ស្រូវ និងស្វាយ នាំចេញពីកម្ពុជា ទៅវៀតណាម តាមច្រកព្រំដែននានា ក្នុងខេត្តព្រៃវែង រយៈពេល ៥ខែ បានជាង ៩០ម៉ឺនតោន
- ព្រៃវែង
ខេត្តព្រៃវែង៖ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង លោក អ៊ុក សំណាង បានឲ្យដឹងថា រយៈពេល…
ខេត្តព្រៃវែង៖ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង លោក អ៊ុក សំណាង បានឲ្យដឹងថា រយៈពេល…
ខេត្តព្រៃវែង៖ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង លោក អ៊ុក សំណាង បានឲ្យដឹងថា រយៈពេល ០៥ខែក្នុងឆ្នាំ២០២២នេះ ស្ថានភាពនៃការនាំចេញផលិតផលកសិកម្ម ទៅប្រទេសវៀតណាម តាមច្រកនានា ក្នុងខេត្តព្រៃវែង ក្រៅផ្លូវការ មានស្រូវចំនួន ៨៧៣,៦០៥តោន និងផ្លែស្វាយចំនួន៣១,១២៩តោន។
របាយការណ៍របស់មន្ត្រីការិយល័យរដ្ឋបាលមន្ទីរកសិកម្ម រុក្ខាប្រមាញ់ និងនេសាទខេត្ត បង្ហាញថា ស្ថានភាពឈ្មួញនាំកសិផល ទៅប្រទេសវៀតណាមក្រៅផ្លូវការ តាមច្រកនានា នៅក្នុងភូមិសាស្ត្ររដ្ឋបាលខេត្តព្រៃវែង ចាប់ពីថ្ងៃទី១ ខែមករា ឆ្នាំ២០២២ ដល់ថ្ងៃទី២៣ ខែឧសភា ឆ្នាំ២០២២ គឺតាមច្រកទ្វារព្រំដែនអន្តរជាតិបន្ទាយចក្រី តាមច្រកទ្វាព្រំដែនកោះរការ និងច្រករបៀងប៉ុស្តិ៍វរៈការពារព្រំដែនស្វាយអាង៉ោង ស្រូវសរុប ៨៧៣,៦០៥តោន។ ចំណែកតម្លៃស្រូវជាមធ្យម ១គីឡូក្រាម ៨៩៥រៀល ដល់ ៩២០រៀល។
ប្រភពបន្តថា ការនាំស្រូវ ទៅប្រទេសវៀតណាម តាមច្រកទ្វារព្រំដែនអន្តរជាតិបន្ទាយចក្រី រយៈពេល ៥ខែ មានចំនួន ៤៤២,១៤២តោន ស្មើ ៥៣% តាមច្រកទ្វាព្រំដែនកោះរការ ចំនួន ៣៥៩,៧៦៥តោន ស្មើ៤៣% តាមច្រករបៀងស្វាយអាង៉ោង ចំនួន ៣៥,៦៩៨តោន ស្មើ ៤%។ ផ្លែស្វាយ នាំចេញតាមច្រកទ្វារព្រំដែនអន្តរជាតិបន្ទាយចក្រី រយៈពេល ៥ខែ សរុប ៣១,១២៩តោន លក់ទៅឲ្យវៀតណាម តម្លៃជាមធ្យមក្នុង ១គីឡូ ៨០០រៀល ទៅ ៨៥០រៀល ក្នុងនោះ នៅខែមករា ការនាំផ្លែស្វាយចេញទៅប្រទេសវៀតណាមានមចំនួន ៤,៣៤២តោន ខែកុម្ភៈ ចំនួន ៦,៨៧៦តោន ខែមីនា ចំនួន ៩,២៤៦តោន ខែមេសា ចំនួន៧,២៧៧តោន និងខែឧសភា ចំនួន ៣,៣៨៨តោន។
ប្រភពបន្តទៀតថា ក្រៅពីស្រូវ និងផ្លែស្វាយ ក៏មានការនាំចេញដំឡូងមី និងគ្រាប់ធញ្ញជាតិ មានពោត សណ្តែកផងដែរ។ នេះជាការយកចិត្តទុកដាក់របស់រដ្ឋបាលខេត្ត ជួយសម្រួលឲ្យអាជីវករ បាននាំចេញនូវកសិផលរបស់ប្រជាកសិករ អ្នកផលិតឲ្យមានជីវភាពល្អប្រសើរ៕ វ៉ាន់ ប៊ុនធឿន
ចែករំលែកព័តមាននេះ