រាជធានីភ្នំពេញ ៖ ឥឡូវនេះធនាគារ ស៊ីអាយអិមប៊ី ភីអិលស៊ី (ធនាគារ CIMB) មានផ្តល់ជូនកម្មវិធីពិសេស គឺសេវាផ្ទេរប្រាក់ទៅក្រៅប្រទេសជុំវិញពិភពលោក ជាមួយតម្លៃទាបត្រឹមតែ១៨ដុល្លារអាមេរិកប៉ុណ្ណោះ ។ តាមរយៈកម្មវិធីពិសេសនេះ ទាំងអតិថិជន និងអ្នកមិនមែនអតិថិជនរបស់ធនាគារ CIMB អាចផ្ញើប្រាក់បានរហូតដល់១ម៉ឺនដុល្លារអាមេរិកទៅតាមរូបិយប័ណ្ណផ្សេងៗគ្នា ។
ជាការពិតណាស់ មនុស្សមួយចំនួនតែងតែមានការព្រួយបារម្ភចំពោះការផ្ទេរប្រាក់ទៅក្រៅប្រទេស ដោយសារគិតទៅលើបញ្ហាសុវត្ថិភាពនៃទឹកប្រាក់ និងការចរាចរប្រាក់ឆ្លងប្រទេស ។ ដូច្នេះវាគឺពិតជាសំខាន់ក្នុងការស្វែងរកភ្នាក់ងារផ្ទេរប្រាក់គួរជាទីទុកចិត្ត និងឆាប់រហ័ស ហើយធនាគារ CIMB ក្នុងនាមជាក្រុមហ៊ុនបុត្រសម្ព័ន្ធរបស់ ស៊ីអាយអិមប៊ី គ្រុប ដែលជាធនាគារសាកលនាំមុខគេមួយរបស់អាស៊ាន គឺជាជម្រើសដ៏ល្អបំផុតរបស់អ្នក។
លោកស្រី ហេង ធីតា នាយកហិរញ្ញវត្ថុបុគ្គលរបស់ធនាគារCIMBមានប្រសាសន៍ថា៖«ក្រៅពីការបំពេញសេវាកម្មល្អប្រសើរជាមួយនឹងផលិតផលដ៏សម្បូរបែប ធនាគារ CIMB តែងតែផ្តល់នូវកម្មវិធីពិសេសថ្មីៗ ដែលផ្តល់ផលប្រយោជន៍ខ្ពស់ដល់អតិថិជន ។ តាមរយៈកម្មវិធីពិសេសនៃសេវាផ្ទេរប្រាក់ទៅក្រៅប្រទេសនេះ លោកអ្នកអាចផ្ទេរប្រាក់ក្នុងអត្រាតម្លៃទាប ជាមួយធនាគារ CIMB ដែលជាធនាគារអន្តរជាតិឈានមុខគេមួយនៅកម្ពុជា» ។
លោកស្រីបន្ត ចាប់ពីថ្ងៃនេះរហូតដល់ដាច់ឆ្នាំ២០១៦ លោកអ្នកអាចរីករាយនឹងការបញ្ជូនប្រាក់របស់អ្នកជាមួយនឹងវិធីសាស្ត្រនៃការផ្ទេរប្រាក់ដ៏ឆាប់រហ័ស និងមានសុវត្ថិភាព ទៅកាន់ដៃគូពាណិជ្ជកម្ម បុត្រធីតា សម្រាប់ការបង់ថ្លៃសិក្សា និងអ្នកគ្រប់គ្នានៅក្រៅប្រទេសជុំវិញពិភពលោកប្រកបដោយសុវត្ថិភាពខ្ពស់ និងរហ័សទាន់ចិត្ត តាមរយៈសាខាក្រៅប្រទេស និងបណ្តាញដៃគូធនាគារជាច្រើន ។
គួរបញ្ជាក់ថា ធនាគារ ស៊ីអាយអិមប៊ី ភីអិលស៊ី ជាផ្នែកមួយនៃស៊ីអាយអិមប៊ី គ្រុប ដែលបានចាប់ផ្តើមប្រតិបត្តិការនៅថ្ងៃទី១៩ វិច្ឆិកា ឆ្នាំ២០១០ ដោយបានបើកសាខាពាណិជ្ជទី១ នៅចំកណ្តាលរាជធានីភ្នំពេញ ។ បច្ចុប្បន្ន ធនាគារមានសាខាចំនួន១១កន្លែងនៅក្នុងខេត្តរាជធានីសំខាន់ៗទាំង៥ រួមមានរាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកំពង់ចាម និងខេត្តបាត់ដំបង ។ ជាមួយនឹងអតិថិជនសរុបប្រមាណ ១៩.០០០នាក់ ធនាគារ ស៊ីអាយអិមប៊ី មានផ្តល់ជូនសេវាកម្ម និងផលិតផលធនាគារដ៏ទូលំទូលាយ រួមមានសេវាកម្មហិរញ្ញវត្ថុបុគ្គល សេវាកម្មធនាគារពាណិជ្ជ ព្រមទាំងសេវាកម្មសាជីវកម្ម និងប្រតិបត្តិការធនាគារផងដែរ ៕
ចែករំលែកព័តមាននេះ