រាជធានីភ្នំពេញ ៖ វាជារឿងសំខាន់ក្នុងការបង្ហាញការយល់ចិត្ត និងយកចិត្តទុកដាក់លើកូនរបស់អ្នក ។ មានយុទ្ធសាស្ត្រមួយចំនួនដែលអាចជួយបន្ធូរបន្ថយការភ័យខ្លាចរបស់កូនអ្នក ៖
– កុំនិយាយថា «កុំភ័យខ្លាច» ចូរនិយាយថា ប៉ា ឬម៉ាក់ដឹងថា កូនពិតជាមានអារម្មណ៍ភ័យខ្លាចនៅពេលនេះ ។ ចូរទទួលស្គាល់ថា ពួកគេភ័យខ្លាច ហើយដោះស្រាយការភ័យខ្លាចទាំងនោះ ។
– លើកទឹកចិត្តកូនរបស់អ្នកឱ្យប្រើតុក្កតា សត្វពាហនៈ ឬប្រដាប់ក្មេងលេងផ្សេងទៀត ដើម្បីបង្ហាញអ្នកពីរបៀបដែលនរណាម្នាក់អាចដោះស្រាយជាមួយនឹងការភ័យខ្លាច ។ អាចពណ៌នាអំពីក្មេងប្រុសក្លាហានដែលអាចដេញសត្វចម្លែកទៅឆ្ងាយ ឱ្យកូនអ្នកស្តាប់ ព្រោះធ្វើបែបនេះអាចជួយកូនអ្នកបង្កើតដំណោះស្រាយប្រកបដោយភាពច្នៃប្រឌិត ។
– មុនពេលអ្នកបិទភ្លើងនៅពេលយប់ សួរកូនថា តើពួកគេចង់មើលក្រោមគ្រែដែរទេ ? ត្រូវប្រើពិលដើម្បីបំភ្លឺមើលជុំវិញប្រសិនបើពួកគេចង់ ។ ការបង្ហាញកន្លែងដែលក្មេងៗគិតថា មានសត្វចម្លែកកំពុងលាក់ខ្លួន អាចជួយពួកគេក្នុងការបំបាត់ភាពភ័យខ្លាច ។
– នៅពេលក្មេងៗខ្លាចភាពងងឹត ការធ្វើអ្វីៗដែលសប្បាយៗនៅពេលដែលភ្លើងរលត់អាចជួយឱ្យពួកគេមើលឃើញថា ភាពងងឹតមិនគួរឱ្យខ្លាចនោះទេ ។ អ្នកអាចអានសៀវភៅនៅពេលចូលគេងដោយប្រើតែពិល ឬប្រាប់ពួកគេពីរឿងកុមារភាពរបស់អ្នកនៅក្នុងភាពងងឹតមុនពេលពួកគេគេង ។ អ្នកក៏អាចមើលផ្កាយ និងព្រះច័ន្ទមុនពេលចូលគេង និងជួយពួកគេស្វែងរកក្រុផ្កាយជាដើម ។ គោលបំណង គឺដើម្បីបង្ហាញថា ភាពងងឹតមិនមែនជារឿងអាក្រក់នោះទេ ។
– ជួនកាលមានពន្លឺបន្ថែមតិចតួចនៅក្នុងបន្ទប់គេងអាចជួយបន្ធូរបន្ថយការភ័យខ្លាចរបស់កុមារ ។ ប៉ុន្តែពន្លឺអាចរំខានដល់ការគេង ដូច្នេះប្រសិនបើអ្នកជ្រើសរើសពន្លឺពេលយប់ ត្រូវប្រាកដថា វាមិនភ្លឺដល់មុខកូនអ្នក ។
– ដាក់កម្រិតការមើលប្រព័ន្ធផ្សព្វផ្សាយដែលមានអំពើហិង្សា ឬអ្វីៗដែលគួរឱ្យខ្លាច ។ យកចិត្តទុកដាក់ជាពិសេសចំពោះអ្វីដែលកូនរបស់អ្នកអាចញ៉ាំមុនពេលចូលគេង ។ ហើយកុំអានរឿងដែលទាក់ទងនឹងសត្វចម្លែក បិសាច ខ្មោច ឬសត្វគួរឱ្យខ្លាចមុនពេលចូលគេង ។
– ការងូតទឹក អានសៀវភៅពីរបីក្បាល និងការស្កប់ស្កល់ជាមួយម៉ាក់ ឬប៉ាមុនពេលចូលគេង គឺជារឿងមួយចំនួនដែលអ្នកប្រហែលជាចង់បញ្ចូលទៅក្នុងទម្លាប់ពេលចូលគេងរបស់កូនអ្នក ។ ទម្លាប់ពេលចូលគេងដ៏ស្ងប់ស្ងាត់អាចជួយកូនរបស់អ្នកឱ្យគេងលក់លឿនជាងមុន ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនវ៉េស្ទឡាញន៍ និងសាលារៀនណត្សឡាញន៍ បើកវគ្គសិក្សាថ្មីសម្រាប់កម្មវិធីមត្តេយ្យ កម្មវិធីភាសាអង់គ្លេស កម្មវិធីភាសាចិន ចូលរៀនថ្ងៃទី ៣ ខែឧសភា ឆ្នាំ ២០២២ ។ សាលារៀនផ្តល់ជូនពិសេស ១៥% លើតម្លៃសិក្សា និងធានារ៉ាប់រងគ្រោះថ្នាក់ និងការការពារការសិក្សាបុត្រធីតារហូតដល់ ៥ ឆ្នាំ ។ ការផ្តល់ជូនខាងលើមានសុពលភាពត្រឹមថ្ងៃទី ២ ខែឧសភា ឆ្នាំ ២០២២ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ