ភ្លៀងមួយមេធំជិត២ម៉ោង ទឹកជន់លិចចំណតរថយន្ត និងផ្លូវជុំវិញក្រុងសិរីសោភ័ណ
- បន្ទាយមានជ័យ
ភ្លៀងមួយមេធំ មានរយៈពេលត្រឹមជិត២ម៉ោងប៉ុណ្ណោះ បានធ្វើឱ្យជន់លិចចំណតរថយន្តក្រុងសិរីសោភ័ណ និងផ្លូវជុំវិញ បណ្តាលឱ្យ
ភ្លៀងមួយមេធំ មានរយៈពេលត្រឹមជិត២ម៉ោងប៉ុណ្ណោះ បានធ្វើឱ្យជន់លិចចំណតរថយន្តក្រុងសិរីសោភ័ណ និងផ្លូវជុំវិញ បណ្តាលឱ្យ
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ភ្លៀងមួយមេធំ មានរយៈពេលត្រឹមជិត២ម៉ោងប៉ុណ្ណោះ បានធ្វើឱ្យជន់លិចចំណតរថយន្តក្រុងសិរីសោភ័ណ និងផ្លូវជុំវិញ បណ្តាលឱ្យជួបការលំបាកដល់អ្នកធ្វើដំណើរឆ្លងកាត់ រហូតដល់ល្ងាចថ្ងៃទី២៤ ខែឧសភា ឆ្នាំ២០២២ ស្ថិតភូមិបី សង្កាត់ព្រះពន្លា ក្រុងសិរីសោភ័ណ។
បើតាមប្រជាពលរដ្ឋបានប្រាប់ថា ថ្ងៃនេះ (ថ្ងៃទី២៤ ខែឧសភា) មានភ្លៀងមួយមេធំរយៈពេលជិត២ម៉ោង បានបណ្តាលឱ្យជន់លិចចំណតរថយន្តក្រុងសិរីសោភ័ណ និងផ្លូវជុំវិញ ព្រមទាំងផ្លូវខាងត្បូង ខាងកើតផ្សារសិរីសោភ័ណផងដែរ បណ្តាលអោយប្រជាពលរដ្ឋដែលធ្វើដំណើរឆ្លងកាត់ជួបការលំបាក ដែលជិះរថយន្តតូចទាប និងម៉ូតូជាដើម ចំណែកឯចំណតរថយន្តវិញ ក៏បណ្តាលឱ្យលិចរថយន្តចូលចតមិនបាននោះទេ។
ប្រជាពលរដ្ឋបានបញ្ជាក់ថា នៅពេលជំនន់ទឹកភ្លៀង បណ្តាលឱ្យជន់លិចផ្លូវ និងចំណតរថយន្ត ព្រមទាំងទឹកហូរចូលផ្ទះធ្វើឱ្យប៉ះពាល់ដល់ទំនិញ និងសម្ភារៈមួយចំនួនត្រូវសើមអស់ ហើយក៏ជាការព្រួយបារម្ភខ្លាចឆ្លងចរន្តភ្លើងទៀតផងដែរ។ ហើយជំនន់ទឹកភ្លៀងនេះ ក៏បានលិចចំណតរថយន្ត និងផ្លូវជុំវិញស្ទើរតែរាល់ឆ្នាំ នៅពេលដែលមានភ្លៀងខ្លាំងរយៈពេលត្រឹមតែ២ទៅ៣ម៉ោងប៉ុណ្ណោះ គឺតែងតែលិចរហូត។
ប្រជាពលរដ្ឋបានបញ្ជាក់ថា មូលហេតុដែលភ្លៀងធ្លាក់ខ្លាំងជន់លិចផ្លូវជុំវិញ និងចំណតរថយន្តក្រុងសិរីសោភ័ណនេះ គឺដោយសារទឹកហូរធ្លាក់ពីផ្នែកខាងលើ ហូរចូលលូមិនទាន់ និងប្រព័ន្ធលូរំដោះទឹកហូរចូលស្ទឹងតូចផង ទើបបណ្តាលឱ្យជន់លិចរាល់ឆ្នាំ ឱ្យតែមានភ្លៀងធំម្តងៗ ដូច្នេះពលរដ្ឋសំណូមពរសុំឱ្យមន្ទីជំនាញ ឬក៏អភិបាលក្រុង-ខេត្ត សូមជួយរកដំណោះស្រាយយ៉ាងណាអោយទឹកឈប់លិចចំណតរថយន្ត និងផ្លូវជុំវិញនោះផង។
ចំណែកមន្ត្រីរដ្ឋបាលក្រុងសិរីសោភ័ណ ក៏បានបញ្ជាក់ថា ទឹកភ្លៀងលិចចំណតរថយន្តក្នុងក្រុងសិរីសោភ័ណ គឺមានរយៈពេលខ្លី ដោយសារទឹកហូរមិនទាន់ ហើយនៅពេលដែលឈប់ភ្លៀងរយៈពេលត្រឹមតែ២ទៅ៣ម៉ោង ទឹកនឹងហូរចូលស្ទឹង ហើយនឹងស្រកអស់ពីចំណតរថយន្ត និងផ្លូវជុំវិញនោះហើយ៕
ចែករំលែកព័តមាននេះ