នារីគ្រប់រូបតែងតែចង់មានភាពលេចធ្លោក្នុងថ្ងៃពិសេស គឺថ្ងៃរៀបមង្គលការរបស់ខ្លួន តាមរយៈឈុតអាពាហ៍ពិពាហ៍ដ៏ប្រណីត ឬមានតម្លៃខ្ពស់ ។ ជាក់ស្តែងសម្រាប់នាងម៉ាឌីណា សូគីរ៉ូវ៉ា ជាកូនស្រីរបស់មហាសេដ្ឋីរុស្ស៊ី លោកអីុលខុម សូគីរ៉ូវ បានរៀបការជាមួយតារាសម្តែង ហើយចំណុចលេចធ្លោ ទាក់ទាញការចាប់អារម្មណ៍ខ្លាំង គឺឈុតកូនក្រមុំមានតម្លៃខ្ពស់កប់ពពក គឺ ប្រហែល៦៣ម៉ឺនដុល្លារ ។ មិនតែប៉ុណ្ណោះនំខេកដ៏ធំមានកម្ពស់ដល់ទៅ៣ម៉ែត្រឯណោះ ។
ពិធីរៀបមង្គលការនោះប្រារព្ធធ្វើឡើងនៅសណ្ឋាគារ «Radisson Royal Congress Park» ក្នុងក្រុងមូស្គូ ដោយមានភ្ញៀវកិត្តិយសចូលរួមប្រហែល៩.០០០នាក់ កាលពីពេល ថ្មីៗកន្លងមក ។
ឈុតអាពាហ៍ពិពាហ៍របស់កូនក្រមុំនោះ ច្នៃដោយអ្នកជំនាញច្នៃម៉ូដជនជាតិអង់គ្លេសរបស់ហាង «Ralph & Russo» ។ នៅលើឈុតកូនក្រមុំនោះតុបតែងលំអដោយគជ់ និងត្បូងគ្រីស្តាល់យ៉ាងប្រណីតគាប់ភ្នែក ៕
ចែករំលែកព័តមាននេះ