មេដឹកនាំហ្វីលីពីនថ្មីប្រកាសមិនឱ្យចិនរំលោ.ភដែនទឹក សូម្បី១មីល្លីម៉ែត្រ
ហ្វីលីពីន ៖ ប្រធានាធិបតីជាប់ឆ្នោតថ្មីហ្វីលីពីន លោក Ferdinand Marcos Jr បាននិយាយនៅថ្ងៃ
ហ្វីលីពីន ៖ ប្រធានាធិបតីជាប់ឆ្នោតថ្មីហ្វីលីពីន លោក Ferdinand Marcos Jr បាននិយាយនៅថ្ងៃ
ហ្វីលីពីន ៖ ប្រធានាធិបតីជាប់ឆ្នោតថ្មីហ្វីលីពីន លោក Ferdinand Marcos Jr បាននិយាយនៅថ្ងៃព្រហស្បតិ៍ ទី២៦ ឧសភា នេះថា លោកនឹងរក្សាសេចក្តីសម្រេចរបស់តុលាការអន្តរជាតិប្រឆាំងនឹងទីក្រុងប៉េកាំងជុំវិញជម្លោះនៅសមុទ្រចិនខាងត្បូង ដោយលោកលើកឡើងថា លោកនឹងមិនអនុញ្ញាតឲ្យចិនជាន់ឈ្លីលើសិទ្ធិដែនសមុទ្ររបស់ទីក្រុងម៉ានីលឡើយ។
មហាយក្សចិនទាមទារកាន់កាប់ទាំងស្រុងនូវដែនទឹកក្នុងសមុទ្រចិនខាងត្បូង ខណៈដែលប្រទេសក្នុងតំបន់ជម្លោះដូចជាហ្វីលីពីន ប្រ៊ុយណេ ម៉ាឡេស៊ី តៃវ៉ាន់ និងវៀតណាមក៏ទាមទារកាន់កាប់មួយចំណែករៀងៗខ្លួនផងដែរ។
ដែនទឹកមានជម្លោះនៅសមុទ្រចិនខាងត្បូងជាតំបន់សម្បូរទៅដោយធនធានធម្មជាតិ និងជាផ្លូវទឹកពាណិជ្ជកម្មដែលមានតម្លៃរាប់លានលានដុល្លារក្នុងមួយឆ្នាំៗ។
ទីក្រុងប៉េកាំងមិនអើពើទៅនឹងសេចក្តីសម្រេចឆ្នាំ ២០១៦ របស់តុលាការអាជ្ញាកណ្តាលអចិន្ត្រៃយ៍ដែលមានមូលដ្ឋាននៅទីក្រុងឡាអេ ប្រទេសហូឡង់ ដែលបានប្រកាសថា ការទាមទាររបស់ចិនមិនមានមូលដ្ឋាននោះទេ។
លោក Marcos បាននិយាយថា លោកនឹងមិនអនុញ្ញាតឲ្យដែនទឹកសូម្បីមួយមីល្លីម៉ែត្ររបស់ហ្វីលីពីនត្រូវបានជាន់ឈ្លីដោយចិននោះទេ។
«យើងមានសេចក្តីសម្រេចដ៏មានសារសំខាន់មួយ ហើយយើងនឹងប្រើប្រាស់វាដើម្បីបន្តទាមទារសិទិ្ធដែនដីរបស់យើង។ វាមិនមែនជាការទាមទារនោះទេ វាជាទឹកដីរបស់យើងរួចរាល់ហើយ»។
លោកនិយាយថា «យើងនិយាយអំពីចិន។ យើងនិយាយជាមួយនឹងចិនជាប់លាប់ជាមួយនឹងសំឡេងដ៏រឹងមាំ។ យើងមិនអាចធ្វើសង្គ្រាមជាមួយពួកគេបានទេ នោះជារឿងចុងក្រោយដែលយើងត្រូវការឥឡូវនេះ»។
សូមបញ្ជាក់ថា លោក Ferdinand Marcos Jr ដែលជាកូនប្រុសបង្កើតរបស់មេដឹកនាំផ្តាច់ការ Ferdinand Marcos នឹងឡើងកាន់តំណែងជាផ្លូវការនៅថ្ងៃទី ៣០ ខែមិថុនាខាងមុខនេះ បន្ទាប់ពីឈ្នះការបោះឆ្នោតភ្លូកទឹកភ្លូកដីកាលពីដើមខែនេះ៕ (យោងតាមប្រភព៖ AFP)
ដើម្បីស្តាប់ប្រវត្តិសង្ខេបរបស់ប្រធានាធិបតីជាប់ឆ្នោតថ្មីហ្វីលីពីន លោក Ferdinand Marcos Jr សូមចុច Link ខាងក្រោម ៖ https://www.facebook.com/thegreatpeople.kh/videos/295989619408200
ចែករំលែកព័តមាននេះ