៖ ពិតជាគួរឲ្យសង្វេគ និងចម្លែកមែនទែន ដែលគ្រួសារមួយមហាក្រីក្រមានសមាជិកច្រើននាក់ ហើយកូនប្រុសស្រីជាបងប្អូនបង្កើតយកគ្នាជាប្តីប្រពន្ធ …
ខេត្តបន្ទាយមានជ័យ ៖ ពិតជាគួរឲ្យសង្វេគ និងចម្លែកមែនទែន ដែលគ្រួសារមួយមហាក្រីក្រមានសមាជិកច្រើននាក់ ហើយកូនប្រុសស្រីជាបងប្អូនបង្កើតយកគ្នាជាប្តីប្រពន្ធ …
ខេត្តបន្ទាយមានជ័យ ៖ ពិតជាគួរឲ្យសង្វេគ និងចម្លែកមែនទែន ដែលគ្រួសារមួយមហាក្រីក្រមានសមាជិកច្រើននាក់ ហើយកូនប្រុសស្រីជាបងប្អូនបង្កើតយកគ្នាជាប្តីប្រពន្ធបង្កើតបានកូនស្រីម្នាក់អាយុទើប២ខែទៀត ។
គ្រូសារអភ័ព្វ និងក្រីក្រខាងលើនេះ ស្ត្រីជាម្តាយឈ្មោះ ឃន ឃៀន អាយុ៤១ឆ្នាំ គ្មានមុខរបរ ប្តីមុនឈ្មោះ ឈនឈួន អាយុ៤២ឆ្នាំ(ស្លាប់៥ឆ្នាំហើយដោយសារលង់ទឹក) ឯប្តីក្រោយជាមនុស្សគទៀត ។ គ្រួសារមួយនេះមានកូនប្រុសស្រីសរុប១០នាក់ ប្តីមុនមានកូន៧នាក់ ឯប្តីក្រោយមានកូន៣នាក់ ។ ទាំងអស់គ្នារស់នៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ។
អ្វីដែលចម្លែក និងសង្វេគនោះ គឺកូនស្រីភ្លោះជាមួយប្តីមុន គ្រួសារនេះឲ្យគេចិញ្ចឹម ព្រោះតែជីវភាពក្រីក្រ ឯកូនប្រុស្រី២នាក់ទៀតបានយកគ្នាជាប្តីប្រពន្ធ រស់នៅជុំគ្នាក្រោមដំបូងតែមួយ និងបង្កើតបានកូនស្រីម្នាក់ទៀតផង ។ បងប្អូនបង្កើតដែលយកគ្នាជាប្តីប្រពន្ធនេះ បុរសជាប្តីឈ្មោះ ឈន ឈឿប អាយុ២២ឆ្នាំ ជាកម្មករអូសរទេះ ឯនាងជាប្រពន្ធឈ្មោះ ឈួន នឿម អាយុ១៧ឆ្នាំ នៅផ្ទះ និងមានកូនស្រីម្នាក់ទើបតែមានអាយុ២ខែ ។ ប្តីប្រពន្ធជាបងប្អូនបង្កើតនេះបុរសជាប្តីប្រើត្រកូលតាខាងឪពុក ឯនាងជាប្រពន្ធដាក់ត្រកូលឪពុក ។ គ្រួសារក្រីក្រមួយនេះរស់នៅអាស្រ័យលើបុរសគ និងឈ្មោះ ឈន ឈឿប អូសរទេះចិញ្ចឹមក្រពះ ។
ជួបសម្ភាសផ្ទាល់ជាមួយគ្រួសារនេះ គូស្វាមីជាប្តីប្រពន្ធបងប្អូនបង្កើតបានប្រាប់«កោះសន្តិភាព»ថា ពួកគេស្រឡាញ់គ្នាដោយគ្មានការគំរាមកំហែង ឬចាប់បង្ខំណាមួយទេ ហើយរស់នៅដោយក្តីសុខបំផុត ពិបាកតែរឿងគ្រួសារក្រីក្រម្យ៉ាងគត់ ។ ពេលលើកជាសំណួរថា តើធ្លាប់រស់នៅបែកគ្នាទេមុនពេលយកគ្នាជាប្តីប្រពន្ធ បុរសជាប្តីនិយាយថា ធ្លាប់ទៅរស់នៅមណ្ឌលកុមារកំព្រាតាមរយៈអង្គការអស់រយៈពេល៣ឆ្នាំ លុះត្រឡប់មកវិញពេញចិត្តនិងស្រឡាញ់ប្អូនបង្កើតក៏សួរចិត្តនាង ដោយនាងជាប្អូនមិនបដិសេធពួកគេទាំង២នាក់ក៏លួចលាក់រស់នៅជុំគ្នាមិនឲ្យម្តាយបង្កើត និងឪពុកចុងដឹងតែម្តង ។ ពួកគេប្រាប់ទាំងចុងមាត់ចុងកថា បានគ្នាជាប្តីប្រពន្ធជាង២ឆ្នាំហើយ ហើយមិនបានរៀបអាពាហ៍ពិពាហ៍ដុំកំភួនទេ គ្រាន់តែសែនព្រេនតិចតួចប៉ុណ្ណោះ ។
ចំណែកស្ត្រីជាម្តាយប្តីប្រពន្ធខាងលើប្រាប់ថា ករណីឲ្យកូនស្រីភ្លោះទៅគេចិញ្ចឹមនាពេលកន្លងទៅនោះ ដោយសារគ្រានោះគ្រួសារគាត់មានជីវភាពក្រីក្រពេក ។ ឯករណីកូនប្រុសស្រីជាបងប្អូនបង្កើត(កូនប្តីមុន)យកគ្នាជាប្តីប្រពន្ធ ស្ត្រីជាម្តាយនិយាយថាដំបូងគាត់ហាក់ខឹងដែរ តែដោយសារបំបែកយ៉ាងណាក៏មិនដាច់ គាត់ក៏ងាកទៅគិតតាមធម៌ព្រះទៅវិញ ឲ្យពួកគេយកគ្នាជាប្តីប្រពន្ធតាមដំណើរតែម្តង ព្រោះអាចជាគូព្រេងពួកគេពីជាតិមុនមក ។
អាជ្ញាធរភូមិប៉ោយប៉ែតនិយាយថា រឿងរ៉ាវខាងលើបានដឹងជាយូរមកហើយ ប៉ុន្តែដោយគិតថា អង្ករក្លាយជាបាយ ម្យ៉ាងពួកគេយកគ្នាជាប្តីប្រពន្ធដោយការព្រមព្រៀង មិនមែនជាការចាប់បង្ខំ ម្យ៉ាងខ្លាចប៉ះពាល់ដល់កិត្តិយសគ្រួសារនោះផង ទើបមិនហ៊ានទម្លាយឲ្យអ្នកណាដឹង ។
ជាចុងក្រោយ គ្រួសារមហាក្រីក្រ និងសែនសង្វេគខាងលើនេះក៏បានអំពាវនាវរកអំណោយសប្បុរសជនទាំងក្នុង និងក្រៅប្រទេស សូមជួយពួកគាត់ផង ត្បិតពេលនេះពួកគាត់លំបាកខ្លាំងណាស់សឹងរកអង្ករច្រកឆ្នាំងមិនបានផង ៕
ចែករំលែកព័តមាននេះ