Apple បង្ហាញ MacBook Pro ថ្មី
ម៉ូដែលថ្មីរបស់ MacBook Pro ដែលមានទម្ងន់ស្រាលជាងមុន និងស្តើងជាងមុន ហើយលើសពីនេះទៅទៀត មានTouch Bar ត្រូវបានដាក់បង្ហាញកាលពីថ្ងៃព្រហស្បតិ៍ នៅទីស្នាក់ការ កណ្តាលរបស់ក្រុមហ៊ុន Apple
ម៉ូដែលថ្មីរបស់ MacBook Pro ដែលមានទម្ងន់ស្រាលជាងមុន និងស្តើងជាងមុន ហើយលើសពីនេះទៅទៀត មានTouch Bar ត្រូវបានដាក់បង្ហាញកាលពីថ្ងៃព្រហស្បតិ៍ នៅទីស្នាក់ការ កណ្តាលរបស់ក្រុមហ៊ុន Apple
ម៉ូដែលថ្មីរបស់ MacBook Pro ដែលមានទម្ងន់ស្រាលជាងមុន និងស្តើងជាងមុន ហើយលើសពីនេះទៅទៀត មានTouch Bar ត្រូវបានដាក់បង្ហាញកាលពីថ្ងៃព្រហស្បតិ៍ នៅទីស្នាក់ការ កណ្តាលរបស់ក្រុមហ៊ុន Apple ក្នុងរដ្ឋ California ។ លោកប្រធានក្រុមហ៊ុនTim Cook បាននិយាយថា វាជាការបញ្ជាក់ពីអ្វីគ្រប់យ៉ាងដែលយើងបានធ្វើ និងអ្វីគ្រប់យ៉ាងដែលយើង បង្កើតនៅក្នុងក្រុមហ៊ុន Apple ។
ម៉ូដែលថ្មីនេះមានភាពខុសប្លែកពីប្រភេទកុំព្យូទ័ររបស់ក្រុមហ៊ុន ផ្សេងៗ ដែលខិតខំដាក់បញ្ចូលបច្ចេកវិទ្យា TouchScreen លើកុំព្យូទ័ររបស់ខ្លួន ចំណែក MacBook Pro នេះវិញមានតែផ្នែកមួយគត់ដែលអាចចុចលើអេក្រង់បានឈ្មោះ Touch Bar នៅផ្នែកខាងលើនៃក្តារចុច(KeyBoard) ។
នៅលើ Touch Bar មានប៊ូតុងបញ្ជាផងដែរ ដូចជា control sliders, dials និង tools ដែល អាចផ្លាស់ប្តូរកម្មវិធីដែលអ្នកប្រើប្រាស់ ហើយវាក៏បានដើរតួជំនួស function keysដែរ ។ ជាងនេះទៅទៀតអ្នកប្រើប្រាស់អាចផ្លាស់ប្តូរ Tools នៅលើ Touch Bar តាមការចង់បានរបស់ខ្លួន ។
MacBook Pro ថ្មីនេះជាម៉ូដែល Mac ដែលមាន Touch ID ។ លក្ខណៈពិសេសនេះត្រូវបានបន្ថែមផ្ទាល់ទៅក្នុង Touch Bar ដើម្បីឲ្យយើងដឹងថា តើប៊ូតុងបញ្ជាបើកកុំព្យូទ័រនេះនៅត្រង់ណានៃ Touch Bar ។ នោះមានន័យថា អ្នកប្រើប្រាស់អាចចូលប្រើប្រាស់កុំព្យូទ័រ របស់គេដោយគ្រាន់ តែប្រើប្រាស់ស្នាមម្រាមដៃប៉ុណ្ណោះ ហើយវាមានសមត្ថភាពចំណាំស្នាមម្រាមដៃបានច្រើនផងដែរ ។
ក្រុមហ៊ុន Apple សង្ឃឹមយ៉ាងមុតមាំថា MacBook Pro ថ្មីនេះនឹងជួយលើកស្ទួយការ ប្រើប្រាស់កុំព្យូទ័រក្នុងទីផ្សារឲ្យបានកាន់តែច្រើន បន្ទាប់ពីទីផ្សារ PC ធ្លាក់ចុះ ។
MacBook Pro ត្រូវប្រកួតប្រជែងជាមួយនឹងកុំព្យូទ័រម៉ូដែលថ្មីរបស់ក្រុមហ៊ុន Microsoft ដែលបានដាក់បង្ហាញនាថ្ងៃពុធ មានឈ្មោះថា Surface Studio ជាប្រភេទកុំព្យូទ័រទំនើបនិងទទួលបាន ការចាប់អារម្មណ៍ច្រើន ។
ម៉ូដែល MacBook Pro នេះមានពីរស៊េរីគឺទំហំអេក្រង់ទំហំ១៣អីុញ មានកម្រាស់១៤,៩mm ទម្ងន់១,៣គីឡូក្រាម លក់ក្នុងតម្លៃ១,៧៩៩ដុល្លារអាមេរិក ចំណែកស៊េរី១៥អីុញ មានកម្រាស់១៥,៥mm ទម្ងន់១,៨គីឡូក្រាម លក់ក្នុងតម្លៃ២.៣៩៩ដុល្លារអាមេរិក ។ ចំណែកម៉ូដែលមួយទៀតដែលគ្មាន Touch Bar និងTouch ID លក់ក្នុងតម្លៃ១.៤៩៩ដុល្លារអាមេរិក ។
បន្ថែមលើសពីនេះទៅទៀត MacBook Pro ថ្មីនេះមាន trackpads កន្លែងបញ្ជាកុំព្យូទ័រ ធំជាងមុន ច្នៃក្តារចុចល្អជាងមុន បញ្ចេញពន្លឺភ្លឺច្បាស់ជាងមុនពេលថាមពលថ្មរបស់កុំព្យូទ័រ ធ្លាក់ចុះ និងកែច្នៃប្រព័ន្ធសំឡេងថ្មីផងដែរ ដែលមានថាមពល១០ម៉ោង ៕
ចែករំលែកព័តមាននេះ