ផ្លូវជាតិលេខ៥នៅក្រុងប៉ោយប៉ែតរងការរិះគន់ថាគ្មានសណ្តាប់ធ្នាប់
ខេត្តបន្ទាយមានជ័យ ៖ មួយរយៈចុងក្រោយនេះ ផ្លូវជាតិលេខ៥នៅក្រុងប៉ោយប៉ែតរងការិះគន់ពីអ្នកដំណើរជាតិនិងអន្តរជាតិថា គ្មានសណ្តាប់ធ្នាប់ ព្រោះតែសងខាងផ្លូវ …
ខេត្តបន្ទាយមានជ័យ ៖ មួយរយៈចុងក្រោយនេះ ផ្លូវជាតិលេខ៥នៅក្រុងប៉ោយប៉ែតរងការិះគន់ពីអ្នកដំណើរជាតិនិងអន្តរជាតិថា គ្មានសណ្តាប់ធ្នាប់ ព្រោះតែសងខាងផ្លូវស្ទើរក្លាយទៅជាចំណតយានយន្ត និងទីផ្សារទៅហើយ ធ្វើឲ្យពួកគាត់ពិបាកក្នុងការធ្វើដំណើរឆ្លងកាត់ទីក្រុងដែលពុំសូវមានសោភណភាពមួយនេះណាស់ ។
អ្នកដំណើររអ៊ូរទាំថា ថ្ងៃណាក៏ដូចថ្ងៃណាដែរ បើឆ្លងកាត់ផ្លូវជាតិលេខ៥ឃើញមានតែការកកស្ទះ ពិសេសនៅពេលព្រឹក ធ្វើឲ្យដំណើររបស់ពួកគាត់មានការយឺតយ៉ាវ ។
បន្ទាប់ពីឃើញភាពអនាធិបតេយ្យនៃការចតយានយន្តតូចធំតាមសងខាងផ្លូវជាតិ បង្កឲ្យមានការកកស្ទះញឹកញាប់នេះ អ្នកដំណើរមានការងឿងឆ្ងល់ និងដាក់ជាសំណួរខ្សិបខ្សៀវគ្នាថា តើទីក្រុងមួយនេះគ្មានចំណតរថយន្តទេឬ ? កាធ្វើឲ្យបាត់បង់សោភណភាពតាមដងផ្លូវជាតិលេខ៥នៅក្រុងប៉ោយបែតនេះមិនមែនកើតចេញពីការចតយានយន្តគ្មានសណ្តាប់ធ្នាប់តែម្យ៉ាងទេ វាបណ្តាលមកពីអាជីវករលក់ចំណីអាហារ និងផ្លែឈើតាមរទេះផងដែរ ។
អ្នកស្រុកលើកឡើងថា បញ្ហាខាងលើវាអាចធ្វើឲ្យប៉ះពាល់ដល់មុខមាត់ប្រទេសជាតិមួយផ្នែកដែរ ព្រោះផ្លូវជាតិមួយខ្សែនេះមានច្រកទ្វារអន្តរជាតិដ៏សំខាន់មួយ មានភ្ញៀវទេសចរណ៍ចម្រុះជាតិសាសឆ្លងកាត់ក្នុងមួយឆ្នាំៗរាប់ម៉ឺននាក់ ។ អ្នកស្រុកលើកឡើងទៀតថា ថ្ងៃណាមានអ្នកធំមកកាន់ព្រំដែន ថ្ងៃនោះការធ្វើដំណើដូចជាធូរចិត្ត ព្រោះសមត្ថកិច្ចបានរៀបចំសណ្តាប់ធ្នាប់ល្អឥតខ្ចោះ តែអ្នកធំត្រឡប់ទៅវិញបាត់ អ្វីៗដូចដើមប្រៀបបាននឹងវិធានការវែកចកអ៊ីចឹង ។
យ៉ាងណាក៏ដោយ តាមបណ្តោយផ្លូវជាតិលេខ៥នៅក្រុងប៉ោយបែត សមត្ថកិច្ចជំនាញតែងចុះរៀបចំសណ្តាប់ធ្នាប់ម្តងម្កាលដែរ ៕
ចែករំលែកព័តមាននេះ