ទទួលទានស៊ុត ធ្វើឱ្យលោកយាយមានអាយុវែងជាងគេនៅលើលោក
អ៊ីតាលី ៖ លោកយាយអាយុ១១៦ឆ្នាំ (អាយុច្រើនជាងគេនៅលើលោក) បានអះអាងថា គន្លឹះក្នុងការមានអាយុវែង គឺការទទួល ទាន ស៊ុត២គ្រាប់ ក្នុងមួយថ្ងៃ ។
អ៊ីតាលី ៖ លោកយាយអាយុ១១៦ឆ្នាំ (អាយុច្រើនជាងគេនៅលើលោក) បានអះអាងថា គន្លឹះក្នុងការមានអាយុវែង គឺការទទួល ទានស៊ុត២គ្រាប់ក្នុងមួយថ្ងៃ ។
លោកយាយ Emma Morano មកពី Lake Maggiore ក្នុងប៉ែកខាងជើងនៃប្រទេសអ៊ីតាលី កើតក្នុងឆ្នាំ១៨៩៩ ហើយត្រូវបានប្រកាសជាផ្លូវការណ៍ថា ជាមនុស្សចាស់ជាងគេលើលោក តាមរយៈឯកត្តកម្ម Guinness World Records ។
លោកយាយ Morano បាននិយាយថា «ខ្ញុំបរិភោគស៊ុត២គ្រាប់ក្នុងមួយថ្ងៃតែប៉ុណ្ណោះទេ និងនំឃូឃី ប៉ុន្តែខ្ញុំមិនចូលចិត្តញ៉ាំទេព្រោះខ្ញុំមិនមានធ្មេញ» ។ លោកយាយបានចាប់ផ្តើមទម្លាប់នេះ តាំងពីមានអាយុ២០ឆ្នាំ គឺក្នុងឆ្នាំ១៩១៩មកម្ល៉េះ ។ នៅពេលដែលលោកយាយមានជំងឺកង្វះឈាមក្រហម លោកវេជ្ជបណ្ឌិតបានប្រាប់ទៅកាន់លោកយាយឱ្យទទួលទានស៊ុតឆៅ២គ្រាប់ និងស៊ុតដែលបានចម្អិនរួច មួយគ្រាប់ជារៀងរាល់ថ្ងៃ។
វេជ្ជបណ្ឌិតបច្ចុប្បន្នរបស់លោកយាយ គឺលោកCarlo Bava បាននិយាយថា លោកយាយឈប់ទទួលទានសាច់ទៀតហើយ ព្រោះមានគេប្រាប់លោកយាយថា វាអាចនាំឲ្យកើតជំងឺមហារីក ។
វេជ្ជបណ្ឌិត Bava បានប្រាប់ AFP ថា «លោកយាយEmma តែងតែទទួលទានបន្លែ និងផ្លែឈើតិចតួចណាស់» ។ ពេលដែលខ្ញុំបានជួបលោកយាយបរិភោគស៊ុត៣គ្រាប់ក្នុងមួយថ្ងៃ គឺ២ពេលព្រឹក និងស៊ុតចៀនពេលរសៀល ហើយមាន់សម្រាប់អាហារពេលយប់» ។
ចែករំលែកព័តមាននេះ