ព្រៃ.ផ្សៃណាស់ ! វាយរួចយកក្រមារឹតករហូតស្លា.ប់
រាជធានីភ្នំពេញ ៖ មន្ត្រីជំនាញបានឲ្យដឹងថា នារីវ័យក្មេងម្នាក់ត្រូវបានគេវាយនឹងវត្ថុរឹងរួចយកក្រមារឹតករហូតស្លា.ប់នៅក្នុងបន្ទប់ជួលមួយកន្លែងភូមិដំណាក់ធំ៤ …
រាជធានីភ្នំពេញ ៖ មន្ត្រីជំនាញបានឲ្យដឹងថា នារីវ័យក្មេងម្នាក់ត្រូវបានគេវាយនឹងវត្ថុរឹងរួចយកក្រមារឹតករហូតស្លាប់នៅក្នុងបន្ទប់ជួលមួយកន្លែងភូមិដំណាក់ធំ៤ សង្កាត់ស្ទឹងមានជ័យ ខណ្ឌមានជ័យ បង្កឲ្យមានការភ្ញាក់ផ្អើលកាលពីវេលាម៉ោង៨ព្រឹក ថ្ងៃទី០១ ខែវិច្ឆិកា ឆ្នាំ២០១៦ ។
គួររម្លឹកថា ផ្អើលស្ទឹងមានជ័យ ! នារីវ័យក្មេងម្នាក់ស្លាប់ក្នុងបន្ទប់ សង្ស័យប្តីជាអ្នកសម្លាប់
សមត្ថកិច្ចបានឲ្យដឹងថា នារីវ័យក្មេងរងគ្រោះឈ្មោះ ផាត ស្រីនេត អាយុ២២ឆ្នាំ មុខរត់តុនៅភោជនីយដ្ឋាន មានស្រុកកំណើតនៅភូមិទទួលកណ្តោល ឃុំជីគោ ខេត្តត្បូងឃ្មុំ មានប្តីឈ្មោះ ឌឿន អាយុ៣២ឆ្នាំ មុខរបរម៉ូតូឌុប ។
អ្នកស្រុកនៅកន្លែងកើតហេតុបានឲ្យដឹងថា នារីរងគ្រោះដែលស្លាប់និងបុរសជាប្តីដែលបានរត់គេចខ្លួនបាត់នោះតែងតែឈ្លោះប្រកែកគ្នាស្ទើរគ្មានលស់ថ្ងៃណាសោះ ។ នៅវេលាយប់ថ្ងៃអាទិត្រ ទី៣០ ខែតុលា ឆ្នាំ២០១៦ ប្តីប្រពន្ធទាំង២នាក់នេះបានឈ្លោះប្រកែកគ្នាយ៉ាងខ្លាំងរហូតមកទល់ព្រឹកថ្ងៃចន្ទក៏ឃើញទ្វារបន្ទប់ត្រូវចាក់សោពីក្រៅតែម្តងទៅ ។
ស្ត្រីចំណាស់ម្នាក់ត្រូវជាម្តាយនារីរងគ្រោះសុំមិនបញ្ចេញឈ្មោះបានប្រាប់ឲ្យដឹងថា ជារៀងរាល់សប្តាហ៍ម្តងកូនស្រីគាត់តែងតែទៅលេងផ្ទះគាត់នៅសង្កាត់ស្ទឹងមានជ័យដូចគ្នាមិនក្រោម៤-៥ដងឡើង ដោយមានពេលខ្លះទៅហូបបាយជារៀងរាល់ថ្ងៃក៏មាន ។ ស្ត្រីជាម្តាយបន្តថា ប៉ុន្តែរយៈពេលប៉ុន្មានថ្ងៃក្រោយមកនេះ ពុំដែលឃើញកូនស្រីទៅលេងផ្ទះគាត់ដូចសពមួយដងសោះ ដោយចម្លែកចិត្តនៅព្រឹកថ្ងៃទី១ ខែវិច្ឆិកា នេះ គាត់បានមកមើលកូនដល់បន្ទប់ផ្ទះជួល ប៉ុន្តែឃើញចាក់សោទ្វារបន្ទប់ពីខាងក្រៅជាប់ ដោយមានការសង្ស័យគាត់ក៏បានហៅអ្នកជិតខាងឲ្យជួយកាត់សោចូលទៅខាងក្នុង ស្រាប់តែប្រទះឃើញកូនស្រីដេកស្លាប់ក្រោមគ្រែឡើងមានសភាពហើមខ្លាំងទៅហើយបង្កឲ្យមានការភ្ញាក់ផ្អើលតែម្តង ។ ដោយឡែកបុរសជាប្តីពុំបាននៅផ្ទះឡើយ ពោលគឺរត់គេចខ្លួនបាត់ស្រមោលទៅហើយ ។
ប្រភពនៅកន្លែងកើតហេតុបាននាំគ្នាសង្ស័យថា នារីរងគ្រោះអាចត្រូវបានប្តីជាអ្នកស្លាប់ព្រោះបន្ទប់ចាក់សោពីក្រៅ ហើយបុរសជាប្តីក៏បានបាត់ខ្លួនទៀត ។
បន្ទាប់ពីមានការភ្ញាក់ផ្អើលភ្លាម កម្លាំងអាជ្ញាធរ និងនគរបាលមូលដ្ឋាន បានចុះអន្តរាគមន៍ដល់កន្លែងដើម្បីធ្វើកោសល្យវិច្ច័យ និងរកមូលហេតុនៃការស្លាប់ ។
មន្ត្រីជំនាញបានឲ្យដឹងថា ក្រោយការធ្វើកោសល្យវិច្ច័យយ៉ាងល្អិតល្អន់រួចមក សពត្រូវបានគេសម្លាប់ដោយការវាយនឹងវត្ថុរឹង រួចយកក្រមារឹកករហូតស្លាប់ ។
ជុំវិញករណីនេះ សមត្ថកិច្ចពុំទាន់អាចសន្និដ្ឋានបានថា ផ្តើមចេញពីមូលហេតុអ្វីឲ្យពិតប្រាកដនៅឡើយទេ ខណៈបុរសជាប្តីបាត់រត់គេចខ្លួនបាត់ ហើយសមត្ថកិច្ចក៏នឹងកំពុងស្រាវជ្រាវតាមចាប់ខ្លួនផងដែរ ។ យ៉ាងណាមិញ បច្ចុប្បន្នសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ