លោក Joe Biden ប្រកាសថានឹងប្រើកម្លាំងទ័ពការពារតៃវ៉ាន់ បើចិនវា.យប្រហារ
តៃវ៉ាន់ ៖ ប្រធានាធិបតីអាមេរិក លោក Joe Biden បានប្រកាសនៅថ្ងៃច័ន្ទ ទី ២៣ ខែឧសភានេះថា
តៃវ៉ាន់ ៖ ប្រធានាធិបតីអាមេរិក លោក Joe Biden បានប្រកាសនៅថ្ងៃច័ន្ទ ទី ២៣ ខែឧសភានេះថា
ជប៉ុន ៖ ប្រធានាធិបតីអាមេរិក លោក Joe Biden បានប្រកាសនៅថ្ងៃច័ន្ទ ទី ២៣ ខែឧសភានេះថា លោកនឹងប្រើប្រាស់កម្លាំងទ័ពដើម្បីជួយតៃវ៉ាន់ ប្រសិនមានការវា.យប្រហារពីចិន។
ការថ្លែងរបស់លោកធ្វើឡើងនៅក្នុងប្រទេសជប៉ុនកន្លែងដែលគាត់នឹងបំពេញទស្សនៈកិច្ចរយៈពេល ៣ថ្ងៃ។
នៅពេលអ្នកសារព័ត៌មានម្នាក់សួរក្នុងទីក្រុងតូក្យូថាតើអាមេរិកនឹងការពារតៃវ៉ាន់ដែរឬទេ ប្រសិនវារងការវា.យប្រហារពីចិន លោក Joe Biden បានឆ្លើយថា «ពិតណាស់»។
លោកថ្លែងថា «វាគឺជាការប្តេជ្ញាចិត្តដែលយើងបានធ្វើ… យើងយល់ស្របជាមួយនឹងគោលនយោបាយចិនតែមួយ។ យើងចុះហត្ថលេខាលើវា ហើយកិច្ចព្រមព្រទាំងអស់ធ្វើឡើងចាប់ពីនោះ។ ប៉ុន្តែគោលគំនិតដែលថា វាអាចយកត្រូវវា.យយកដោយកម្លាំងទ័ព វាមិនសមសម្យនោះទេ»។
លោកបន្ថែមថា លោករំពឹងថាព្រឹត្តិការណ៍បែបនោះនឹងមិនកើតឡើង ឬមានការប៉ុនប៉ងនោះទេ។
ខណៈដែលអាមេរិកមានច្បាប់ដែលតម្រូវឲ្យផ្តល់មធ្យោបាយដល់តៃវ៉ាន់ដើម្បីការពារខ្លួន អាមេរិកបានអនុវត្តន៍គោលនយោបាយនៃភាពមិនច្បាស់លាស់ជាយុទ្ធសាស្ត្រយូរមកហើយ ថាតើខ្លួននឹងត្រូវធ្វើអន្តាគមន៍យោធាដើម្បីការពារតៃវ៉ាន់នៅពេលចិនវា.យប្រហារឬយ៉ាងណា។
កាលពីខែតុលាឆ្នាំមុន លោក Joe Biden បានធ្វើអត្ថាធិប្បាយស្រដៀងគ្នាអំពីការការពារតៃវ៉ាន់។ នៅពេលនោះអ្នកនាំពាក្យសេតវិមានបាននិយាយថា លោក Biden មិនបានប្រកាសពីការផ្លាស់ប្តូរចំពោះគោលនយោបាយអាមេរិកឡើយ។
នៅថ្ងៃច័ន្ទនេះ មន្ត្រីសេតវិមានបាននិយាយថា មិនមានការផ្លាស់ប្តូរគោលនយោបាយអាមេរិកចំពោះតៃវ៉ាន់នោះទេ។
មន្ត្រីសេតវិមានដែលថ្លែងមិនបញ្ចេញឈ្មោះ លើកឡើងថា «ដូចដែលប្រធានាធិបតីបាននិយាយ គោលនយោបាយរបស់យើងមិនផ្លាស់ប្តូរនោះទេ»។
«គាត់បានរម្លឹកឡើងវិញនូវគោលនយោបាយចិនតែមួយ និងការប្តេជ្ញាចិត្តរបស់យើងចំពោះសន្តិភាព និងស្ថេរភាពនៅច្រកសមុទ្រតៃវ៉ាន់។ គាត់ក៏បានបញ្ជាក់ឡើងវិញផងដែរពីការប្តេជ្ញាចិត្តរបស់យើងចំពោះច្បាប់ទំនាក់ទំនងតៃវ៉ាន់ ដើម្បីផ្តល់មធ្យោបាយដល់តៃវ៉ាន់ក្នុងការការពារខ្លួន»។
សូមបញ្ជាក់ថា បច្ចុប្បន្នលោក Joe Biden កំពុងស្ថិតនៅក្នុងប្រទេសជប៉ុន។ នៅថ្ងៃអង្គារស្អែកនេះលោកនឹងចូលរួមកិច្ចប្រជុំកំពូលជាមួយនាយករដ្ឋមន្ត្រីជប៉ុន ឥណ្ឌា និងអូស្ត្រាលី៕ (យោងតាមប្រភព៖ Reuters)
ចែករំលែកព័តមាននេះ