«The Sun» របស់អង់គ្លេសកាលពីពេលថ្មីៗកន្លងមកផ្សាយឱ្យដឹងថា ស្ដ្រីជនជាតិចិនម្នាក់បង្ហោះវីដេអូឃ្លីបបង្ហាញពីការដាក់ទោសប្ដីដែលលួចបង្ហោះសារទូរស័ព្ទស្វែងរកគូស្នេហ៍។ ការដាក់ទោសនោះ គឺយកសម្លីអនាម័យបិទត្រង់ថ្ងាស បង្ខំឱ្យពាក់អាវទ្រនាប់ពណ៌កុលាប និងអង្គុយលុតជង្គង់លើសម្បកធុរេន ។
បុរសជាប្ដីព្រមសារភាព និងប្រតិបត្ដិគ្រប់យ៉ាងដើម្បីទទួលទោស ។ នៅពេលប្រពន្ធសួរថា តើទាក់ទងជាមួយនារីណា ? បុរសជាប្ដីឆ្លើយថា ទាក់ទងជាមួយនារីជាច្រើននាក់។
ស្ដ្រីជាប្រពន្ធបញ្ជាក់ថា ការលួចទាក់ទងស្រីផ្សេងគឺជាមូលហេតុដែលធ្វើឱ្យប្ដីត្រូវទទួលទោសបែបនោះ ។ ទោះជាយ៉ាងណាក្ដីបុរសជាប្ដីបានត្អូញត្អែរថា គេមិនអាចស៊ូទ្រាំលុតជង្គង់លើសម្បកធុរេនបានយូរទៀតទេ ព្រោះឈឺជង្គង់ ដូច្នេះសុំឱ្យប្រពន្ធអភ័យទោសដល់រូបគេ ៕
ចែករំលែកព័តមាននេះ