នាយករដ្ឋមន្ត្រីអូស្ត្រាលីថ្មីថា ទំនាក់ទំនងជាមួយចិននឹងនៅតែជួបការលំបាក
អូស្ត្រាលី ៖ នាយករដ្ឋមន្ត្រីថ្មីរបស់អូស្ត្រាលី លោក Anthony Albanese បាននិយាយនៅថ្ងៃច័ន្ទ ទី២៣
អូស្ត្រាលី ៖ នាយករដ្ឋមន្ត្រីថ្មីរបស់អូស្ត្រាលី លោក Anthony Albanese បាននិយាយនៅថ្ងៃច័ន្ទ ទី២៣ ឧសភា នេះថា ទំនាក់ទំនងរបស់អូស្ត្រាលីជាមួយនឹងចិននៅតែលំបាកដដែល ហើយលោកថាមូលហេតុដោយសារចិន មិនមែនអូស្ត្រាលីនោះទេ។
លោកថ្លែងបែបនេះមុនពេលចាកចេញទៅកាន់ប្រទេសជប៉ុន ដើម្បីចូលរួមកិច្ចប្រជុំកំពូល Quad នៅថ្ងៃអង្គារ ទី២៤ ឧសភា ស្អែកនេះជាមួយនឹងមេដឹកនាំជប៉ុន អាមេរិក និងឥណ្ឌា។
លោកថ្លែងថា «គឺចិនដែលបានផ្លាស់ប្តូរវា មិនមែនអូស្ត្រាលីនោះទេ ហើយអូស្ត្រាលីគួរតែក្រោកឡើងការពារតម្លៃរបស់ខ្លួន ហើយយើងនឹងនៅក្នុងរដ្ឋាភិបាលដែលខ្ញុំដឹកនាំ»។
ទំនាក់ទំនងរបស់អូស្ត្រាលីជាមួយនឹងចិន បានធ្លាក់មកដល់កម្រិតទាបខ្លាំង ក្រោយពេលប្រទេសទាំងពីរមានជម្លោះគ្នាលើបញ្ហាជាច្រើនរួមមានបញ្ហាពាណិជ្ជកម្ម ប្រភពដើមនៃការរីករាលដាលកូវីដ ១៩ និងការចោទប្រកាន់របស់រុស្ស៊ីថាចិនបានជ្រៀតជ្រែកចូលកិច្ចការផ្ទៃក្នុងរបស់ខ្លួន។
លោកក៏បាននិយាយផងដែរថា លោកបាននិយាយជាមួយនឹងប្រធានាធិបតីអាមេរិក Joe Biden កាលពីថ្ងៃអាទិត្យម្សិលមិញនេះ និងកំពុងទន្ទឹងរង់ចាំជួបជាមួយនឹងគាត់រួមទាំងនាយករដ្ឋមន្ត្រីរបស់ជប៉ុន និងឥណ្ឌា៕ (យោងតាមប្រភព៖ AGENCIES)
ចែករំលែកព័តមាននេះ