ខេត្តកំពត ៖ លោកស្រីងិន ផលរត្ន័ អភិបាលក្រុងបូកគោបានមានប្រសាសន៍ កាលពីព្រឹកថ្ងៃទី២៣ឧសភា នៅសាលប្រជុំសាលាខេត្តកំពតថា មានការចេញផ្សាយដោយទូរទស្សន័៍អនឡាញមួយសម្រាប់លោកស្រីគិតថា «វាអយុត្តិធម៏ណាស់» ។
លោកស្រីអភិបាលក្រុងបូកគោមានប្រសាសន៍បែបនេះ នៅក្នុងពិធីបើកកិច្ចប្រជុំពិភាក្សាអង្គភាពពាក់ពន្ធ័ស្ដីពីការអនុវត្តច្បាប់របបសារព័ត៏មានរៀបចំដោយអង្កការជំនួយផ្នែកច្បាប់នៃកម្ពុជាដោយមានការចូលរួមលោកអ៊ឹង ឆាយ អភិបាលរងខេត្ត, មានលោករុន សារ៉ាយ នាយកប្រតិបត្តិអង្គការជំនួយផ្នែកច្បាប់, លោកអោក សំណាង ប្រធានមន្ទីរព័ត៌មានខេត្តកំពត, លោកអ៊ុន ចន្ទ័
ថុល មេធាវីអង្គកា, លោកចៅក្រមសាលាដំបូងខេត្ត និងអ្នកកាសែតជាច្រើននាក់ទៀតមកពីអង្គភាពផ្សេងៗគ្នា។
លោកស្រីមិនបានបង្ហាញមុខអ្នកយកព័ត៌មានអនឡាញនោះទេ ប៉ុន្តែលោកស្រីចង់អោយអ្នកយកព័ត៌មានរូបនោះយកពត៌មានអោយបានច្បាស់ កុំចេះតែផ្សាយមិនទទួលខុសត្រូវការពិត។ លោកស្រីងិន ផល រត្ន័ អភិបាលក្រុងបូកគោមានប្រសាសន៍ទៀតថា អ្នកយកព័ត៌មានមិនមានវិជ្ជាជីវៈធ្វើអោយបាត់តម្លៃអង្គភាពខ្លួនឯងទៅវិញទេ ។
លោកស្រីមានប្រសាសន៍ថា អ្នកកាសែតលោកស្រឡាញ់ណាស់ ព្រោះអ្នកកាសែតបានចូលរួមក្នុងសង្គមមួយដែរ ប៉ុន្តែអ្វីដែលធ្វើអោយហួសហេតុពេក ក្នុងនាមគាត់ជាមន្ត្រីមួយរូបត្រូវតែរកខុសរកត្រូវផងដែរ។ លោកស្រីអភិបាលក្រុងបូកគោមានប្រសាសន៍ថា ក្នុងនាម ជាមន្ត្រីមួយរូបលោកស្រីមិនចង់ឈ្នះចាញ់អីទេ ហើយក៏ដាក់ពាក្យបណ្ដឺងនៅតុលាការអីដែរ តែជួបជុំអ្នកកាសែតច្រើន និងអ្នកច្បាប់សុំអោយអស់លោកជាអ្នកយកព័ត៌មានជួយកែតម្រូវ ហើយពេលក្រោយៗទៀតមុននិងការផ្សាយត្រូវសួរនាំព័ត៌មានអោយបានច្បាស់។
លោកចៅក្រមសាលាដំបូងខេត្តកំពត បានមានប្រសាសន៍ថា យើងផ្អែកទៅលើច្បាប់បើរកឃើញថា អ្នកកាសែតផ្សាយខុសមិនមែនជាការពិត ត្រូវកែតម្រូវវិញ ឬត្រូវពិន័យប្រាក់ ។
លោកអ៊ឹង ឆាយ អភិបាលខេត្តមានការសម្របសម្រួល និងផ្ដាំផ្ញើអ្នកយកព័ត៌មានទាំងអស់អោយមានការផ្ទៀងផ្ទាត់មើលអោយច្បាស់មុនចេញការផ្សាយ ព្រោះអ្នកការសែតត្រូវការសម្ភាសន៍ទាំងសងខាង ទើបត្រឹមត្រូវជាងអ្នកកាសែតឈរនិយាយតែម្នាក់ឯង ។
ចែករំលែកព័តមាននេះ