ឃាតករនេះ ពិតជាសាហា.វ និងឃោរឃៅណាស់
ខេត្តកំពត ៖ សាកសពបុរសម្នាក់មិនស្គាល់អត្តសញ្ញាណ ដោយត្រូវឃាតករសម្លា.ប់រុំសពជាច្រើនជាន់ដឹកយកមកទម្លាក់ចោលនៅក្បែរស្ពានមួយឈ្មោះ «ស្ពានអូក្រសារ» …
ខេត្តកំពត ៖ មានការភ្ញាក់ផ្អើលមួយកើតឡើង កាលពីវេលាម៉ោង០៧ និង៣០នាទីព្រឹក ថ្ងៃទី៤ ខែវិច្ឆិកា ឆ្នាំ២០១៦ បន្ទាប់ពីប្រជាពលរដ្ឋប្រទះឃើញសាកសពបុរសម្នាក់មិនស្គាល់អត្តសញ្ញាណ ដោយត្រូវឃាតករសម្លាប់រុំសពជាច្រើនជាន់ ហើយដឹកមកទម្លាក់ចោលនៅក្បែរស្ពានមួយឈ្មោះ «ស្ពានអូក្រសារ» ស្ថិតលើផ្លូវជាតិលេខ៣ ក្នុងភូមិទ្វារថ្មី ឃុំព្រៃថ្នង ស្រុកទឹកឈូ ខេត្តកំពត ។
សមត្ថកិច្ចបានឱ្យដឹងថា សាកសពមានភិនភាគដូចខាងក្រោម គឺភេទប្រុស មានអាយុប្រហែលជាង៣០ឆ្នាំ សម្បុរសណ្តែកបាយ ស្លៀកខោលីអូ ពណ៌ឈាមជ្រូក ពាក់អាវយឺតបង្កង់ ពណ៌ខ្មៅលាយក្រហម ដែលស្លាប់រយៈពេល៤ ទៅ៥ថ្ងៃហើយ ។
សេចក្តីរាយការណ៍បន្តឱ្យដឹងនារសៀលថ្ងៃទី០៤ វិច្ឆិកា ថា ជនរងគ្រោះដែលស្លាប់ឈ្មោះ ឃឹម នី ហៅលល ភេទប្រុស អាយុ២៨ឆ្នាំ ជាអ្នករត់តាក់ស៊ី មានអាសយដ្ឋាន នៅភូមិវត្តអង្គ ឃុំព្រៃឃ្មុំ ស្រុកទឹកឈូ ខេត្តកំពត ។
ក្រោយពីបានស្គាល់អត្តសញ្ញាណហើយ សមត្ថកិច្ចសន្និដ្ឋានដំបូងថា ជារឿងប្លន់សម្លាប់យករថយន្ត នេះបើតាមការអះអាងរបស់ក្រុមគ្រួសារជនរងគ្រោះ ដែលពេលនេះ រថយន្តជនរងគ្រោះម៉ាកកាមរីហើម ពណ៌សំបកឪឡឹក ពាក់ស្លាកលេខ ភ្នំពេញ ១C-៩៨១១បានបាត់ ។
បច្ចុប្បន្ន សមត្ថកិច្ចកំពុងបន្តស្រាវជ្រាវរកឃាតករ និងរថយន្តដែលបាត់នោះ ៕
ចែករំលែកព័តមាននេះ