ខេត្តបន្ទាយមានជ័យ ៖ ប្រជាពលរដ្ឋបានប្រទះឃើញស.ពមនុស្សម្នាក់ អណ្តែតក្នុងទឹក នៅចំណុចស្ពានក្រឡ ស្ថិតក្នុងភូមិបន្ទាយនាង ឃុំបន្ទាយនាង ស្រុកមង្គលបូរី កាលពីនៅវេលាម៉ោង០១រសៀលថ្ងៃទី២៥ ខែឧសភា…
ខេត្តបន្ទាយមានជ័យ ៖ ប្រជាពលរដ្ឋបានប្រទះឃើញស.ពមនុស្សម្នាក់ អណ្តែតក្នុងទឹក នៅចំណុចស្ពានក្រឡ ស្ថិតក្នុងភូមិបន្ទាយនាង ឃុំបន្ទាយនាង ស្រុកមង្គលបូរី កាលពីនៅវេលាម៉ោង០១រសៀលថ្ងៃទី២៥ ខែឧសភា ឆ្នាំ២០២២នេះ ។
ករណីប្រទះឃើញស.ពអណ្តែតទឹកខាងលើ លោកវរសេនីយ៍ត្រី អុន គឹមហួង មេបញ្ជាការផ្នែកសឹករងស្រុកមង្គលបុរី បានដឹកនាំកម្លាំងចំនួន០៦នាក់ ចុះជួយរាវរក និងស្រង់សាកសពឡើងមកលើគោក ។
បន្ទាប់ពីស្រង់សពដាក់លើគោក នាវេលាម៉ោង០៣រសៀលថ្ងៃដដែល បានពិនិត្យរកឃើញអត្តសញ្ញានៃស.ពមានឈ្មោះ ជួប កាក់ ភេទប្រុស អាយុ៣៦ឆ្នាំ រស់នៅភូមិគោកទន្លាប់ ឃុំបន្ទាយនាង ស្រុកមង្គលបូរី ។
បើតាមប្រភពព័ត៌មាននៅកន្លែងកើតហេតុ បានអោយដឹងជាបឋមថា មូលហេតុគឺជនរងគ្រោះបានជិះកង់ មកឈប់ផ្អែកនឹងបង្កាន់ដៃស្ពាន រួចហើយក៏បានចុះលាងជើង ស្រាប់តែរអិលជើងនឹងស្លែរ បណ្តាលអោយធ្លាក់ចូលទឹកលង់ស្លា.ប់តែម្តង ៕
ចែករំលែកព័តមាននេះ