យុវជនវ័យ១៨ឆ្នាំម្នាក់ ត្រូវរងពីបទចោទឧក្រិដ្ឋរុះរើកុំព្យូទ័របន្ទាប់ពីរំខានដោយចៃដន្យដល់សេវាប្រកាសអាសន្ននៅក្នុងរដ្ឋArizona បង្កឲ្យមានការទូរស័ព្ទចូល៩១១ក្លែងក្លាយរាប់ពាន់ដង ហើយក៏ត្រូវរងបទចោទថា
យុវជនវ័យ១៨ឆ្នាំម្នាក់ ត្រូវរងពីបទចោទឧក្រិដ្ឋរុះរើកុំព្យូទ័របន្ទាប់ពីរំខានដោយចៃដន្យដល់សេវាប្រកាសអាសន្ននៅក្នុងរដ្ឋArizona បង្កឲ្យមានការទូរស័ព្ទចូល៩១១ក្លែងក្លាយរាប់ពាន់ដង ហើយក៏ត្រូវរងបទចោទថា បានបង្ហោះweb Link ដែលបង្កឲ្យទូរស័ព្ទIphone ទូរស័ព្ទទៅ៩១១ ឥតឈប់ឈរ ។
Meetkumar Hiteshbhai Desai បានប្រាប់មន្ត្រីប៉ូលិសថា គេគ្រាន់តែចង់ចែករំលែកលើTwitter ដែលភ្ជាប់ជាមួយលេខសំងាត់JavaScript ហើយអាចបង្កើតមេរោគលើប្រព័ន្ធIOS ដែលអាចធ្វើឲ្យទូរស័ព្ទគាំង ឬបិទហើយបើកឡើងវិញ ។
គេគ្រាន់តែសង្ឃឹមថា ក្រុមហ៊ុនApple នឹងចំណាយលុយឲ្យគេដើម្បីកំចាត់មេរោគ ប៉ុន្តែចៃដន្យអាក្រក់ គេបែរជាភ្ជាប់ជាមួយកម្មវិធីរបស់់គេទៅជាអ្នកប្រើប្រាស់ទូរស័ព្ទនោះទៅទូរស័ព្ទចូល៩១១ឥតឈប់ទៅវិញ ។ ចំនួនទូរស័ព្ទIphone ដែលទទួលរងផលប៉ះពាល់មានចំនួន២០០.០០០គ្រឿង ។
នៅក្នុងសេចក្តីប្រកាសរបស់មន្ត្រីប៉ូលិសសង្កាត់Maricopa ថា ការភ្ជាប់នោះបង្កឲ្យមានការទូរស័ព្ទចូល៩១១ ប្រហែលជិត២.០០០ដង វាបង្កការគំរាមកំហែងដល់សេវាសង្គ្រោះ បន្ទាន់នៅរដ្ឋArizona ទាំងមូល ។ ព្រោះថា សេវា៩១១ ស្ថិតនៅក្នុងលំដាប់ហេដ្ឋារចនាសម្ព័ន្ធសំខាន់ ហេតុនេះការជ្រៀតជ្រែកជាមួយនឹងប្រតិបត្តិការនោះ ជាការគំរាមកំហែងដ៏ធ្ងន់ដូចគ្នានឹងការជួញដូចមនុស្ស ឬឧក្រិដ្ឋកម្មកម្រិតពីរដែរសម្រាប់រដ្ឋអារីហ្សូណា ។
បន្ទាប់ពីត្រូវចាប់ខ្លួនយុវជនDesai បាននិយាយប្រាប់ប៉ូលិសថា មេរោគដែលគេដាក់ឲ្យរាតត្បាត់នោះ គឺបានពីមិត្តភកិ្កតាមអនឡាញជាអ្នកផ្ញើឲ្យគេ ។ ហើយគាត់នឹងប្រើប្រាស់ក្នុងន័យជាកម្មវិធីរំខានម្យ៉ាងដែលអ្នកប្រើហើយយល់ថា ជាកម្មវិធីកម្សាន្ដសប្បាយរីករាយទេ ។
ហេតុការណ៍នេះវាពិតជាមេរៀនឲ្យមានតម្លៃសម្រាប់អ្នកដែលចាប់ផ្តើមស្រាវជ្រាវពីប្រព័ន្ធសុវត្ថិភាព ។ ការលួចចូលសម្ភារបច្ចេកវិទ្យា ឬ បណ្តាញអេឡិចត្រូនិកដោយគ្មានការអនុញ្ញាត ឬកិច្ចសហការពីម្ចាស់ គឺជារឿងមួយដ៏គ្រោះថ្នាក់បំផុត ហើយលទ្ធផលត្រូវប្រឈមមុខចំពោះមុខច្បាប់ ៕
ចែករំលែកព័តមាននេះ