រាជធានីភ្នំពេញ ៖ អ្នកប្រហែលជាគិតថា អ្នកដឹងពីវិធីទាំងអស់ក្នុងការរស់នៅប្រកបដោយសុខភាពល្អ ដូចជាគិតថា ឡើងជណ្តើរជំនួសឱ្យជណ្តើរយន្ត ការមិនទទួលទានបង្អែមច្រើន ហើយទៅជួបគ្រូពេទ្យនៅពេលអ្នកឈឺជាដើម ។ ជាការពិតណាស់ បើពិតជាបែបនេះ បានន័យថា អ្នកកំពុងធ្វើបានយ៉ាងល្អណាស់ ប៉ុន្តែក្នុងនាមជាឪពុកម្តាយ អ្នកអាចធ្វើវាបានកាន់តែប្រសើរជាងនេះទៅទៀតតាមរយៈគន្លឹះងាយៗ ដើម្បីបង្ហាត់បង្ហាញកូន និងចិញ្ចឹមកូនឱ្យមានសុខភាពល្អ ហើយឆ្លាតវៃថែមទៀត ៖
១. របបអាហារ ៖ ចូរធ្វើជាគំរូដ៏ល្អសម្រាប់កូនៗក្នុងការចម្អិន និងបរិភោគអាហារស្រស់ៗ ដែលមិនកែច្នៃឱ្យបានច្រើន ។ ណែនាំកូនៗឱ្យផឹកទឹកឱ្យបានតិចបំផុត ២ លីត្រជារៀងរាល់ថ្ងៃ ហើយកម្រិតចំពោះការទទួលទានជាតិកាហ្វេអ៉ីន និងភេសជ្ជៈកំប៉ុងដែលមានជាតិផ្អែម ។
២. លំហាត់ប្រាណ ៖ បង្កើតពេលវេលាសម្រាប់ការហាត់ប្រាណជារៀងរាល់ថ្ងៃជាមួយកូន និងក្រុមគ្រួសាររបស់អ្នក ឱ្យបានយ៉ាងហោចណាស់ ៣០ នាទី រៀងរាល់ថ្ងៃ ។ ការធាក់កង់ ការរត់ និងដើរជុំវិញសួន គឺជាគន្លឹះដ៏ល្អសម្រាប់អ្នក និងកូនៗរបស់អ្នក ។
៣. គេង ៖ ព្យាយាមទទួលទានដំណេកពី ៧-៨ ម៉ោងជារៀងរាល់យប់ ហើយព្យាយាមរក្សាវដ្តនៃការគេងឱ្យទៀងទាត់ ដែលមានន័យថា គឺនាំកូនចូលគេង និងក្រោកពីដំណេកក្នុងពេលតែមួយជារៀងរាល់ថ្ងៃ ។
៤. សង្គម ៖ ការប្រាស្រ័យទាក់ទងនឹងសង្គម មិត្តភក្តិ និងមនុស្សជុំវិញខ្លួនអាចជួយកាត់បន្ថយភាពតានតឹង និងការថប់បារម្ភ និងធ្វើឱ្យប្រសើរឡើងនូវមុខងារផ្លូវចិត្តរបស់កូនអ្នក ហើយវាជួយការពារប្រឆាំងនឹងជំងឺធ្លាក់ទឹកចិត្ត ជំងឺបេះដូង និងជំងឺវង្វេងពេលពួកគេចាស់ទៅផងដែរ ។
៥. មានគ្រូពេទ្យថែទាំបឋម ៖ ការនាំកូនទៅជួបគ្រូពេទ្យជាប្រចាំឆ្នាំមានសារៈសំខាន់សម្រាប់មនុស្សគ្រប់វ័យ ជាពិសេសកូនរបស់អ្នក ព្រោះវាអាចរកឃើញបញ្ហា និងជំងឺឱ្យបានឆាប់ មុនពេលដែលវានាំទៅរកផលវិបាកធ្ងន់ធ្ងរ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់កម្មវិធីអប់រំមត្តេយ្យភាសាខ្មែរ និងអង់គ្លេស, កម្មវិធីភាសាអង់គ្លេស, កម្មវិធីភាសាចិន និងចំណេះទូទៅខ្មែរពីថ្នាក់ទី ១ ដល់ទី ១២ ព្រមទាំងទទួលចុះឈ្មោះសិស្សចូលរៀនជារៀងរាលថ្ងៃ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ