ហួសចិត្ត! កុំម៉ង់ជើងក្តាម២ ស្រាក្រឡុក២កែវ ដល់ពេលគិតលុយស្ទើរសន្ល.ប់
ក្រិក ៖ រឿងដ៏ភ្ញាក់ផ្អើលមួយបានកើតឡើង បន្ទាប់ពីស្ត្រីម្នាក់ និងកូនស្រីបានអះអាងថា ភោជនីយ
ក្រិក ៖ រឿងដ៏ភ្ញាក់ផ្អើលមួយបានកើតឡើង បន្ទាប់ពីស្ត្រីម្នាក់ និងកូនស្រីបានអះអាងថា ភោជនីយ
ក្រិក ៖ រឿងដ៏ភ្ញាក់ផ្អើលមួយបានកើតឡើង បន្ទាប់ពីស្ត្រីម្នាក់ និងកូនស្រីបានអះអាងថា ភោជនីយដ្ឋានមួយចេញវិក្កយបត្របង់ប្រាក់ដល់គាត់អស់ជិត ៦០០អឺរ៉ូ ដោយគ្រាន់តែកុម្ម៉ង់ជើងក្តាម ២ និងស្រាក្រឡុក ២កែវប៉ុណ្ណោះ។
លោកស្រី Brenda និងកូនស្រី Keila Moulton បានធ្វើដំណើរពីសហរដ្ឋអាមេរិក ដើម្បីមកលំហែកាយនៅភូមិ Platys Gialos ដ៏ពេញនិយមលើកោះ Mykonos ប្រទេសក្រិក។ ប៉ុន្តែផ្ទុយទៅវិញ អ្នកទាំង២បានត្រឹមហួសចិត្តបំផុត។ បន្ទាប់ពីកុម្ម៉ង់ជើងក្តាម២ និងស្រាក្រុឡុក ២កែវ នៅហាងឈ្មោះថា «DK Oyster»។ ស្រាប់តែពេលគិតលុយអស់ ៥៩៨,៩២អឺរ៉ូ ដែលស្មើនឹង ៦៤០ដុល្លារ។
លោកស្រី Brenda បានអះអាងថា ដំបូងឡើយគាត់បដិសេធមិនចូលហាងនោះទេ។ តែបុគ្គលិកហាងបានបញ្ចុះបញ្ចូលគាត់ដោយនិយាយថា នៅទីនេះ កុម្ម៉ង់ភេសជ្ជៈ អ្នកនឹងបានអង្គុយលេងលើកៅអីហាលថ្ងៃ ដោយឥតគិតថ្លៃ។ ពួកគាត់បានអង្គុយចុះ ហើយបុគ្គលិកហាងបានយកបញ្ជីមុខម្ហូបមកឱ្យ។ ដោយពុំឃ្លាន គាត់ក៏មិនបានកុម្ម៉ង់អាហារទេ។ ទោះយ៉ាងណា បុគ្គលិករូបនោះ បានត្រឡប់មកវិញ និងសួរគាត់ឥតឈប់ឈរថា តើអ្នកចង់កុម្ម៉ង់អ្វីបរិភោគទេ? ទីបំផុត គាត់ក៏សម្រេចចិត្តហៅជើងក្តាម ២ រួមនឹងស្រាក្រុឡុក Mojitos ២កែវ។
អង្គុយបាន២ម៉ោង គាត់ក៏គិតលុយ។ លុះពេលឃើញវិក្កយបត្រប្រាក់ គាត់និយាយថា ស្ទើរតែសន្ល.ប់ ដោយអស់ជិត ៦០០អឺរ៉ូ។ ទោះយ៉ាងណា គាត់បានបដិសេធ ហើយនិយាយថា «មិនអាចទេ អ្នកគិតច្រឡំហើយ ដូច្នេះគិតវាឡើងវិញម្តងទៀត»។
អំឡុងពេលកំពុងប្រកែកគ្នា ស្រាប់តែបុរសរូបនោះ បានប្រាប់គាត់ថា «ខ្ញុំនឹងទូរស័ព្ទទៅប៉ូលិស។ ពួកគេនឹងឃាត់ខ្លួនអ្នកនៅទីនេះ ហើយអ្នកនឹងមិនអាចត្រឡប់ទៅប្រទេសកំណើតវិញឡើយ»។
ដោយមានអារម្មណ៍ថា ខ្លួនត្រូវបានគេគំរា.មកំហែង និងភ័.យខ្លា.ចផងនោះ គាត់បានសម្រេចចិត្តបង់ប្រាក់ និងបានប្រាប់អ្នកទេសចរផ្សេងទៀតនៅក្បែរនោះ អំពីអ្វីដែលបានកើតឡើង។ គាត់ក៏បានរាយការណ៍ហេតុការណ៍នេះទៅប៉ូលិស ព្រមទាំងស្នើមេធាវីផងដែរ។ ខណៈភាគីហាងបានទទូចថា មិនមានការរំលោ.ភបំពា.នណាមួយបានកើតឡើងទេ ហើយបុគ្គលិករបស់ពួកគេមិនបានគំរា.មកំហែងអតិថិជនឡើយ ។
ភាគីហាង DK Oyster បានបញ្ជាក់ថា អ្វីគ្រប់យ៉ាងដែលដាក់លក់ក្នុងបញ្ជីរាយមុខម្ហូប សុទ្ធតែមានឯកសារស្របច្បាប់។ ពួកគេបន្ថែមថា អតិថិជនត្រូវបានគិតតម្លៃពេញនៃក្តាមទាំងមូល។ ព្រោះជើងក្តាមរាជ ឬជើងក្តាមយក្ស មិនមានតម្លៃនៅក្នុងបញ្ជីមុខម្ហូបទេ។ ហើយការចំណាយត្រូវបានធ្វើឡើងតាមវិក្កយបត្រទិញរបស់ពួកគេ៕ (ប្រភពពី Metro)
ចែករំលែកព័តមាននេះ