រុស្ស៊ីថា ទឹកដីដែលខ្លួនដណ្តើមបាននឹងមិនឱ្យអ៊ុយក្រែនវិញទេ
រុស្ស៊ី ៖ មន្ត្រីដែលលើកបន្ទុបដោយរុស្ស៊ីបាននិយាយថា តំបន់ Zaporozhzhia និង Kherson ដែល
រុស្ស៊ី ៖ មន្ត្រីដែលលើកបន្ទុបដោយរុស្ស៊ីបាននិយាយថា តំបន់ Zaporozhzhia និង Kherson ដែលដណ្តើមកាន់កាប់បានដោយកងទ័ពរុស្ស៊ីនឹងមិនប្រគល់ត្រឡប់ទៅឲ្យអ៊ុយក្រែនវិញនោះទេ។
លោក Alexei Selivanov មន្ត្រីរុស្ស៊ីនៃក្រសួងកិច្ចការផ្ទៃក្នុងនៃតំបន់ Zaporozhzhia បាននិយាយថា ការសម្រេចចិត្តរបស់ទីក្រុងម៉ូស្កូក្នុងការតាមដានឲ្យបានឆាប់រហ័សពីសញ្ញាតិរុស្ស៊ីសម្រាប់ប្រជាជនអ៊ុយក្រែននៅក្នុងតំបន់ Zaporozhzhia និង Kherson មានន័យថាទឹកដីទាំងនេះនឹងមិនវិលត្រឡប់ទៅកាន់អ៊ុយក្រែនវិញនោះទេ។
លោកបញ្ជាក់ទៀតថា ប្រជាជននៅក្នុងតំបន់កាន់កាប់ទាំងនេះទទួលបានឱកាសធ្វើការងារ ទទួលបានការអប់រំទូទាំងតំបន់ ចុះឈ្មោះក្នុងតំបន់ដើម្បីទទួលបានអត្ថប្រយោជន៍សង្គម និងការទូទាត់ប្រាក់។ នេះបើយោងតាមការចុះផ្សាយរបស់កាសែតរុស្ស៊ី TASS។
សូមបញ្ជាក់ថា កងទ័ពរុស្ស៊ីវា.យដណ្តើមបានទីក្រុង Kherson និង Zaporozhzhia របស់អ៊ុយក្រែននៅដើមខែមីនា រយៈពេលប្រហែល ២សប្តាហ៍ប៉ុណ្ណោះក្រោយពេលប្រធានាធិបតី Vladimir Putin បញ្ជាឲ្យមានប្រតិបត្តិការឈ្លានពានអ៊ុយក្រែន៕ (យោងតាមប្រភព៖ Aljazeera)
ចែករំលែកព័តមាននេះ