ប្រទេសថៃ ៖ ថៃបាននាំចេញអង្ករប្រមាណ៧៩ម៉ឺនតោនទៅកាន់បរទេសក្នុងខែកញ្ញា កើនឡើង៩,៩% បើធៀបនឹងឆ្នាំមុន ។ ការនាំចេញអង្ករសរុបក្នុងរយៈពេល៩ខែដំបូងនៃឆ្នាំ២០១៦ បានកើនដល់៦,៨៥លានតោន ។
ប្រទេសថៃ ៖ ថៃបាននាំចេញអង្ករប្រមាណ៧៩ម៉ឺនតោនទៅកាន់បរទេសក្នុងខែកញ្ញា កើនឡើង៩,៩% បើធៀបនឹងឆ្នាំមុន ។ ការនាំចេញអង្ករសរុបក្នុងរយៈពេល៩ខែដំបូងនៃឆ្នាំ២០១៦ បានកើនដល់៦,៨៥លានតោន ។
លោក Charoen Laothamatas ប្រធានសមាគមអ្នកនាំចេញអង្ករថៃ និយាយថា ការនាំចេញក្នុងខែកញ្ញា មានតម្លៃដល់ទៅ៣៤០លានដុល្លារ កើនឡើង៣,៤% ។
ក្នុងអំឡុងពេល៩ខែកន្លងមកនេះ បរិមាណនៃការនាំចេញអង្ករបានកើនឡើង៣,៧% បើធៀបនឹងរយៈពេលដូចគ្នាក្នុងឆ្នាំមុន ។ ប៉ុន្តែតម្លៃនៃការនាំចេញកើនតែ១,៦% ស្មើនឹងទឹកប្រាក់ប្រមាណ៣,៩ប៊ីលានដុល្លារប៉ុណ្ណោះ ។
លោកបន្តថា ការនាំចេញក្នុងខែកញ្ញា បានរួមបញ្ចូលទាំងអ្នកទិញអង្ករចាស់ និងថ្មីក្នុងទ្វីបអាហ្វ្រិក ព្រោះប្រទេសក្នុងទ្វីបនេះបន្តទិញអង្ករសាជាថ្មីដើម្បីបំពេញស្តុក ។
ការនាំចេញនៃអង្ករឆ្អិនស្រាប់ទៅកាន់ទីផ្សារអាហ្វ្រិក សរុបស្មើនឹង២៥៥ពាន់តោនក្នុងខែកញ្ញា កើនឡើង១០៣% បើធៀបនឹងខែសីហា។ Benin ជាប្រទេសទិញច្រើនជាងគេ ដែលបានទិញអង្ករឆ្អិនស្រាប់ប្រមាណ១៧៧ពាន់តោន ។
ការនាំចេញអង្ករទៅកាន់ប្រទេសក្នុងអាហ្វ្រិកនិងអាស៊ី ក៏បានកើនឡើង២២%ផងដែរក្នុងខែកញ្ញា ស្មើនឹង៣៧១ពាន់តោន ។ យ៉ាងណាក្តី ការនាំចេញនៃអង្ករផ្កាម្លិះបានធ្លាក់ចុះ១៣% មកត្រឹម១៥៨ពាន់តោន ។
លោក Charoen បាននិយាយដែរថា លោកគិតថា ការនាំចេញអង្ករសរុបសម្រាប់ខែតុលា នឹងស្មើរវាង៧០ម៉ឺនតោនទៅ៨០ម៉ឺនតោន ដោយប្រទេសថៃបន្តនាំចេញអង្ករទៅកាន់ប្រទេសចិន និងប្រទេសក្នុងទ្វីប អាហ្វ្រិក ។
សម្រាប់ថ្ងៃទី២៥ តុលា កន្លងមក តម្លៃអង្ករសម្រាប់នាំចេញពីប្រទេសវៀតណាម និងឥណ្ឌា គឺស្មើនឹង៣៥០ដុល្លារក្នុង១តោន និងពីប្រទេសប៉ាគីស្ថាន ស្មើនឹង៣៤៥ដុល្លារក្នុង១តោន ។
យោងតាមសមាគមអ្នកនាំចេញអង្ករថៃ សម្រាប់អង្ករថៃដែលមានគុណភាពស្មើគ្នានោះត្រូវបានលក់ក្នុងតម្លៃរហូតដល់៣៦៩ដុល្លារក្នុង១តោន កាលពីថ្ងៃទី២៦ តុលា ៕
ចែករំលែកព័តមាននេះ