ខេត្តសៀមរាប ៖ គ្រឹះស្ថានមីក្រូហិរញ្ញវត្ថុ អម្រឹត រៀបចំសិក្ខាសាលាថ្នាក់គ្រប់គ្រងលើកទី១៣ ក្រោមប្រធានបទ «ដំណើរឆ្ពោះទៅការរីកចម្រើនដ៏រឹងមាំ» កាលពីពេលថ្មីៗនេះ។ ពិធីនេះមានការចូលរួមជាកិត្តិយសពីលោក
ខេត្តសៀមរាប ៖ គ្រឹះស្ថានមីក្រូហិរញ្ញវត្ថុ អម្រឹត រៀបចំសិក្ខាសាលាថ្នាក់គ្រប់គ្រងលើកទី១៣ ក្រោមប្រធានបទ «ដំណើរឆ្ពោះទៅការរីកចម្រើនដ៏រឹងមាំ» កាលពីពេលថ្មីៗនេះ។ ពិធីនេះមានការចូលរួមជាកិត្តិយសពីលោក ជា ផល្លារិន អគ្គនាយកគ្រឹះស្ថានមីក្រូហិរញ្ញវត្ថុអម្រឹត។
លោក ជា ផល្លារិន អគ្គនាយកគ្រឹះស្ថានមីក្រូហិរញ្ញវត្ថុអម្រឹតមានប្រសាសន៍ថា៖ «យើងប្រារព្ធពិធីនេះឡើង ដើម្បីបង្ហាញពីយុទ្ធសាស្ត្រថ្មីៗ គោលជំហររបស់ស្ថាប័ន និងផ្តល់ឱកាសដល់បុគ្គលិកថ្នាក់គ្រប់គ្រងទាំងនៅស្នាក់ការកណ្តាល និងសាខារាជធានី ខេត្ត ក្រុង ទាំងអស់ បានជួបប្រាស្រ័យទាក់ទងគ្នា»។
លោកលើកឡើងថា គិតត្រឹមចុងខែកញ្ញា ឆ្នាំ២០១៦នេះ សមិទ្ធផលដែលសម្រេចបានមានផលបត្រប្រាក់កម្ចីមានចំនួនប្រមាណ ៥០៩លានដុល្លារអាមេរិក ជាមួយនឹងអតិថិជនចំនួន៣៣៤.០៣៩នាក់, សមតុល្យប្រាក់បញ្ញើមានប្រមាណ ២៦៩លានដុល្លារអាមេរិក ជាមួយនឹងអតិថិជន ៣១៤.៥១៧ នាក់, ទ្រព្យសកម្មមានចំនួនប្រមាណ ៦២២លានដុល្លារអាមេរិក, ចំនួនសាខា ១៤៤ នៅតាម២៥ ខេត្ត-រាជធានីទូទាំងប្រទេសកម្ពុជា, ចំនួនអតិថិជនសកម្មមានចំនួន ៤២៦.៩៩២ នាក់, សេវាផ្ទេរ និងទទួលប្រាក់មានចំនួន ១០៧.៤៥៨ប្រតិបត្តិការ គិតចាប់ពីដើមឆ្នាំ២០១៦មក, យើងមានបុគ្គលិកចំនួន ៤.០២៩នាក់ ដែលក្នុងនោះមានបុគ្គលិកនារីមានចំនួន ១.៣៥៥ នាក់។
លោកបញ្ជាក់ថា ៖ «សមិទ្ធផលទាំងអស់នេះ គឺជាការខិតខំប្រឹងប្រែងបំពេញការងារប្រកបដោយស្មារតីទទួលខុសត្រូវខ្ពស់របស់បុគ្គលិក និងថ្នាក់គ្រប់គ្រងទាំងអស់គ្នា និងការចូលរួមសហការពីអតិថិជន ក៏ដូចជាអាជ្ញាធរដែនដី និងមេភូមិផងដែរ។ ខ្ញុំមានជំនឿយ៉ាងមុតមាំថា បុគ្គលិកថ្នាក់គ្រប់គ្រងទាំងអស់ នឹងនៅតែបន្តស្មារតីសាមគ្គីគ្នាប្រកបដោយស្មារតីទទួលខុសត្រូវខ្ពស់ ម្យ៉ាងទៀតដើម្បីយល់ឲ្យកាន់តែច្បាស់ និងជ្រាបកាន់តែលម្អិតអំពីសមិទ្ធផល និងផែនការយុទ្ធសាស្ត្រ ។ ជាមួយនឹងឆន្ទៈយ៉ាងស្រួចស្រាវ ស្របនឹងបេសកកម្មរបស់យើងនាពេលនេះ ខ្ញុំសង្ឃឹមថា យើងទាំងអស់គ្នា នឹងនៅតែរក្សាការខិតខំប្រឹងប្រែងបន្តទៀត»៕
ចែករំលែកព័តមាននេះ