កូរ៉េខាងជើងរកឃើញអ្នកមានរោគសញ្ញាជិត១៧ម៉ឺននាក់ ខណៈអ្នកស្លា.ប់កើនជិត៧០នាក់
កូរ៉េខាងជើង ៖ កូរ៉េខាងជើងបានរកឃើញអ្នកមានរោគសញ្ញាគ្រុនក្តៅជិត ១៧០.០០០នាក់បន្ថែម
កូរ៉េខាងជើង ៖ កូរ៉េខាងជើងបានរកឃើញអ្នកមានរោគសញ្ញាគ្រុនក្តៅជិត ១៧០.០០០នាក់បន្ថែម
កូរ៉េខាងជើង ៖ កូរ៉េខាងជើងបានរកឃើញអ្នកមានរោគសញ្ញាគ្រុនក្តៅជិត ១៧០.០០០នាក់បន្ថែម ខណៈដែលទីក្រុងព្យុងយ៉ាងមិនបានឆ្លើយតបចំពោះការផ្តល់ជំនួយរបស់កូរ៉េខាងត្បូង និងអាមេរិកដែលស្ម័គ្រចិត្តជួយរបបនេះប្រយុទ្ធប្រឆាំងនឹងកូវីដ ១៩។
កូរ៉េខាងជើងបានប្រកាសពីការផ្ទុះកូវីដ ១៩ជាលើកដំបូងនៅថ្ងៃទី ១២ ខែឧសភានេះ។ អង្គការសហប្រជាជាតិមានការព្រួយបារម្ភថា ការរាតត្បាតអាចនឹងបំផ្លិចបំផ្លាញធ្ងន់ធ្ងរនៅកូរ៉េខាងជើងដោយសាររបបនេះមិនមានកម្មវិធីវ៉ាក់សាំង ហេដ្ឋារចនាសម្ព័ន្ធវេជ្ជសាស្ត្រមិនគ្រប់គ្រាន់ និងមានវិបត្តិស្បៀងអាហារក្នុងប្រទេស។
ទីភ្នាក់ងារសារព័ត៌មានរដ្ឋ KCNA ចុះផ្សាយថានៅថ្ងៃច័ន្ទនេះថា មនុស្សចំនួន ១៦៧.៦៥០នាក់បន្ថែមទៀតមានអាការៈគ្រុនក្តៅ និងមានអ្នកស្លា.ប់ម្នាក់ទៀត ធ្វើឲ្យអ្នកមានគ្រុនក្តៅសរុបកើនដល់ ២.៣៣លាននាក់ ខណៈអ្នកស្លា.ប់កើនដល់ ៦៨នាក់។
ប្រធានាធិបតីអាមេរិកលោក Joe Biden បាននិយាយកាលពីថ្ងៃសៅរ៍កន្លងទៅនេះថា ទីក្រុងវ៉ាស៊ីនតោនស្ម័គ្រចិត្តផ្តល់វ៉ាក់សាំងកូវីដ ១៩ទៅឲ្យប្រទេសចិន និងកូរ៉េខាងជើង ប៉ុន្តែមិនទាន់ទទួលបានការឆ្លើយតបនោះទេពីប្រទេសទាំងនេះ។
ខណៈដែលរក្សាភាពស្ងៀមស្ងាត់ចំពោះការប្រកាសផ្តល់ជំនួយសពីប្រទេសខាងក្រៅ កូរ៉េខាងជើងបានអួតពីជោគជ័យក្នុងការទប់ស្កាត់ការរាតត្បាតវីរុស បន្ទាប់ពីមានការបិទក្រុង និងចាត់វិធានការរឹតត្បិត៕ (យោងតាមប្រភព៖ Reuters)
ចែករំលែកព័តមាននេះ