រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា ចាប់ពីខែឧសភា ដល់ខែតុលា ឆ្នាំ២០២២ខាងមុខនេះ កម្ពុជាអាចនឹងមានភ្លៀងក្នុងកម្រិតពីមធ្យមទៅច្រើនបង្គួរនៅដើមរដូវវស្សា ហើយអាចមានភ្លៀងពីបង្គួរទៅច្រើននៅពាក់កណ្តាលរដូវវស្សា ។…
រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ថា ចាប់ពីខែឧសភា ដល់ខែតុលា ឆ្នាំ២០២២ខាងមុខនេះ កម្ពុជាអាចនឹងមានភ្លៀងក្នុងកម្រិតពីមធ្យមទៅច្រើនបង្គួរនៅដើមរដូវវស្សា ហើយអាចមានភ្លៀងពីបង្គួរទៅច្រើននៅពាក់កណ្តាលរដូវវស្សា ។
យោងតាមសេចក្តីជូនដំណឹងស្តីពីការព្យាករកម្ពស់ទឹកជំនន់ទន្លេមេគង្គលើកទី១ ប្រចាំឆ្នាំ២០២២ នៅថ្ងៃទី២៥ ខែឧសភា ឆ្នាំ២០២២ក្រសួងធនធានទឹកបានលើកឡើងថា បន្ទាប់ពីបានធ្វើការតាមដាន អង្កេតស្រាវជ្រាវលើស្ថានភាពអាកាសធាតុ និងស្ថានភាពទឹកជំនន់ទន្លេមេគង្គជាច្រើនឆ្នាំបន្តបន្ទាប់រួចមក ក្រសួងធនធានទឹក រួចមកឃើញថា ៖ ចាប់ពីខែឧសភាដល់ ខែតុលា ឆ្នាំ២០២២ បាតុភូតអែនសូ (ENSO Neutral) មានពី២០% ទៅ៥០% បាតុភូតឡានីណា (La Nina) មានពី៥០% ទៅ៨០% និងបាតុភូតអែលនីញូ (El Nino) មាន 0% ។
ក្រសួងបញ្ជាក់ថា ៖« ស្ថានភាពបែបនេះនឹងធ្វើឲ្យភ្លៀងអាចមានក្នុងកម្រិតពីមធ្យមទៅច្រើនបង្គួរនៅដើមរដូវវស្សា, អាចមានពីបង្គួរទៅច្រើននៅពាក់កណ្តាលរដូវវស្សា និងអាចមានពីមធ្យមទៅបង្គួរនៅចុងរដូវវស្សាទាំងនៅក្នុងអាងទន្លេមេគង្គ និងនៅក្នុងប្រទេសកម្ពុជា» ។
ក្រសួងក៏បានលើកឡើងថា ស្ថានភាពទឹកទន្លេមេគង្គ ទន្លេបាសាក់ និងទន្លេសាប ៖ ចាប់ពីដើមឆ្នាំ២០២២នេះមកមានស្ថានភាព ៖
ក្រសួងឲ្យដឹងទៀតថា ផ្អែកតាមលក្ខណៈខាងលើ ស្ថានភាពទឹកទន្លេមេគង្គសម្រាប់ដើមឆ្នាំ២០២២នេះ នៅទន្លេមេគង្គផ្នែកខាងលើ ទឹកមានកម្រិតកម្ពស់ខ្ពស់ជាងមធ្យមច្រើនឆ្នាំ, នៅទន្លេមេគង្គផ្នែកខាងក្រោម ទឹកមានកម្រិតកម្ពស់ប្រហាក់ប្រហែល នឹងខ្ពស់ជាងមធ្យមច្រើនឆ្នាំចាប់ពីខែមេសាមក ។ រីឯទឹកនៅបឹងទន្លេសាប ក៏ខ្ពស់ជាងមធ្យ មច្រើនឆ្នាំចាប់ពីខែមេសាមកដែរ ។
ជាមួយគ្នានោះដែរ ក្រសួងក៏បានឲ្យដឹងថា ចំពោះការព្យាករទឹកជំនន់ទន្លេមេគង្គលើកទី១ ប្រចាំឆ្នាំ២០២២ វិញថា យោងលើស្ថានភាពទឹកទន្លេមេគង្គនាពេលបច្ចុប្បន្ន កត្តាអាកាសធាតុ និងការវិភាគលើទំនាក់ទំនងរវាងកម្ពស់ទឹកអប្បបរមា និងអតិបរមាព្រមទាំងការវិភាគលើវដ្តទឹក ការព្យាករលើកទី១ បានបង្ហាញថា នៅស្ថានីយជលសាស្ត្របាសាក់-ចតុមុខ នាឆ្នាំ២០២២នេះទឹកអាចនឹងមានកម្ពស់៩,៦៥ ម៉ែត្រ ដែលចាត់ទុកជាប្រភេទជំនន់មធ្យម ៕
ចែករំលែកព័តមាននេះ