ឧទ្ឋរណ៍បើកសវនាការលោក កឹម សុខា ឯសាលាដំបូងបើកសវនាការ លោក ស៊ុត ឌីណា
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា តាមបណ្តឹងសារទុក្ខរបស់ក្រុមមេធាវីលោក កឹម សុខា
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា តាមបណ្តឹងសារទុក្ខរបស់ក្រុមមេធាវីលោក កឹម សុខា
រាជធានីភ្នំពេញ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា តាមបណ្តឹងសារទុក្ខរបស់ក្រុមមេធាវីលោក កឹម សុខា ប្រធានស្តីទីគណបក្សសង្គ្រោះជាតិ សាលាឧទ្ឋរណ៍បានលើកយកសំណុំរឿងបដិសេធក្នុងការចូលខ្លួន ក្នុងសវនាការរបស់លោក កឹម សុខា មកបើកសវនាការនៅព្រឹកថ្ងៃទី០៤ វិច្ឆិកា ២០១៦ ។
សេចក្តីរាយការណ៍បានបន្តថា សវនាការនាព្រឹកថ្ងៃសុក្រនេះ ដឹកនាំដោយលោក សេង ស៊ីវត្ថា ប្រធានក្រុមប្រឹក្សាជំនុំជម្រះ និងជាអនុប្រធានសាលាឧទ្ឋរណ៍ តំណាងអយ្យការលោក អ៊ឹម សុផាត និង មានវត្តមានក្រុមមេធាវីលោក កឹម សុខា ដែលរួមមាន ៖ លោក សំ សុគង់ ,លោក ចាន់ ចេង និងលោក ហែម សុជាតិ ។
កាលពីថ្ងៃទី០៩ កញ្ញា ២០១៦ បន្ទាប់ពីសវនាការសំណុំរឿងមិនចូលខ្លួន ចៅក្រមសាលាដំបូងរាជធានីភ្នំពេញលោក កែវ មុនី ក៍បានប្រកាសសាលក្រមផ្តន្ទាទោសលោក កឹម សុខា ដាក់ពន្ឋគារ៥ខែ និងពិន័យជាប្រាក់ ចំនួន៨សែនរៀល ក្រោមបទចោទ ” បដិសេធក្នុងការចូលខ្លួន ” តាមមាត្រា៥៣៨ នៃក្រមព្រហ្មទណ្ឌ ។
ដោយឡែកពីសាលាដំបូងរាជធានីភ្នំពេញនោះវិញ សំណុំរឿងកេងយកប្រយោជន៍ដោយខុសច្បាប់ និងបទរំលោភអំណាចដែលមានជនជាប់ចោទ ជាអតីតឯកអគ្គរាជទូតខ្មែរប្រចាំសាធារណរដ្ឋកូរ៉េ (កូរ៉េខាងត្បូង) លោក ស៊ុត ឌីណា ក៍ត្រូវបានសាលាដំបូងរាជធានីភ្នំពេញ លើកយកមកបើកសវនាការនាព្រឹកថ្ងៃទី០៤ វិច្ឆិកានេះផងដែរ ។
អតីតប្រធានចលនានិស្សិតដើម្បីប្រជាធិបតេយ្យដែលធ្លាប់ធ្វើសកម្មភាពយ៉ាងសកម្មកាលពីអំឡុងអាណត្តិទី២ និងទី៣ នៃរាជរដ្ឋា- ភិបាល លោក ស៊ុត ឌីណា បានត្រូវអង្គភាពប្រឆាំងអំពើពុករលួយ (ACU) ឃាត់ខ្លួនកាលពីទី០៤ មេសា ២០១៦ បន្ទាប់ពីបំពេញការងារអស់រយៈពេល៣ឆ្នាំ និងបានរកឃើញទ្រព្យសម្បត្តិរបស់លោកចំនួន៧,២លានដុល្លារ និងមាស ៣៣៩តម្លឹង ៕
ចែករំលែកព័តមាននេះ