ពិព័រណ៍ខ្មោ.ចរថក្រោះរុស្ស៊ី នៅកណ្តាលក្រុងគៀវ ទាក់ទាញមនុស្សម្នាសម្រុកទៅទស្សនា
អ៊ុយក្រែន ៖ គិតចាប់ពីខែកុម្ភៈ រហូតមកដល់ពេលនេះ មានរយៈពេល៣ខែហើយ ដែលរថពាសដែករុ
អ៊ុយក្រែន ៖ គិតចាប់ពីខែកុម្ភៈ រហូតមកដល់ពេលនេះ មានរយៈពេល៣ខែហើយ ដែលរថពាសដែករុស្ស៊ី បានរំកិលខ្លួនចូលរដ្ឋធានីគៀវ។ ប៉ុន្តែឥឡូវនេះ រដ្ឋធានីបេះដូងរបស់អ៊ុយក្រែនមួយនេះ បានវិលត្រឡប់មករកភាពប្រក្រតីឡើងវិញហើយ បន្ទាប់ពីយោធារុស្ស៊ីបានដកថយ។
បន្ទាប់ពីអ្វីៗត្រឡប់មករកភាពស្រស់បំព្រងវិញ អាជ្ញាធរបានដាក់តាំងបង្ហាញខ្មោ.ចរថក្រោះ និងរថពាសដែករបស់រុស្ស៊ី។ ដែលត្រូវបានកម្ទេចដោយកងកម្លាំងអ៊ុយក្រែន អំឡុងពេលការប៉ះទង្គិចគ្នា។ នៅឯទីលាន Saint Michael កណ្តាលទីក្រុងគៀវ កាលពីពេលថ្មីៗនេះ។
គេសង្កេតឃើញមនុស្សម្នាគ្រប់វ័យបានប្រមូលផ្តុំគ្នាទស្សនា ក៏ដូចជាផ្តិតយករូបភាពនៃខ្មោ.ចរថក្រោះ និងរថពាសដែករបស់រុស្ស៊ី ដែលកន្លងមក បានព្យាយាមឈ្លានពាន ដើម្បីចង់លេបយកទីក្រុងគៀវ។
បើយោងតាមការរាប់ចំនួននៃការខាតបង់របស់រុស្ស៊ី ដែលចេញផ្សាយដោយកងកម្លាំងប្រដាប់អាវុ.ធអ៊ុយក្រែនបានបង្ហាញថា រុស្ស៊ីបានបាត់បង់រថក្រោះជាង ១.៣០០គ្រឿង រថពាសដែកជាង ៣.០០០គ្រឿង និងស្លា.ប់ទាហានជិត ៣ម៉ឺននាក់។ ប៉ុន្តែទោះយ៉ាងណា យោធាអ៊ុយក្រែនមិនបានបញ្ចេញតួលេខពីការខាតបង់របស់ខ្លួននោះទេ៕ (ដកស្រង់ចេញពី Telegraph និង Express)
ចែករំលែកព័តមាននេះ