មេប៉ុស្តិ៍នគរបាលឃុំលាយបូរ នៃស្រុកត្រាំងកក់ ពេលនេះកំពុងតែមានកេរ្តិ៍ឈ្មោះល្បីល្បាញក្នុងការបណ្តោយ ឬដាក់ឱ្យមានទីតាំងល្បែ.ងស៊ីសង រហូតដល់ទៅជិត
ខេត្តតាកែវ ៖ មេប៉ុស្តិ៍នគរបាលឃុំលាយបូរ នៃស្រុកត្រាំងកក់ ពេលនេះកំពុងតែមានកេរ្តិ៍ឈ្មោះល្បីល្បាញក្នុងការបណ្តោយ ឬដាក់ឱ្យមានទីតាំងល្បែ.ងស៊ីសង រហូតដល់ទៅជិត៣០កន្លែង ដែលផ្ទុយទៅនឹងគោលនយោបាយភូមិ-ឃុំមានសុវត្ថិភាពរបស់រាជរដ្ឋាភិបាល ដែលមហាជនសង្ស័យណាស់ថា ជាឆ្នាំងបាយរបស់មេអាណាចក្រនេះ។
បើតាមសេចក្តីរាយការណ៍បានឱ្យដឹងថា ទីតាំងល្បែ.ងទាំងជិត៣០ទីតាំងនោះ គឺជាប្រភេទល្បែ.ងឡូតូអនឡាញ និងជល់មាន់អនឡាញ ដោយគេបានដាក់ពង្រាយតាមហាងកាហ្វេ នៅទូទាំងឃុំលាយបូរ ក្រោមការឃុបឃិតរបស់អាជ្ញាធរ និងថៅកែលាក់មុខមួយក្រុម។
ចំណែកប្រជាពលរដ្ឋរស់នៅក្នុងមូលដ្ឋាន ក៏បាននិយាយដែរថា ល្បែ.ងឡូតូអនឡាញ និងជល់មាន់នេះ ត្រូវគេដាក់បញ្ចាំង ដោយផ្សាយបន្តផ្ទាល់យ៉ាងព្រោងព្រាត តែពួកគាត់ពុំឃើញអាជ្ញាធរមានសមត្ថកិច្ច ចុះធ្វើការហាមឃាត់ ឬក៏បង្ក្រាបទៅតាមគោលនយោបាយភូមិ-ឃុំមានសុវត្ថិភាព ដែលដាក់ចេញដោយរាជរដ្ឋាភិបាលនោះទេ ខណៈទីតាំងល្បែ.ងខ្លះទៀត នៅជាប់នឹងរបងប៉ុស្តិ៍ថែមទៀតផង។
ជុំវិញករណីខាងលើនេះ យើងមិនអាចសុំការបកស្រាយពីលោក ស៊ិន ជី នាយប៉ុស្តិ៍រដ្ឋបាលឃុំលាយបូរ បានឡើយទេនៅថ្ងៃនេះ ដោយទូរស័ព្ទខលចូល ហើយនិយាយពីរឿងនេះ លោកថា ច្រឡំលេខ។
ដោយឡែកលោក ឌុក ធីយ៉ា អធិការស្រុកត្រាំកក់ ក៏បានថ្លែងដែរថា លោកខ្វះខាតកម្លាំងក្នុងការចុះបង្ក្រាបបទល្មើសនេះ៕
ចែករំលែកព័តមាននេះ