ភ្លើងឆាបឆេះបង្គោលភ្លើងនិងខ្សែកាបអុបទិក ឆ្លងដល់ស្លាកយីហោហាងយ៉ាងសន្ធោសន្ធៅ
- ភ្នំពេញ
បង្គោលភ្លើងមួយដើម ត្រូវបានឆ្លងចរន្តអគ្គិសនី បង្កឱ្យក្លាយជាអណ្តាតភ្លើងឆាបឆេះយ៉ាងសន្ធោសន្ធៅនៅជាប់ហាងលក់គ្រឿង អលង្ការ និងនាឡិកា
បង្គោលភ្លើងមួយដើម ត្រូវបានឆ្លងចរន្តអគ្គិសនី បង្កឱ្យក្លាយជាអណ្តាតភ្លើងឆាបឆេះយ៉ាងសន្ធោសន្ធៅនៅជាប់ហាងលក់គ្រឿង អលង្ការ និងនាឡិកា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បង្គោលភ្លើងមួយដើម ត្រូវបានឆ្លងចរន្តអគ្គិសនី បង្កឱ្យក្លាយជាអណ្តាតភ្លើងឆាបឆេះយ៉ាងសន្ធោសន្ធៅនៅជាប់ហាងលក់គ្រឿង អលង្ការ និងនាឡិកា «អភី» បណ្តាលអោយឆេះរាលដាលដល់ស្លាកយីហោ តែសំណាងល្អ សមត្ថកិច្ចចេញរថយន្តពន្លត់អគ្គិភ័យអន្តរាគមន៍ទាន់ពេលវេលា កាលពីវេលាម៉ោង១១និង១៥នាទីយប់ ថ្ងៃ២២ ខែឧសភា ឆ្នាំ២០២២ នៅមុខហាងលក់គ្រឿងអលង្ការ និងនាឡិកា «អភី» ខាងជើងផ្សារថ្មី ផ្លូវ១២៦ ស្ថិតក្នុងសង្កាត់ផ្សារធំថ្មី១ ខណ្ឌដូនពេញ។
បើតាមប្រភពពីសន្តិសុខយាមផ្សារនៅផ្សារធំថ្មី បានប្រាប់អោយដឹងថា មុនពេលកើតហេតុ គាត់ឃើញបង្គោលភ្លើងមួយដើម មានខ្សែកាបអុបទិករញ៉េរញ៉ៃជាច្រើនបានឆ្លងចរន្ត បណ្តាល អោយឆាបឆេះរាលដាលខ្សែកាបបង្កឱ្យក្លាយជាអណ្ដាតភ្លើងឆាបឆេះយ៉ាងសន្ធោសន្ធៅ ។ ភ្លាមៗនោះ កម្លាំងគណៈបញ្ជាការឯកភាពខណ្ឌ និងកម្លាំងសន្តិសុខយាមផ្សារធំថ្មី រួមមទាំងប្រជាពលរដ្ឋក្បែរខាង ក៏បាននាំគ្នាទាញបំពង់ពន្លត់អគ្គិភ័យបាញ់អន្តរាគមន៍ដែរ តែដោយសារអណ្តាតភ្លើងមានទំហំឆេះខ្លាំង ហើយបំពង់តូចបានត្រឹមតែទប់ស្កាត់មួយភ្លែតៗតែប៉ុណ្ណោះ ។
ប្រភពដដែលបនត្ថា បន្ទាប់មក សមត្ថកិច្ចបានគោះទ្វារម្ចាស់ផ្ទះកើតហេតុ សួររកបំពង់ពន្លត់អគ្គិភ័យ តែមិនមាន ហើយម៉ូតូទឹកសាលាខណ្ឌ និងរថយន្តពន្លត់អគ្គិភ័យការិយាល័យ បង្កានិងពន្លត់អគ្គីភ័យ មកដល់ចំនួន០១គ្រឿង ក៏មិនទាន់ហ៊ានបាញ់ដែរ ព្រោះថាបង្គោលភ្លើងនោះនៅក្នុងចរន្តអគ្គិសនី។ បន្ទាប់មកក្រុមជំនាញអគ្គិសនី ហៅកាត់ EDC បានផ្តាច់ចរន្ត ហើយរថយន្ដពន្លត់អគ្គិភ័យក៏បានបាញ់ទឹកពន្លត់ភ្លាមៗទាន់ពេលវេលា គ្រាន់តែធ្វើឱ្យហាងលក់គ្រឿងអលង្ការ ឆាបឆេះខូចខាតស្លាកយីហោតិចតួចតែប៉ុណ្ណោះ ៕
ចែករំលែកព័តមាននេះ