ខេត្តកំពង់ស្ពឺ ៖ ផ្ទះប្រជាពលរដ្ឋជាច្រើនខ្នងដែលស្ថិតនៅតាមបណ្តោយផ្លូវចូលទៅរមណីយ ដ្ឋានគិរីរម្យ និងជាប់ផ្សារត្រែងត្រយឹង ក្នុងភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ត្រូវបានអគ្គិភ័យលេបត្របាក់កាលយប់រំលងអធ្រាត្រចូលថ្ងៃទី២៣…
ខេត្តកំពង់ស្ពឺ ៖ ផ្ទះប្រជាពលរដ្ឋជាច្រើនខ្នងដែលស្ថិតនៅតាមបណ្តោយផ្លូវចូលទៅរមណីយ ដ្ឋានគិរីរម្យ និងជាប់ផ្សារត្រែងត្រយឹង ក្នុងភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ត្រូវបានអគ្គិភ័យលេបត្របាក់កាលយប់រំលងអធ្រាត្រចូលថ្ងៃទី២៣ ឧសភា ឆ្នាំ២០២២ បង្កការការភ្ញាក់ផ្អើលយ៉ាងខ្លាំង ក្នុងនោះ ក៏មានវត្តមានរបស់លោកវ៉ី សំណាង អភិបាលខេត្តកំពង់ស្ពឺ ចុះពិនិត្យនិងដឹកនាំផ្ទាល់លើការងារអន្តរាគមន៍បា.ញ់ពន្លត់ភ្លើងនេះ ។
យោងតាមប្រភពនពីសមត្ថកិច្ចបានឱ្យដឹងថា ករណីអគ្គិភ័យនេះផ្តើមឡើងដោយសារទុស្សេខ្សែភ្លើងចេញពីផ្ទះល្វែងមួយខ្នង ដែលសង់ពីឈើប្រក់ស័ង្កសី មានម្ចាស់ឈ្មោះ កយ វ៉ាន់ធឿន ភេទប្រុស អាយុ៥៣ឆ្នាំ ចាក់សោទុកចោល ។
បន្ទាប់មក ភ្លើងបានឆេះរាលចេញពីផ្ទះកើតហេតុឆ្លងយ៉ាងលឿនទៅផ្ទះផ្សេងទៀត ដែលនៅជាប់គ្នានោះ ។ ខណៈដែលសមត្ថកិច្ចចម្រុះអន្តរាគមន៍បា.ញ់ពន្លត់ ដោយប្រើរថយន្តអន្តរាគមន៍ចំនួន ១១គ្រឿង ក្នុងនោះ រថយន្តស្នងការខេត្ត២គ្រឿង រថយន្តកោះឆ្នេរ២គ្រឿង រថយន្តសាលាមិត្តភាពកម្ពុជា-វៀតណាម ១គ្រឿង រថយន្តក្រុងច្បារមន ១គ្រឿង រថយន្តស្រុកភ្នំស្រួច ១គ្រឿង រថយន្តស្រុកសំរោងទង ១គ្រឿង រថយន្តស្រុកបសេដ្ឋ១គ្រឿង រថយន្តអាវុធហត្ថ ១គ្រឿង និងរថយន្តដំណាក់ដំរី១គ្រឿង ទើបគ្រប់គ្រងស្ថានការណ៍បាន។
សមត្ថកិច្ចបានបញ្ជាក់ថា ក្រោយគ្រប់គ្រងស្ថានការណ៍បានហើយ មានផ្ទះចំនួន១៤ខ្នង ត្រូវបានឆាបឆេះអស់ទាំងស្រុង តែនៅមិនទាន់បានសរុបពីទំហំនៃការខូចខាតទ្រព្យសម្បត្តិនៅឡើយទេ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ