ខេត្តសៀមរាប នឹងមានកន្លែងផលិតជីសរីរាង្គ(មមោគ)សម្រាប់កសិកម្ម ដែលកែច្នៃចេញពីភក់កាកសំណល់លូទឹកសម្អុយ
ខេត្តសៀមរាប ៖ នៅវេលាម៉ោង ០៨និង៣០នាទីព្រឹកថ្ងៃទី២៥ ខែឧសភា ឆ្នាំ២០២២ នៅបន្ទប់ប្រជុំលេខ៣ សាលាខេត្ត លោក ប្រាក់…
ខេត្តសៀមរាប ៖ នៅវេលាម៉ោង ០៨និង៣០នាទីព្រឹកថ្ងៃទី២៥ ខែឧសភា ឆ្នាំ២០២២ នៅបន្ទប់ប្រជុំលេខ៣ សាលាខេត្ត លោក ប្រាក់…
ខេត្តសៀមរាប ៖ នៅវេលាម៉ោង ០៨និង៣០នាទីព្រឹកថ្ងៃទី២៥ ខែឧសភា ឆ្នាំ២០២២ នៅបន្ទប់ប្រជុំលេខ៣ សាលាខេត្ត លោក ប្រាក់ សោភ័ណ អភិបាលរងខេត្ត តំណាងលោក ទៀ សីហា អភិបាល នៃគណៈអភិបាលខេត្តសៀមរាប បានជួបសម្តែងការគួរសមជាមួយលោកស្រី Arianna ARDESI តំណាងសមាគមអភិបាលក្រុងនិយមនិយាយភាសាបារាំង (AIMF) និងក្រុមការងារ ដោយមានការអញ្ជៈញចូលរួមពីលោកនាយករងរដ្ឋបាលសាលាខេត្ត លោកអភិបាលរងក្រុងសៀមរាប លោកអនុប្រធានមន្ទីរសាធារណការ និងដឹកជញ្ជូនខេត្ត តំណាងមន្ទីរ-អង្គភាពពាក់ព័ន្ធ និងក្រុមការងារគម្រោង និងបន្តចូលរួមពិធីសម្ពោធការដ្ឋានសាងសង់អគារផលិតជីសរីរាង្គ ស្ថិតនៅភូមិកន្ត្រក សង្កាត់ស្វាយដង្គំ ក្រុងសៀមរាប ខេត្តសៀមរាប ។
គម្រោងនេះ មានគោលបំណងផលិតជីសរីរាង្គ ដែលកែច្នៃភក់ ចេញពីកាកសំណល់លូទឹកសម្អុយ ធ្វើជីកសិកម្មជីមមោគ ដោយបង្កើតខ្សែសង្វាក់ផលិតជីសរីរាង្គ ជីមមោគ ឲ្យប្រសើរឡើង ដើម្បីផ្គត់ផ្គង់តាមតម្រូវការក្នុងវិស័យ កសិកម្ម ។
ជាមួយគ្នានេះ គម្រោងត្រូវបានចាប់ផ្តើមដំណើរការជាផ្លូវការ ដោយសមាគមអភិបាលក្រុងនិយមនិយាយភាសាបារាំង ហៅកាត់ថាAIMF សហជីពអន្តរខេត្ត សម្រាប់ប្រព័ន្ធអនាម័យ នៅតំបន់ប៉ារីស ហៅកាត់ថា SIAAP ទីភ្នាក់ងារធនធានទឹក តំបន់ណកម៉ង់ឌីហៅកាត់ថា ASEN បានរួមគ្នា អនុវត្តនូវគម្រោងនេះឡើង ក្រោមកិច្ចសហការ ដៃគូអភិវឌ្ឍន៍មកពីសាធារណរដ្ឋបារាំង នៅខេត្តសៀមរាប ដោយប្រើប្រាស់ថវិកាហិរញ្ញប្បទាន សម្រាប់អនុវត្តគម្រោងមានចំនួន ១,៧០០,០០០អឺរ៉ូ ដោយរដ្ឋបាលខេត្តសៀមរាបជាម្ចាស់គម្រោង ។
ចំពោះរចនាសម្ព័ន្ធគ្រប់គ្រងស្ថានីយផលិតជីសរីរាង្គនេះ មានការសាងសង់ស្ថានីយ កែច្នៃភក់ ចេញពីលូទឹកកខ្វក់ ជីកស្រះស្តុកភក់និងដាំប្រភេទរុក្ខជាតិដើមត្រែង មានសមត្ថភាពផ្ទុកបាន ៤៥ ម៉ែត្រគូបក្នុងមួយថ្ងៃ អាចផលិតជីមមោគ តាមការប៉ាន់ប្រមាណបាន ១,០០០គូបក្នុងមួយឆ្នាំ មិនមានផលប៉ះពាល់អវិជ្ជមាន ដល់គុណភាពទឹក ដែលហូរចេញចេញពីអាងចម្រោះឡើយ ។
ក្នុងឱកាសនោះផងដែរ លោកអភិបាលរងខេត្ត បានមានប្រសាសន៍ថា គម្រោងនេះ មានសារៈសំខាន់ណាស់ សម្រាប់ខេត្តសៀមរាប ក្នុងការកែច្នៃ កាកសំណល់ភក់ ចេញពីលូទឹកកខ្វក់ នៅក្នុងក្រុងសៀមរាប ដើម្បីធ្វើឲ្យប្រសើរឡើងនូវប្រព័ន្ធគ្រប់គ្រងកាកសំណល់ភក់ចេញពីលូទឹកកខ្វក់ និងគុណវិស័យខ្សែសង្វាក់ នៃការផលិតជីសម្រាប់ផ្គត់ផ្គង់ ឲ្យវិស័យកសិកម្ម និងលើកកម្ពស់ជីវភាពប្រជាកសិករ ។
លោកបានបន្តថា ជីមមោគនេះ មានគុណភាពសម្រាប់វិស័យកសិកម្ម ជាពិសេសសម្រាប់ដី ដែលអស់ជីវជាតិ នៅពេលប្រើប្រាស់ជីនេះ ធ្វើឱ្យដីនោះមានជីវជាតិ អាចធ្វើឲ្យកសិករ បង្កបង្កើនផលទទួលបានទន្និផលខ្ពស់ ។ ហើយសម្រាប់ដំណើរការផលិតជីនេះ គឺត្រូវប្រើពេល ៥ឆ្នាំ ទើបបានផល ៕
ចែករំលែកព័តមាននេះ