អ.ស.ប កាលពីថ្ងៃទី៣០ តុលា សម្តែងការរន្ធត់ដោយសារការបា.ញ់ផ្លោងស្រោចរបស់ពួកឧទ្ទាមសម្លា.ប់ជនស៊ីវិល៤១នាក់ក្នុងសង្កាត់ទាំងឡាយនាភាគខាងលិចក្រុងអាឡែប កាន់កា.ប់ដោយកងទ័ពស៊ីរីតាំងពីចាប់ផ្តើមការវាយ
អ.ស.ប កាលពីថ្ងៃទី៣០ តុលា សម្តែងការរន្ធត់ដោយសារការបាញ់ផ្លោងស្រោចរបស់ពួកឧទ្ទាមសម្លាប់ជនស៊ីវិល៤១នាក់ក្នុងសង្កាត់ទាំងឡាយនាភាគខាងលិចក្រុងអាឡែប កាន់កាប់ដោយកងទ័ពស៊ីរីតាំងពីចាប់ផ្តើមការវាយលុករបស់ពួកគេពីថ្ងៃទី២៨ តុលាមក ប៉ុនប៉ងបំបែកការឡោមព័ទ្ធរបស់របបស៊ីរី ។
យោងតាមអ.ស.បថាក្រុមចម្រុះឧទ្ទាមអ៊ិស្លាមនិយមនិងពួកជីហាដបានបាញ់ស្រោចគ្រាប់រ៉ុក្កែតនិងកាំភ្លើងធំបំបែកខ្សែបន្ទាត់ឡោមព័ទ្ធរបស់កងទ័ពរដ្ឋាភិបាលលើភាគខាងកើតក្រុងអាឡែបកាន់កាប់ដោយពួកឧទ្ទាមជាតំបន់មានមនុស្សរស់នៅ២៥០.០០០នាក់ ដាច់ជំនួយមនុស្សធម៌ហើយរងការគំរាមកំហែងដាច់ស្បៀង ចាប់តាំងពីខែកក្កដាមក ។
ម្យ៉ាងវិញទៀត ពួកឧទ្ទាមទទួលការចោទប្រកាន់ថាប្រើឧស្ម័នពុលដែលតាមបណ្តាសារព័ត៌មានផ្លូវការថានៅក្នុងសង្កាត់មួយកាន់កាប់ដោយរដ្ឋាភិបាល ។ ចាប់តាំងពីថ្ងៃទី២៨ តុលាមក ជនស៊ីវិល៤១នាក់ ក្នុងនោះមានកុមារ១៦នាក់ត្រូវស្លាប់ និង២៥០នាក់ទៀតរងរបួសដោយសារគ្រាប់ផ្លោងនិងគ្រាប់រ៉ុក្កែតបាញ់ស្រោចដោយពួកឧទ្ទាមលើបណ្តាសង្កា់្តភាគខាងលិចក្រុងអាឡែប ។ នេះជាការគូសបញ្ជាក់របស់អង្គការសិទ្ធិមនុស្សស៊ីរីOSDH ។
បេសកជនពិសេស អ.ស.ប សម្រាប់ស៊ីរីលោក STAFFAN DE MISTURA និយាយថា លោកមានការក្តុកក្តួលចំពោះការបាញ់ស្រោចទាំងនោះដោយលើកឡើងពីលទ្ធភាពចោទប្រកាន់ពីបទឧក្រិដ្ឋកម្មសង្គ្រាម ។
ម្យ៉ាងទៀតយោងតាមOSDH ថា ពួកឧទ្ទាម៦៤នាក់ ស្លាប់ក្នុងការប្រយុទ្ធគ្នា ហើយកងទ័ពស៊ីរីនិងពួកជីវពលជាសម្ព័ន្ធមិត្តមានស្លាប់៥៥នាក់ ៕
ចែករំលែកព័តមាននេះ