បើកឆាកថ្ងៃដំបូង! CPP ធ្វើយុទ្ធនាការស្វែងរកសន្លឹកឆ្នោតគគ្រឹកគគ្រេង បន្ទាប់មកបក្សភ្លើងទៀន
- ភ្នំពេញ
រាជធានីភ្នំពេញ ៖ ក្នុងចំណោមគណបក្សនយោបាយចំនួន១៧ដែលចូលរួមប្រកួតប្រែងស្វែងរក
រាជធានីភ្នំពេញ ៖ ក្នុងចំណោមគណបក្សនយោបាយចំនួន១៧ដែលចូលរួមប្រកួតប្រែងស្វែងរក
រាជធានីភ្នំពេញ ៖ ក្នុងចំណោមគណបក្សនយោបាយចំនួន១៧ដែលចូលរួមប្រកួតប្រែងស្វែងរកសម្លេងឆ្នោតក្នុងការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ គឺមានតែគណបក្សប្រជាជនកម្ពុជាបានបើកយុទ្ធនាការស្វែងរកសន្លឹកឆ្នោតថ្ងៃដំបូង(ទី១)មានភាពគគ្រឹកគគ្រេងបន្ទាប់មកគណបក្សភ្លើងទៀន។
ឯកឧត្តម សោម សូរីដា អ្នកនាំពាក្យគណៈកម្មាធិការជាតិរៀបចំការបោះឆ្នោតហៅកាត់ថា គ.ជ.បបានឲ្យដឹងកោះសន្តិភាពដឹងនៅថ្ងៃទី២២ ឧសភា ថា ថ្ងៃដំបូងនៃយុទ្ធនាការឃោសនាស្វែងរកសម្លេងឆ្នោតរបស់គណបក្សនយោបាយគឺមានតែគណបក្សប្រជាជនកម្ពុជាទេដែលបើកយុទ្ធនាការហែរក្បូនធំហើយមានសមាជិកចូលរួមច្រើនជាងគេ បន្ទាប់មកគណបក្សភ្លើងទៀន។
ឯកឧត្តមបានបញ្ជាក់យ៉ាងដូច្នេះថា៖«ថ្ងៃ២១ឧសភាគឺជាថ្ងៃទី១នៃយុទ្ធនាការឃោសនាបោះឆ្នោតគណបក្សនយោបាយដែរចុះបញ្ជីបេក្ខជនឈរឈ្មោះបោះឆ្នោតបានធ្វើសកម្មភាពឃោសនាការបោះឆ្នោតនៅតាមបណ្ឌលនៅតាមរាជធានីខេត្តទាំង២៥ ។ សកម្មភាពតាមមធ្យោបាយផ្សេងៗតាមលទ្ធភាពរបស់គណបក្សរៀងៗខ្លួន»។
ឯកឧត្តមបានបន្តថា យុទ្ធនាការគណបក្សបានធ្វើសកម្មភាពដូចជាហែរក្បូនយុទ្ធនាការឃោសនាបោះឆ្នោត ការចាក់មេក្រូ នៅស្នាក់គណបក្ស ចាក់មេក្រូចល័តចែកខិត្តប័ណ្ណជាដើម។
ឯកឧត្តមគូសបញ្ជាក់ថា៖«ថ្ងៃដំបូង គឺមានតែគណបក្សប្រជាជនកម្ពុជាទេដែលបាន បើកយុទ្ធនាហែរក្បូនឃោសនាស្វែងរកសន្លឹកឆ្នោតទ្រង់ទ្រាយធំ ពិសេសនៅខេត្តកណ្តាល ដែលមានអ្នកចូលរួមប្រមាណជាង៤ម៉ឺននាក់ នឹងនៅភ្នំពេញមានអ្នកចូលរួមប្រមាណ៤ម៉ឺននាក់ ។ដោយឡែកគណបក្សភ្លើងទៀនក៏បានបើកយុទ្ធនការហែរក្បូនឃោសនាស្វែរកសន្លឹកនៅខណ្ឌទាំង៧នៅរាជធានីភ្នំពេញដែលមានអ្នកចូលរួមប្រមាណជា១ម៉ឺន៥ពាន់នាក់»។
អ្នកនាំពាក្យគ.ជ.បក៏បានឲ្យដឹងថា ចំពោះគណបក្សនយោបាយផ្សេងទៀត ការធ្វើ សកម្មភាពឃោសនាស្វែងរកសម្លេងឆ្នោតមិនមានទ្រង់ទ្រាយធំនោះទេ គឺមានតែ ចាក់មេ ក្រូនៅទីស្នាក់ការគណបក្ស ចែកខិត្តប័ណ្ណ និងចាក់មេក្រូចល័តជាដើម។
យោងតាមសេចក្តីប្រកាសព័ត៌មានរបស់គ.ជ.បនៅថ្ងៃទី២១ឧសភាបានឲ្យដឹងថា ថ្ងៃឃោសនាបោះ ឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ថ្ងៃដំបូង បានប្រព្រឹត្តទៅដោយរលូន គ្មានអំពើហិ.ង្សា មានសន្ដិសុខ សុវត្ថិភាព សណ្ដាប់ធ្នាប់ល្អផងដែរ។
គ.ជ.បបានបញ្ជាក់ថា ថ្ងៃដំបូងនៃយុទ្ធនាកា រឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ គណបក្សនយោបាយទាំង ១៧ ដែលបានចុះបញ្ជីបេក្ខជនឈរឈ្មោះបោះឆ្នោត បានធ្វើសកម្មភាពឃោសនាបោះឆ្នោតទៅតាមលទ្ធភាព និងសមត្ថភាពរបស់ខ្លួននៅតាមឃុំ សង្កាត់ ដែលខ្លួនឈរឈ្មោះបោះឆ្នោត។
គ.ជ.ប បន្ដថា គណបក្សនយោបាយទាំងនោះ បានធ្វើសកម្មភាពឃោសនាជាអាទិ៍ ការជួបជុំ ការហែក្បួន ឃោសនា ការប្រគុំតន្ត្រី ការចាក់មេក្រូនៅតាមទីស្នាក់ការគណបក្ស និងចល័តតាមភូមិក្នុងឃុំ សង្កាត់ ការឃោសនាតាមផ្ទះ ការចែកខិត្តប័ណ្ណ និងបិទបដាជាដើម។
គ.ជ.បបានសម្គាល់ផងដែរថា នៅក្នុងភូមិសាស្ត្ររាជធានីភ្នំពេញក្នុងថ្ងៃដំបូងនេះ មានគណបក្សនយោបាយចំនួន៤ ធ្វើយុទ្ធនាការឃោសនាបោះឆ្នោត ក្នុងនោះមានគណបក្សនយោបាយចំនួន ២ បានហែក្បួនជាទ្រង់ទ្រាយធំ គឺគណបក្សប្រ ជាជនកម្ពុជា ដែលមានអ្នកចូលរួមប្រមាណ ៤០.០០០នាក់ និងគណបក្សភ្លើងទៀន ដែលមានអ្នកចូលរួមប្រមាណ ១.៥០០នាក់ រីឯគណបក្សចំនួន ២ ទៀត គឺគណបក្ស ខ្មែររួបរួមជាតិ និងគណបក្សប្រជាធិបតេយ្យមូលដ្ឋាន បានធ្វើសកម្មភាពហែក្បួនឃោសនា ចាក់មេក្រូចល័ត ចែកខិត្តប័ណ្ណនៅតាមសង្កាត់មួយចំនួនដែលខ្លួនបានចុះបញ្ជីបេក្ខជន។
គ.ជ.ប បានបញ្ជាក់ឲ្យដឹងថា «ជារួមដោយសារមានកិច្ចសហការល្អពី សំណាក់អាជ្ញាធរដែនដី ជាមួយគណៈកម្មការរៀបចំការបោះឆ្នោត តាមលំដាប់ថ្នាក់ និងគណបក្សនយោបាយផងនោះ ដំណើរការឃោសនា បោះឆ្នោតរបស់គណបក្សនយោ បាយនៅថ្ងៃដំបូងនេះ បានប្រព្រឹត្តទៅដោយរលូន គ្មានអំពើហិង្សា មានសន្តិសុខ សុវត្ថិភាព សណ្តាប់ធ្នាប់ល្អ និងពុំមានបាតុភាពណាមួយកើតឡើងគួរឲ្យកត់សម្គាល់ឡើយ»។
ទាក់ទិននឹងថ្ងៃយុទ្ធនាការឃោសនាស្វែងរកសន្លឹកឆ្នោតដំបូងនេះដែរលោក អ៊ុនជិមប្រធានគណបក្សខ្មែរ ឯកភាពជាតិដែលគណបក្សទើបតែបង្កើតថ្មីបាន ធ្វើយុទ្ធនា ការឃោសនាខ្សត់ជាងបានលើកឡើង ថ្ងៃទីមួយនៃយុទ្ធនាការឃោសនា ស្វែងរកសន្លឹ កឆ្នោតថាលោកបានធ្វើយុទ្ធនាការស្វែងរកសម្លេងឆ្នោតនៅខេត្តព្រះសីហនុ តាកែវ កំពង់ស្ពឺដោយចែកលិខិតបណ្ណដល់ខ្នងផ្ទះពលរដ្ឋតែម្តង។
លោកបានបញ្ជាក់ថា «ក្នុងយុទ្ធនាការនេះយើងប្រព្រឹត្តិទៅដោយរលូនមិនមានបញ្ហាអ្វីនោះទេដោយមានករសម្របស្រួលពីគ.ជ.ប.អាជ្ញាធរមូលដ្ឋាន។យើងប្រកាន់គោលជំហរគោរពនយោបាយ ច្បាប់គ.ជ.បនិងច្បាប់កម្ពុជា នឹងគោរច្បាប់ទំលាប់សមត្ថកិច្ច យើងប្រកាន់ក្រ មសីលធ៌មអ្នកប្រកួត…»។
លោកថា៖យើងចូលរួមយុទ្ធនាការថ្ងៃដមបូងនេះយើងពុំមានបញ្ហាជាមួយគ.ជ.បនឹងសមត្ថកិច្ចនោះទេ យើងគោរពច្បាប់ដែលដាក់ចេញ។
ជាមួយគ្នានោះដែរ លោកប្រធានបក្សថា ថ្ងៃទី១នៃយុទ្ធនាការឃោសនាស្វែងរកសម្លេងឆ្នោតនេះមានភាពល្អប្រសើរដោយសារអាជ្ញាធរមានការសហការនឹងយោគយល់ខ្ពស់ក្នុងការគោរពច្បាប់នឹងក្រមសីលធម៌ផ្តល់ឱកាសដល់គ្រប់គណបក្សនយោបាយចូលរួមប្រកួតប្រជែងក្នុងយុទ្ធនាការរៀងខ្លួនៗ។
លោកគូសបញ្ជាក់ថា៖«អីញ្ចឹងថ្ងៃដំបូងនេះយើងគិតថាល្អតែថ្ងៃបន្ទាប់ទៀតយើងមិនទាន់ហានថាបែបណាដែរ។អីចឹងដើម្បីឲ្យទទួលយកបានបរិយាកាសមុនបោះឆ្នោត បរិកាសយុទ្ធ នាការនឹងក្រោយបោះឆ្នោតជាទិភាពទាំមងបីនេះទើបដឹងថាបែបណាតែថ្ងៃដំបូងយើងទទួលយកបាមល្អប្រសើរជាងអានត្តិមុនៗ»។
លោកថា គណបក្សលោកបានការចុះផ្សព្វផ្សាយខិតប័ណ្ណគោលនយោបាយ ថ្នាក់ ឃុំទាំងអស់របស់គណបក្សឯកភាពជាតិខ្មែរ នៅក្នុងខេត្ត៣គឺខេត្តព្រះសីហនុ ខេត្តកំពង់ស្ពឺ និង ខេត្តតាកែវបានប្រព្រឹត្តទៅយ៉ាងរលូន ដោយមានការចូលរួម និង ការអបអរ សាទរពីប្រជាពលរដ្ឋតាមមូលដ្ឋានដោយសោមនស្សរីករាយ។ ប្រជាពលរដ្ឋចូលរួមស្វាគមន៍ និង អបអរសាទរបក្សថ្មីមួយនេះ ដោយសារពលរដ្ឋមើលឃើញគោលនយោបាយល្អ យកជាតិ និង ប្រជាពលរដ្ឋជាធំ យកច្បាប់ និង ប្រជាធិបតេយ្យជាធំ និង សេវកម្មបម្រើប្រជា ពលរដ្ឋដោយមិនប្រកាន់បក្សពួកសោះឡើយ។ ជាពិសេស ឡូហ្គូគណបក្ស និង ប្រធានគ ណបក្សមានលក្ខណៈសុភាពរាបសារ ទន់ភ្លន់ និង មានក្រមសីលធម៌ ល្អគួរអោយគោរព និង ទុកចិត្តបាន។
ជាមួយគ្នានោះដែរលោកប្រធានអ៊ុន ជឹម បានអំពាវនាវអោយពលរដ្ឋចូលរួមគាំទ្រ និង បោះឆ្នោតជូនគណបក្សឯកភាពជាតិខ្មែរ។ ព្រោះគណបក្សលោកនឹងចូ លរួមដោះស្រា យបញ្ហាជូនជាតិ និង ចូលរួមអភិវឌ្ឍជាតិ និង គោរពអោយតម្លៃ និង ផ្តល់ឱកាសឲ្យ គ្រប់មេដឹកនាំនយោបាយរស់នៅបានសុខ និង មានសេចក្តីថ្លៃថ្នូរបំផុត។
លោកមិនធ្វើនយោបាយប្រមាទ ចោទប្រកាន់ លាបពណ៌ និង បំផ្លាញជីវិត និង កិត្តិយសដល់អ្នកនយោបាយណាមួយឡើយ។
សូមជម្រាបថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នាថ្ងៃទី៥ ខែមិថុនា ឆ្នាំ២០២២។ ការ ឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ រយៈពេល ១៤ថ្ងៃ ចាប់ពីថ្ងៃទី២១ ឧសភា ដល់ថ្ងៃទី៣ ខែមិថុនា ឆ្នាំ២០២២ ខាងមុខ ៕
ចែករំលែកព័តមាននេះ