ខេត្តបន្ទាយមានជ័យ ៖ ឈ្លោះប្រែកគ្នាទប់កំហឹងមិនបាន ជនដៃដល់ក៏បានញញួរវាយក្បាលជនរងគ្រោះបែកហូរឈាមកក្លាក់ ហើយក៏រត់គេចខ្លួនបាត់ ចំណែកអ្នកចាញ់បានបញ្ជូនទៅមន្ទីរពេទ្យសង្គ្រោះ ។ ហេតុការណ៍កើតឡើងកាលពីវេលាម៉ោង១និង៥០នាទីរសៀលថ្ងៃទី២២ ឧសភា ឆ្នាំ២០២២ នៅចំណុចភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
នគរបាលវរសេនាតូចការពារព្រំដែនគោកលេខ៩១១បានឲ្យដឹងថា ជនបង្កឈ្មោះ ពោរ ថា អាយុ៤៣ឆ្នាំ រស់នៅក្នុងភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ រីឯជនរងគ្រោះឈ្មោះយ៉ា វ៉ាន់នី ភេទប្រុស អាយុ៤៣ឆ្នាំ នៅភូមិជាមួយគ្នា ។
នគរបាលបានបញ្ជាក់ថា នៅមុនពេលកើតហេតុជនរងគ្រោះនិងជនបង្កកើតមានជម្លោះឈ្លោះប្រកែកតឹងសសៃរ.កដាក់គ្នាយ៉ាងខ្លាំង រហូតដល់ជនបង្កទប់កំហឹងមិនបានក៏ទាញញួរវា.យក្បាលជនរងគ្រោះ ហើយបានរត់គេចខ្លួនបាត់ស្រមោលឈឹង ។ បច្ចុប្បន្ន សមត្ថកិច្ចកំពុងតាមរកចាប់
ខ្លួន ។
ចែករំលែកព័តមាននេះ