ភិន សុដាលីស ទៅអាមេរិកចោលកូនស្រី
រាជធានីភ្នំពេញ ៖ តារាសម្តែងនាងភិន សុដាលីស គ្រោងចេញទៅសហរដ្ឋអាមេរិកក្នុងពេល ឆាប់ៗខាងមុខនេះ ដោយមិនយកកូនស្រីរបស់នាងទៅជាមួយទេ ។ តើហេតុអីបានជាភិន សុដាលីស ទៅបរទេសទៅចោល
រាជធានីភ្នំពេញ ៖ តារាសម្តែងនាងភិន សុដាលីស គ្រោងចេញទៅសហរដ្ឋអាមេរិកក្នុងពេល ឆាប់ៗខាងមុខនេះ ដោយមិនយកកូនស្រីរបស់នាងទៅជាមួយទេ ។ តើហេតុអីបានជាភិន សុដាលីស ទៅបរទេសទៅចោលកូនស្រីដែលទើបកើតមិនទាន់បានមួយខែផងនោះ ?
ភិន សុដាលីស បានចូលសម្ភាសន៍នៅស្ថានទូតអាមេរិកប្រចាំកម្ពុជា កាលពីពេល ថ្មីៗកន្លងមក ហើយនាងទទួលបានសិទ្ធិចេញទៅអាមេរិក ។
ប្រភពក្រៅផ្លូវការអះអាងថាភិន សុដាលីស ត្រូវអនុញ្ញាតឱ្យទៅអាមេរិក គឺដោយសារតែនាងមិនយកកូនស្រីរបស់នាងទៅជាមួយ ព្រោះបើនាងចេញទៅជាមួយកូនក្នុងពេលមានរឿងរ៉ាវលែងលះស្វាមីលោកប៉ែន ចំរ៉ុង នោះប្រាកដជាមិនបានទៅទេ ដោយសារតែស្ថានទូតខ្លាចនាងមិនត្រឡប់មកកម្ពុជាវិញ ។
លោកអិុន សុភិន ឪពុករបស់ភិន សុដាលីស ទទួលស្គាល់ថា នាងសម្ភាសន៍ជាប់បានទៅសហរដ្ឋអាមេរិកដមែនក្នុងគម្រោងដើរលេងកម្សាន្តរយៈពេលខ្លី ។ តាមគម្រោងគឺលោកសុភិន ព្រមទាំងនាងភិន សុដាលីស និងកូន២នាក់ទៀតនឹងចេញទៅអាមេរិកនៅដើមខែវិច្ឆិកា ដើរលេងកម្សាន្តរយៈពេលមួយសប្តាហ៍ ។
លោកអិុន សុភិននិយាយថា ការចេញទៅដើរលេងនៅអាមេរិកនេះក្នុងគោលបំណងឲ្យកូនស្រីរបស់លោកភិន សុដាលីស បានល្ហែល្ហើយខួរក្បាលក្រោយពេលសម្រាលកូន។ គម្រោងទៅអាមេរិក៤នាក់នេះ គឺកូនស្រីរបស់ដាលីសទុកឱ្យជីដូននៅមើលថែ ។ លោកអិុន សុភិន ឱ្យដឹងថា ដំណើរកម្សាន្តនេះស្ថិតក្នុងគម្រោងដែលមានស្រាប់ សម្រាប់ក្រុមគ្រួសាររបស់លោក ហើយចាត់ទុកថានេះជាលើកទី៣ហើយ ដែលភិន សុដាលីស ទៅសហរដ្ឋអាមេរិក ។
លោកអិុន សុភិន និយាយថា «ដំណើរកម្សាន្តនៅក្រៅប្រទេសនេះ មិនប៉ះពាល់ដល់សុខភាពដាលីសដែលនៅសរសៃខ្ចីទេ ហើយភរិយារបស់ខ្ញុំអាចមើលថែកូនរបស់នាងដែរ ទើបមានអាយុមិនដល់មួយខែនេះបាន ។
ក្នុងនាមជាឪពុកខ្ញុំតែងតែលើកទឹកចិត្តកូន ក្នុងពេលដែលកូនស្រីកំពុងតែស្ថិតក្នុងស្ថានភាពមួយនេះ ហើយបើគ្មានការយកចិត្តទុកដាក់ពីខ្ញុំដែលជាឪពុកទៀត គឺបញ្ហាសតិអារម្មណ៍របស់នាងនឹងពិតជាកើតមានឡើងជាមិនខានឡើយ» ៕
ចែករំលែកព័តមាននេះ