ប្រកាច់ជាច្រើនដង ទាល់តែឪពុកមកដល់ទើបព្រម
រាជធានីភ្នំពេញ ៖ ដោយសារតែខឹងប្រពន្ធស្តីបន្ទោស បុរសម្នាក់បានទៅផឹករហូតស្រវឹងជោក រួចបើករថយន្តយ៉ាងលឿនដូចហោះដល់ផ្លូវកោងបួងចង្កូតមិនទាន់ …
រាជធានីភ្នំពេញ ៖ ដោយសារតែខឹងប្រពន្ធស្តីបន្ទោស បុរសម្នាក់បានទៅផឹករហូតស្រវឹងជោក រួចបើករថយន្តយ៉ាងលឿនដូចហោះដល់ផ្លូវកោងបួងចង្កូតមិនទាន់ជ្រុលបុកដើមត្នោតបង្កឲ្យមានការភ្ញាក់ផ្អើលកាលពីវេលាម៉ោង១រំលងអធ្រាត្រឈានចូលថ្ងៃទី៣១ ខែតុលា ឆ្នាំ២០១៦ ទល់មុខរោងចក្រសិប្បកម្មផលិតស៊ីទែនប្រេង នៅតាមបណ្តោយផ្លូវបេតុងភូមិកប់ភ្លក់ សង្កាត់ភ្លើងឆេះរទេះ ខណ្ឌពោធិ៍សែនជ័យ ។
បុរសរងគ្រោះឈ្មោះ កូវ ផានុប អាយុ៣៥ឆ្នាំ មុខរបរជាងភ្លើង រស់នៅភូមិភ្លើងឆេះរទេះកើត សង្កាត់ភ្លើងឆេះរទេះ ខណ្ឌពោធិ៍សែនជ័យ ជាអ្នកបើករថយន្តម៉ាក RAV4 ពណ៌ទឹកប្រាក់ ពាក់ស្លាកលេខ ភ្នំពេញ 2Y-7573 និងបុរសរងគ្រោះដែលរួមដំណើរជាមួយឈ្មោះ លី តារា អាយុ២៧ឆ្នាំ រស់នៅភូមិជាមួយគ្នា រងរបួសធ្ងន់ទាំង២នាក់ ។
ប្រភពព័ត៌មានពីកន្លែងកើតហេតុបាននិយាយថា មុនពេលកើតគេបានឮសន្ធឹករថយន្តបើកយ៉ាងលឿនដូចហោះក្នុងទិសដៅពីកើតទៅលិច បន្ទាប់មកស្រាប់តែលាន់សូរដូចរន្ទះក៏នាំគ្នាចេញមកមើលក៏ឃើញរថយន្ត១គ្រឿងបើកបុកពំនូកដី ហើយហោះទៅបុកដើមត្នោតបណ្តាលឲ្យអ្នកជិះក្នុងរថយន្តទាំង២នាក់រងរបួសយ៉ាងធ្ងន់ធ្ងរ ឯរថយន្តស្រុញផ្នែកខាងមុខ ចំណែកដើមត្នោតគ្រាន់តែរលាត់សំបកបន្តិចបន្តួចប៉ុណ្ណោះ ។
បើតាមសំដីជនរងគ្រោះជាអ្នកបើករថយន្តបាននិយាយទាំងឈឺចាប់ថា រូបគាត់មានជម្លោះជាមួយប្រពន្ធត្រូវប្រពន្ធស្តីបន្ទោសធ្វើឲ្យគាត់បើករថយន្តទាំងខឹង លុះមកដល់ចំណុចកើតហេតុដោយកោងបួងចង្កូតមិនទាន់បានជ្រុលបុកទៅលើដើមត្នោតតែម្តង ។
ក្រោយពេលកើតហេតុ ជនជនរងគ្រោះទាំង២នាក់ត្រូវបានរថយន្តសង្គ្រោះរបស់អង្គភាព៧១១ដឹកយកទៅសង្គ្រោះភ្លាមៗ ដោយឡែកបុរសជាអ្នកបើកបររថយន្តដោយស្ថានភាពស្រវឹងផងពេលក្រុមរថយន្តសង្គ្រោះ៧១១នាំឡើងរថយន្តបែរជាប្រកាច់ចុះឡើងជាច្រើនដង ទាល់តែឪពុកជនរងគ្រោះមកដល់ទើបព្រមឡើងរថយន្ត ចំណែករថយន្តសមត្ថកិច្ចប្រគល់ឲ្យយក្រុមគ្រួសារស្ទូចទៅជួសជុលដោយខ្លួនឯង ៕
ចែករំលែកព័តមាននេះ